ਬਿਹਾਰ ਦੇ ਜਮੁਈ ਜਿਲ੍ਹੇ ਵਿਚ ਹਥਿਆਰਬੰਦ ਫੋਰਸ ਬਲ ਦੇ ਜਵਾਨ ਦੀ ਹਤਿਆ ਦੇ ਮਾਮਲੇ 'ਚ ਮਾਓਵਾਦੀਆਂ ਨੇ ਬੇਰਹਿਮੀ ਦੀ ਸਾਰੀ ਹੱਦਾਂ ਪਾਰ ਕਰ ਦਿੱਤੀ ਸੀ। ਧੀ ਦਾ...
ਪਟਨਾ : ਬਿਹਾਰ ਦੇ ਜਮੁਈ ਜਿਲ੍ਹੇ ਵਿਚ ਹਥਿਆਰਬੰਦ ਫੋਰਸ ਬਲ ਦੇ ਜਵਾਨ ਦੀ ਹਤਿਆ ਦੇ ਮਾਮਲੇ 'ਚ ਮਾਓਵਾਦੀਆਂ ਨੇ ਬੇਰਹਿਮੀ ਦੀ ਸਾਰੀ ਹੱਦਾਂ ਪਾਰ ਕਰ ਦਿੱਤੀ ਸੀ। ਧੀ ਦਾ ਜੰਨਮਦਿਨ ਮਨਾਉਣ ਲਈ ਛੁੱਟੀ 'ਤੇ ਅਪਣੇ ਘਰ ਆਏ ਜਵਾਨ ਨੂੰ ਮਾਓਵਾਦੀਆਂ ਨੇ ਸੋਮਵਾਰ ਨੂੰ ਉਸ ਦੇ ਘਰ ਤੋਂ ਘਸੀਟ ਕੇ ਬਾਹਰ ਕੱਢਿਆ ਅਤੇ ਗੋਲੀ ਮਾਰ ਦਿਤੀ। ਮ੍ਰਿਤਕ ਜਵਾਨ ਦੀ ਪਹਿਚਾਣ ਜਿਲ੍ਹੇ ਦੇ ਪਾਂਡੇਠੀਕਾ ਪਿੰਡ ਦੇ ਸਿਕੰਦਰ ਯਾਦਵ ਦੇ ਰੂਪ ਵਿਚ ਹੋਈ ਹੈ ਅਤੇ ਉਹ ਬਿਹਾਰ ਦੇ ਮਧੁਬਨੀ ਜਿਲ੍ਹੇ ਵਿਚ ਸਥਿਤ ਐਸਐਸਬੀ ਦੀ 48ਵੀਂ ਬਟੈਲਿਅਨ ਵਿਚ ਤੈਨਾਤ ਸੀ।
Maoist
ਇਸ ਕਤਲ ਕਾਂਡ ਦੀ ਜਾਂਚ ਕਰ ਰਹੇ ਐਸਐਚਓ (ਬਰਹਟ) ਸੁਨੀਲ ਕੁਮਾਰ ਨੇ ਮੰਗਲਵਾਰ ਨੂੰ ਦੱਸਿਆ ਕਿ ਸਿਕੰਦਰ ਦੀ ਉਸ ਸਮੇਂ ਹਤਿਆ ਕੀਤੀ ਗਈ ਜਦੋਂ ਉਨ੍ਹਾਂ ਦਾ ਪਰਵਾਰ ਧੀ ਦਾ ਚੌਥਾ ਜੰਨਮਦਿਨ ਮਨਾ ਰਿਹਾ ਸੀ। ਉਨਹਾਂ ਨੇ ਦੱਸਿਆ ਕਿ ਸਿਕੰਦਰ ਦੀ ਹਤਿਆ ਤੋਂ ਪਹਿਲਾਂ ਦੋ ਮਾਓਵਾਦੀ ਉਨ੍ਹਾਂ ਦੀ ਤਲਾਸ਼ ਵਿਚ ਪੁਲਿਸ ਯੂਨਿਫਾਰਮ ਵਿਚ ਉਨ੍ਹਾਂ ਦੇ ਘਰ ਆਏ। ਜਿਵੇਂ ਹੀ ਉਹ ਘਰ ਤੋਂ ਬਾਹਰ ਆਏ 20 ਹੋਰ ਮਾਓਵਾਦੀਆਂ ਨੇ ਉਨਹਾਂ ਨੂੰ ਫੜ੍ਹ ਲਿਆ ਅਤੇ ਬੰਦੂਕ ਦੀ ਨੋਕ 'ਤੇ ਘਸੀਟ ਕੇ ਲੈ ਗਏ।
