ਕਿਹਾ, ਹੁਣ ਪਤੰਜਲੀ ਦੀ ਕੋਰੋਨਿਲ ਗੋਲੀ ਕਰੇਗੀ ਕੋਵਿਡ ਦਾ ਇਲਾਜ
ਨਵੀਂ ਦਿੱਲੀ: ਯੋਗ ਗੁਰੂ ਬਾਬਾ ਰਾਮਦੇਵ ਨੇ ਅੱਜ ਕਰੋਨਾ ਦੀ ਨਵੀਂ ਦਵਾਈ ਬਾਜ਼ਾਰ ਵਿਚ ਉਤਾਰੀ ਹੈ। ਇਸ ਦਾ ਐਲਾਨ ਬਾਬਾ ਰਾਮਦੇਵ ਨੇ ਪ੍ਰੈੱਸ ਕਾਨਫਰੰਸ ਦੌਰਾਨ ਕੀਤਾ ਹੈ। ਇਸ ਮੌਕੇ ਕੇਂਦਰੀ ਸਿਹਤ ਮੰਤਰੀ ਹਰਸ਼ ਵਰਧਨ ਤੋਂ ਇਲਾਵਾ ਕੇਂਦਰੀ ਆਵਾਜਾਈ ਮੰਤਰੀ ਨਿਤਿਨ ਗਡਕਰੀ ਵੀ ਮੌਜੂਦ ਰਹੇ। ਰਾਮਦੇਵ ਮੁਤਾਬਕ ਹੁਣ ਪਤੰਜਲੀ ਦੀ ਕੋਰੋਨਿਲ ਗੋਲੀ ਕੋਵਿਡ-19 ਦਾ ਇਲਾਜ ਕਰੇਗੀ।
Baba ramdev
ਉਨ੍ਹਾਂ ਦਾਅਵਾ ਕੀਤਾ ਕਿ ਆਯੂਸ਼ ਮੰਤਰਾਲੇ ਵਲੋਂ ਇਸ ਗੋਲੀ ਨੂੰ ਕੋਰੋਨਾ ਡਰੱਗ ਵਜੋਂ ਸਵੀਕਾਰ ਕਰ ਲਿਆ ਹੈ। ਇੰਨਾ ਹੀ ਨਹੀਂ, ਉਨ੍ਹਾਂ ਨੇ ਪਤੰਜਲੀ ਦੀ ਦਵਾਈ ਦੇ ਖੋਜ ਪੱਤਰ ਵੀ ਜਾਰੀ ਕੀਤੇ ਹਨ। ਰਾਮਦੇਵ ਨੇ ਦਾਅਵਾ ਕੀਤਾ ਕਿ ਪਤੰਜਲੀ ਰਿਸਰਚ ਇੰਸਟੀਚਿਊਟ ਦੀ ਇਹ ਦਵਾਈ ਵਿਸ਼ਵ ਸਿਹਤ ਸੰਗਠਨ (ਡਬਲਯੂਐਚਓ) ਦੁਆਰਾ ਪ੍ਰਮਾਣਿਤ ਹੈ।
Ramdev
ਦਾਅਵੇ ਮੁਤਾਬਕ ਡਬਲਯੂਐਚਓ ਨੇ ਇਸ ਨੂੰ ਜੀਐਮਪੀ ਯਾਨੀ ‘ਗੁਡ ਮੈਨੂਫੈਕਚਰਿੰਗ ਪ੍ਰੈਕਟਿਸ’ ਦਾ ਸਰਟੀਫਿਕੇਟ ਦਿੱਤਾ ਹੈ। ਰਾਮਦੇਵ ਨੇ ਕਿਹਾ, "ਕੋਰੋਨਿਲ ਦੇ ਸੰਦਰਭ ਵਿਚ 9 ਖੋਜ ਪੱਤਰ ਵਿਸ਼ਵ ਦੇ ਸਭ ਤੋਂ ਪ੍ਰਭਾਵਸ਼ਾਲੀ ਖੋਜ ਰਸਾਲਿਆਂ ਵਿਚ ਪ੍ਰਕਾਸ਼ਤ ਕੀਤੇ ਗਏ ਹਨ। 16 ਖੋਜ ਪੱਤਰ ਇਸ ਪਾਈਪ ਲਾਈਨ ਵਿਚ ਹਨ।"
Baba Ramdev
ਕਾਬਲੇਗੌਰ ਹੈ ਕਿ ਪਿਛਲੇ ਸਾਲ ਜੂਨ ਮਹੀਨੇ ਵਿਚ ਵੀ ਬਾਬਾ ਰਾਮਦੇਵ ਨੇ ‘ਕੋਰੋਨਾ ਕਿੱਟ’ ਲਾਂਚ ਕੀਤੀ ਸੀ ਜੋ ਵਿਵਾਦਾਂ ਵਿਚ ਘਿਰ ਗਈ ਸੀ। ਉਸ ਸਮੇਂ ਆਯੂਸ਼ ਮੰਤਰਾਲੇ ਨੇ ਕਿਹਾ ਸੀ ਕਿ ਪਤੰਜਲੀ ਇਸ ਦਵਾਈ ਨੂੰ ਸਰੀਰ ਦੀ 'ਰੋਗ ਪ੍ਰਤੀਰੋਧਕ ਸਮਰੱਥਾ ਵਧਾਉਂਦੀ ਹੈ, ਕਹਿ ਕੇ ਵੇਚ ਸਕਦੀ ਹੈ। ਉਸ ਸਮੇਂ ਉਤਰਾਖੰਡ ਦੇ ਆਯੂਸ਼ ਵਿਭਾਗ ਨੇ ਪਤੰਜਲੀ ਆਯੁਰਵੈਦ ਨੂੰ ਨੋਟਿਸ ਵੀ ਜਾਰੀ ਕੀਤਾ ਸੀ ਅਤੇ ਕੋਰੋਨਾ ਲਈ ਦਵਾਈਆਂ ਬਣਾਉਣ ਦੀ ਇਜਾਜ਼ਤ ਜਾਂ ਲਾਇਸੈਂਸ ਨਾ ਲਏ ਜਾਣ ਦੀ ਗੱਲ ਵੀ ਕਹੀ ਸੀ।
