ਲਾਕਡਾਊਨ : ਹੈਲਪਲਾਈਨ ਨੰਬਰ ਬਣੇ ਅਧਿਕਾਰੀਆਂ ਲਈ ਸਿਰ ਦਰਦ
ਲਖਨਉ, 18 ਅਪ੍ਰੈਲ: ਕੋਰੋਨਾ ਵਾਇਰਸ ਮਹਾਂਮਾਰੀ ’ਤੇ ਕਾਬੂ ਕਰਨ ਦੇ ਮਕਸਦ ਨਾਲ ਲਾਗੂ ਕੀਤੇ ਗਏ ਲਾਕਡਾਊਨ ਦੌਰਾਨ ਲੋਕਾਂ ਦੀ ਮਦਦ ਲਈ ਜਾਰੀ ਕੀਤੇ ਗਏ ਹੈਲਪਲਾਈਨ ਨੰਬਰਾਂ ’ਤੇ ਲੋਕ ਅਜੀਬੋ-ਗਰੀਬ ਬੇਨਤੀ ਕਰ ਰਹੇ ਹਨ। ਲੋਕਾਂ ਦੀ ਮਦਦ ਲਈ ਸ਼ੁਰੂ ਕੀਤੀ ਗਈ ਇਨ੍ਹਾਂ ਹੈਲਪਾਲਾਈਨਾਂ ’ਤੇ ਕੁੱਝ ਲੋਕ ਰਸਗੁੱਲਾ, ਸਮੋਸਾ ਅਤੇ ਪਾਨ, ਮਸਾਲਾ ਤੇ ਗੁਟਖ਼ੇ ਦੀ ਵੀ ਮੰਗ ਰਹੇ ਹਨ। ਅਧਿਕਾਰੀਆਂ ਮੁਤਾਬਕ ਮੁੱਖ ਮੰਤੀਰ ਹੈਲਪਲਾਈਨ ਨੰਬਰ 1076 ਲੋਕਾਂ ਨੂੰ ਦਵਾਈ ਅਤੇ ਰਾਸ਼ਨ ਪਹੁੰਚਾਉਣ ਵਿਚ ਮਦਦ ਕਰ ਰਿਹਾ ਹੈ।
ਲਖਨਉ ਦੇ ਹਾਈ ਬਲੱਡ ਪ੍ਰੈਸ਼ਰ ਨਾਲ ਪੀੜਤ ਰਾਮ ਰਤਨ ਪਾਲ ਨੇ ਹੈਲਪਲਾਈਨ ’ਤੇ ਫ਼ੋਨ ਕਰ ਕੇ ਦਸਿਆ ਕਿ ਉਨ੍ਹਾਂ ਦੀਆਂ ਦਵਾਈਆਂ ਖ਼ਤਮ ਹੋ ਗਈਆਂ ਹਨ, ਜਿਸ ਦੇ ਬਾਅਦ ਅਧਿਕਾਰੀ ਤੁਰਤ ਹਰਕਤ ਵਿਚ ਆ ਹਏ ਅਤੇ ਉਨ੍ਹਾਂ ਲਈ ਦਵਾਈਆਂ ਦਾ ਇੰਤਜ਼ਾਮ ਕੀਤਾ ਗਿਆ। ਅਧਿਕਾਰੀਆਂ ਨੇ ਦਸਿਆ ਕਿ ਇਸੇ ਤਰ੍ਹਾਂ ਇਕ ਹੋਰ ਵਿਅਕਤੀ ਨੇ ਫ਼ੋਨ ਕਰ ਕੇ ਖਾਣ ਦਾ ਸਾਮਾਨ ਮੰਗੀਆ ਤੇ ਅਸੀਂ ਉਨ੍ਹਾਂ ਕੋਲ ਰਾਸ਼ਨ ਪਹੁੰਚਾਇਆ। ਅਧਿਕਾਰੀਆਂ ਨੇ ਦਸਿਆ ਕਿ ਹੈਲਪਲਾਈਨ ਨੰਬਰ ਜ਼ਰੂਰਤਮੰਦ ਲੋਕਾਂ ਲਈ ਜਾਰੀ ਕੀਤੇ ਗਏ ਹਨ ਪਰ ਕੁੱਝ ਲੋਕ ਫ਼ੋਨ ਕਰ ਕੇ ਅਜੀਬੋ ਗਰੀਬ ਸਾਮਾਨ ਮੰਗ ਰਹੇ ਹਨ।