Murder
ਸੁਨੀਲ ਕੁਮਾਰ ਨੇ ਕਿਹਾ ਕਿ ਸਿਕੰਦਰ ਨੂੰ ਉਨ੍ਹਾਂ ਦੇ ਘਰ ਤੋਂ ਕੁੱਝ ਹੀ ਦੂਰੀ 'ਤੇ ਕਈ ਗੋਲੀਆਂ ਮਾਰੀ ਗਈਆਂ। ਪਿੰਡ ਵਾਲਿਆਂ ਨੇ ਦਾਅਵਾ ਕੀਤਾ ਹੈ ਕਿ ਮਾਓਵਾਦੀਆਂ ਵਿਚ ਔਰਤਾਂ ਵੀ ਸ਼ਾਮਿਲ ਸਨ। ਉਨਹਾਂ ਨੇ ਦੱਸਿਆ ਕਿ ਹਤਿਆ ਦੇ ਸਮੇਂ ਮਾਓਵਾਦੀ ਉਨ੍ਹਾਂ ਨੂੰ ਪੁਲਿਸ ਦਾ ਮੁਖ਼ਬਰ ਦੱਸ ਰਹੇ ਸਨ ਅਤੇ ਕਿਹਾ ਕਿ ਉਹ ਇਸ ਦੀ ਸਜ਼ਾ ਦੇ ਰਹੇ ਹਨ। ਹਤਿਆ ਕਰਨ ਤੋਂ ਬਾਅਦ ਮਾਓਵਾਦੀ ਲਾਸ਼ ਉਥੇ ਹੀ ਸੜਕ 'ਤੇ ਛੱਡ ਕੇ ਨਜ਼ਦੀਕ ਦੇ ਜੰਗਲ ਵਿਚ ਫਰਾਰ ਹੋ ਗਏ।
Maoists kill SSB jawan
ਸੁਨੀਲ ਕੁਮਾਰ ਨੇ ਦੱਸਿਆ ਕਿ ਨਕਸਲੀਆਂ ਦੀ ਗਿਣਤੀ 20 ਤੋਂ 25 ਦੱਸੀ ਜਾ ਰਹੀ ਹੈ। ਲਾਸ਼ ਨੂੰ ਪੁਲਿਸ ਨੇ ਬਰਾਮਦ ਕਰ ਲਿਆ ਹੈ ਅਤੇ ਨਕਸਲੀਆਂ ਵਿਰੁਧ ਛਾਪੇਮਾਰੀ ਕੀਤੀ ਜਾ ਰਹੀ ਹੈ। ਘਟਨਾ ਥਾਂ ਤੋਂ ਪੁਲਿਸ ਨੇ ਇਕ ਪਰਚਾ ਬਰਾਮਦ ਕੀਤਾ ਹੈ, ਜਿਸ ਵਿਚ ਨਕਸਲੀਆਂ ਨੇ ਹੱਤਿਆ ਦੀ ਜ਼ਿੰਮੇਵਾਰੀ ਲੈਂਦੇ ਹੋਏ ਮ੍ਰਿਤਕ ਜਵਾਨ 'ਤੇ ਪੁਲਿਸ ਮੁਖਬਿਰੀ ਦੀ ਇਲਜ਼ਾਮ ਲਗਾਇਆ ਹੈ। ਮ੍ਰਿਤਕ ਜਵਾਨ ਸਿੰਕਦਰ ਯਾਦਵ 15 ਸਿਤੰਬਰ ਨੂੰ ਹੀ ਛੁੱਟੀ 'ਤੇ ਘਰ ਆਏ ਸਨ।
