ਗਾਜ਼ੀਪੁਰ ਬਾਰਡਰ ‘ਤੇ ਕਿਸਾਨਾਂ ਵਿਚਕਾਰ ਯੋਗਾ ਨੂੰ ਲੈ ਕੇ ਹੋਈ ਵਿਚਾਰ ਚਰਚਾ
ਨਵੀਂ ਦਿੱਲੀ , ( ਸੈਸ਼ਵ ਨਾਗਰਾ ) : ਗਾਜ਼ੀਪੁਰ ਬਾਰਡਰ ‘ਤੇ ਕਿਸਾਨਾਂ ਨੇ ਯੋਗਾ ‘ਤੇ ਵਿਚਾਰ ਚਰਚਾ ਕਰਦਿਆਂ ਕਿਹਾ ਕਿ ਬਾਬਾ ਰਾਮਦੇਵ ਯੋਗਾ ਦੇ ਨਾਂ ‘ਤੇ ਵਪਾਰ ਕਰ ਰਿਹਾ ਹੈ ਜਦਕਿ ਯੋਗਾ ਤਾਂ ਲੋਕਾਂ ਦੀ ਸੇਵਾ ਕਰਨ ਲਈ ਹੀ ਬਣਿਆ ਹੈ । ਬਜ਼ੁਰਗ ਕਿਸਾਨਾਂ ਨੇ ਸਪੋਕਸਮੈਨ ਨਾਲ ਵਿਸ਼ੇਸ਼ ਗੱਲਬਾਤ ਕਰਦਿਆਂ ਕਿਹਾ ਕਿ ਯੋਗਾ ਸਾਡੇ ਦੇਸ਼ ਦੀ ਸੰਸਕ੍ਰਿਤੀ ਦਾ ਹਿੱਸਾ ਹੈ , ਯੋਗਾ ਕਿਸੇ ਦੀ ਨਿੱਜੀ ਸੰਪਤੀ ਨਹੀਂ ਹੈ । ਉਨ੍ਹਾਂ ਕਿਹਾ ਬਾਬਾ ਰਾਮਦੇਵ ਯੋਗਾ ਦੇ ਨਾਮ ‘ਤੇ ਧਨ ਇਕੱਠਾ ਕਰ ਰਿਹਾ ਹੈ ।
ਉਨ੍ਹਾਂ ਕਿਹਾ ਕਿ ਬੇਸ਼ੱਕ ਦੀ ਬਾਬਾ ਰਾਮਦੇਵ ਯੋਗਾ ਨੇ ਦੇਸ਼ ਦੇ ਲੋਕਾਂ ਅੰਦਰ ਜਾਗ੍ਰਿਤੀ ਲਿਆਂਦੀ ਪਰ ਲੋਕ ਇਹ ਵੀ ਜਾਣਦੇ ਹਨ ਕਿ ਬਾਬਾ ਰਾਮਦੇਵ ਯੋਗਾ ਨਾਲ ਧਨ ਕਮਾ ਰਿਹਾ ਹੈ । ਉਨ੍ਹਾਂ ਕਿਹਾ ਕਿ ਜਿੰਨੇ ਵੀ ਦੇਸ਼ ਵਿੱਚ ਸੰਤ ਮਹਾਂਪੁਰਸ਼ ਹੋਏ ਹਨ ,ਉਨ੍ਹਾਂ ਨੇ ਯੋਗਾ ਨੂੰ ਵਪਾਰ ਨਹੀਂ ਬਣਾਇਆ ਸਗੋਂ ਯੋਗਾ ਨਾਲ ਮਾਨਵਤਾ ਦੀ ਸੇਵਾ ਲਈ ਹੀ ਵਰਤਿਆ ਹੈ । ਬਜ਼ੁਰਗ ਕਿਸਾਨਾਂ ਨੇ ਕਿਹਾ ਕਿ ਬਾਬਾ ਰਾਮਦੇਵ ਨੂੰ ਧਨ ਬਹੁਤ ਜ਼ਿਆਦਾ ਭੁੱਖ ਹੋ ਗਈ ਹੈ, ਜਦ ਕਿ ਯੋਗੀ ਸੰਤਾਂ ਮਹਾਂਪੁਰਖ ਧਨ ਤੋਂ ਦੂਰ ਹੀ ਰਹਿੰਦੇ ਸਨ ।
ਉਨ੍ਹਾਂ ਕਿਹਾ ਕਿ ਜੋ ਵਿਅਕਤੀ ਤਨ ਮਨ ਤੋਂ ਯੋਗੀ ਬਣ ਜਾਂਦਾ ਹੈ , ਉਹ ਸੱਚਮੁੱਚ ਹੀ ਦੁਨੀਆਵੀ ਕਾਰਜਾਂ ਤੋਂ ਦੂਰ ਹੋ ਜਾਂਦਾ ਹੈ ਪਰ ਬਾਬਾ ਰਾਮਦੇਵ ਜੀ ਦਾ ਧਨ ਨਾਲ ਬਹੁਤ ਲਗਾਓ ਹੈ ਅਤੇ ਧਨ ਇਕੱਠਾ ਕਰਨ ‘ਤੇ ਲੱਗੇ ਹੋਏ ਹਨ, ਜੋ ਸੰਤ ਪ੍ਰੰਪਰਾ ਦੇ ਉਲਟ ਜਾ ਰਹੇ ਹਨ । ਉਨ੍ਹਾਂ ਕਿਹਾ ਕਿ ਉਹ ਵਪਾਰੀ ਬਣ ਚੁੱਕੇ ਹਨ ਅਤੇ ਯੋਗਾ ਤੋਂ ਕੋਹਾਂ ਦੂਰ ਹੋ ਗਏ ਹਨ । ਉਨ੍ਹਾਂ ਕਿਹਾ ਕਿ ਕਿਸਾਨ ਨੂੰ ਯੋਗਾ ਕਰਨ ਦੀ ਲੋੜ ਨਹੀਂ ਪੈਂਦੀ ਕਿਉਂਕਿ ਕਿਸਾਨ ਦਾ ਜੀਵਨ ਹੀ ਇਕ ਯੋਗ ਹੈ । ਉਨ੍ਹਾਂ ਕਿਹਾ ਕਿ ਯੋਗ ਤਾਂ ਸਵਾਮੀ ਵਿਵੇਕਾਨੰਦ ਵੀ ਕਰਦੇ ਸਨ ਪਰ ਉਨ੍ਹਾਂ ਨੇ ਕੋਈ ਯੋਗ ਨੂੰ ਵਪਾਰ ਨਹੀਂ ਬਣਾਇਆ , ਉਨ੍ਹਾਂ ਨੇ ਤਾਂ ਯੋਗ ਨਾਲ ਲੋਕਾਂ ਦੀ ਸੇਵਾ ਹੀ ਕੀਤੀ ਹੈ ।