ਰਾਜ ਪੁਲਿਸ ਦੀ ਹੈਲਪਲਾਈਨ ਨੂੰ ਹਾਲ ਹੀ ਵਿਚ ਇਕ ਫ਼ੋਨ ਆਇਆ ਜਿਸ ’ਚ ਇਕ ਬਜ਼ੁਰਗ ਨੇ ਰਸਗੁੱਲੇ ਦੀ ਮੰਗ ਕੀਤੀ। ਪਹਿਲਾਂ ਤਾਂ ਪੁਲਿਸ ਨੇ ਇਸ ਨੂੰ ਮਜ਼ਾਕ ਸਮਝਿਆ ਪਰ ਜਦ ਰਾਜਧਾਨੀ ਦੇ ਹਜ਼ਰਗੰਜ ਇਲਾਕੇ ਵਿਚ ਇਕ ਪੁਲਿਸ ਮੁਲਾਜ਼ਮ ਬਜ਼ੁਰਗ ਨੂੰ ਰਸਗੁੱਲਾ ਦੇਣ ਲਈ ਪਹੁੰਚਿਆ ਤਾਂ ਉਸਨੇ ਦੇੇਖਿਆ ਕੀ 80 ਸਾਲਾ ਬਜ਼ੁਰਗ ਨੂੰ ਸੱਚੀ ਇਸ ਰਸਗੁੱਲੇ ਲੋੜ ਸੀ। ਬਜ਼ੁਰਗ ਸ਼ੁਗਰ ਦਾ ਮਰੀਜ਼ ਹੈ ਅਤੇ ਉਸ ਦੇ ਬਲੱਡ ਸ਼ੁਗਰ ਦਾ ਲੈਵਲ ਅਚਾਨਕ ਡਿੱਗ ਗਿਆ ਸੀ।
File photo
ਸਮੋਸਾ ਮੰਗਾਉਣ ਵਾਲੇ ਨੂੰ ਪੁਲਿਸ ਨੇ ਸਮੋਸਾ ਖੁਆ ਕੇ ਨਾਲੀਆਂ ਦੀ ਕਰਵਾਈ ਸਫ਼ਾਈ
ਕੁੱਝ ਲੋਕਾਂ ਨੇ ਪੁਲਿਸ ਹੈਲਪਲਾਈਨ 112 ’ਤੇ ਫ਼ੋਨ ਕਰ ਕੇ ਪਾਨ, ਗੁਟਖ਼ਾ ਅਤੇ ਚਟਣੀ ਦੇ ਨਾਲ ਗਰਮ ਸਮੋਸੇ ਦੀ ਮੰਗ ਕੀਤੀ। ਸਮੋਸਾ ਪਹੁੰਚਾਇਆ ਗਿਆ ਪਰ ਜਿਸ ਵਿਅਕਤੀ ਨੇ ਸਮੋਸਾ ਮੰਗਿਆ ਸੀ ਉਸ ਨੂੰ ਪੁਲਿਸ ਥਾਣੇ ਸੱਦ ਕੇ ਉਸ ਤੋਂ ਆਸ ਪਾਸ ਦੀਆਂ ਨਾਲੀਆਂ ਦੀ ਸਫ਼ਾਈ ਕਰਵਾਈ ਗਈ। ਇਸੇ ਤਰ੍ਹਾਂ ਰਾਮਪੁਰ ਵਿਚ ਪੁਲਿਸ ਹੈਲਪਲਾਈਨ ’ਤੇ ਫ਼ੋਨ ਕਰ ਕੇ ਪੀਜ਼ਾ ਦੀ ਮੰਗ ਕੀਤੀ ਗਈ ਜਿਸ ਦੇ ਬਾਅਦ ਪੁਲਿਸ ਨੇ ਅਜਿਹੇ ਫ਼ੋਨ ਕਰਨ ਵਾਲਿਆਂ ਨੂੰ ਸਜ਼ਾ ਦਿਤੀ।
