ਨਵੀਂ ਦਿੱਲੀ : ਲੋਕ ਸਭਾ ਚੋਣਾਂ 'ਚ ਇਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਇਕ ਦਲਿਤ ਵੋਟਰ ਨੇ ਵੀਰਵਾਰ ਨੂੰ ਲੋਕ ਸਭਾ ਚੋਣਾਂ ਦੇ ਦੂਜੇ ਗੇੜ ਦੌਰਾਨ ਵੋਟ ਪਾਈ। ਉਸ ਨੇ ਬਸਪਾ ਨੂੰ ਵੋਟ ਪਾਉਣੀ ਸੀ ਪਰ ਗਲਤੀ ਨਾਲ ਭਾਜਪਾ ਨੂੰ ਵੋਟ ਪਾ ਦਿੱਤੀ। ਜਦੋਂ ਉਸ ਨੂੰ ਆਪਣੀ ਗਲਤੀ ਦਾ ਅਹਿਸਾਸ ਹੋਇਆ ਤਾਂ ਉਸ ਨੇ ਜਿਸ ਉਂਗਲ ਨਾਲ ਵੋਟ ਪਾਈ ਸੀ ਉਹ ਵੱਢ ਦਿੱਤੀ।
Pawan Kumar
ਮਾਮਲਾ ਉੱਤਰ ਪ੍ਰਦੇਸ਼ ਦੇ ਬੁਲੰਦਸ਼ਹਿਰ ਦਾ ਹੈ। ਪਵਨ ਕੁਮਾਰ ਨਾਂ ਦਾ ਇਹ ਵਿਅਕਤੀ ਸ਼ਿਕਾਰਪੁਰ ਲੋਕ ਸਭਾ ਖੇਤਰ ਤਹਿਤ ਆਉਣ ਵਾਲੇ ਅਬਦੁੱਲਾਪੁਰ ਦਾ ਰਹਿਣ ਵਾਲਾ ਹੈ। ਬੀਤੇ ਦਿਨ ਪਵਨ ਜਦੋਂ ਵੋਟ ਪਾਉਣ ਲਈ ਗਿਆ ਤਾਂ ਉਹ ਸੋਚ ਕੇ ਗਿਆ ਸੀ ਕਿ ਐਸ.ਪੀ.-ਬੀ.ਐਸ.ਪੀ.-ਆਰ.ਐਲ.ਡੀ. ਦੇ ਸਾਂਝੇ ਉਮੀਦਵਾਰ ਯੋਗੇਸ਼ ਵਰਮਾ ਨੂੰ ਵੋਟ ਪਾਵੇਗਾ ਪਰ ਗਲਤੀ ਨਾਲ ਉਸ ਨੇ ਭਾਜਪਾ ਦੇ ਚੋਣ ਨਿਸ਼ਾਨ ਕਮਲ ਦਾ ਬਟਨ ਦੱਬ ਕੇ ਭਾਜਪਾ ਉਮੀਦਵਾਰ ਭੋਲਾ ਸਿੰਘ ਨੂੰ ਵੋਟ ਪਾ ਦਿੱਤੀ।
Bulandshahar : Dalit voter cut his finger after voting BJP
ਪਵਨ ਕੁਮਾਰ ਨੂੰ ਜਦੋਂ ਤਕ ਉਸ ਦੀ ਗਲਤੀ ਦਾ ਪਤਾ ਲੱਗਦਾ ਉਹ ਬਸਪਾ ਦੀ ਥਾਂ ਭਾਜਪਾ ਦਾ ਬਟਨ ਦੱਬ ਚੁੱਕਾ ਸੀ। ਉਸ ਨੂੰ ਆਪਣੀ ਇਸ ਗਲਤੀ 'ਤੇ ਇੰਨੀ ਸ਼ਰਮਿੰਦਗੀ ਮਹਿਸੂਸ ਹੋਈ ਕਿ ਉਸ ਨੇ ਗੰਡਾਸੇ ਨਾਲ ਆਪਣੀ ਉਂਗਲ ਹੀ ਵੱਢ ਦਿੱਤੀ। ਪਵਨ ਸਿੰਘ ਦੀ ਇਕ ਵੀਡੀਓ ਵੀ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਉਸ ਨੂੰ ਕੋਈ ਪੁੱਛ ਰਿਹਾ ਹੈ ਕਿ ਉਂਗਲ ਕਿਵੇਂ ਵੱਢੀ ਗਈ।
A youth in Abdullapur Hulaspur village in UP's Bulandshahr severed his own finger for accidently voting BJP instead of BSP. pic.twitter.com/zXq9LwOOH3
— Piyush Rai (@Benarasiyaa) 18 April 2019
ਪਵਨ ਦੱਸ ਰਿਹਾ ਹੈ ਕਿ ਉਹ ਬਸਪਾ ਉਮੀਦਵਾਰ ਨੂੰ ਵੋਟ ਪਾਉਣ ਗਿਆ ਸੀ ਪਰ ਗਲਤੀ ਨਾਲ ਉਸ ਨੇ ਭਾਜਪਾ ਦਾ ਬਟਨ ਦੱਬ ਦਿੱਤਾ। ਜਿਸ ਤੋਂ ਬਾਅਦ ਉਸ ਨੇ ਪਛਤਾਵੇ ਲਈ ਆਪਣੀ ਉਂਗਲ ਵੱਢ ਦਿੱਤੀ। ਪਵਨ ਸਿੰਘ ਵੀਡੀਓ 'ਚ ਕਹਿ ਰਿਹਾ ਹੈ ਕਿ ਉਸ ਨੇ ਭਾਜਪਾ ਨੂੰ ਵੋਟ ਦੇ ਕੇ ਗਲਤੀ ਕੀਤੀ ਹੈ, ਜਿਸ ਦੀ ਸਜ਼ਾ ਉਸ ਨੇ ਖ਼ੁਦ ਨੂੰ ਦਿੱਤੀ ਹੈ।
