ਯੂਐਮਟੀਏ ਦੀ ਮੀਟਿੰਗ ਵਿਚ ਰੇਲਵੇ ਡਿਪੂ ਲਈ ਜਗ੍ਹਾ ਦੀ ਚੋਣ ਕਰਨ ਦੀਆਂ ਹਦਾਇਤਾਂ ਵੀ ਦਿਤੀਆਂ ਗਈਆਂ।
Chandigarh Metro: ਟ੍ਰਾਈਸਿਟੀ ਨੂੰ ਮੈਟਰੋ ਰੇਲ ਨੈੱਟਵਰਕ ਨਾਲ ਜੋੜਨ ਲਈ ਰਾਈਟਸ (ਰੇਲ ਇੰਡੀਆ ਟੈਕਨੀਕਲ ਐਂਡ ਇਕਨਾਮਿਕ ਸਰਵਿਸਿਜ਼) ਦੁਆਰਾ ਪੇਸ਼ ਕੀਤੀ AAR (ਵਿਕਲਪਕ ਵਿਸ਼ਲੇਸ਼ਣ ਰਿਪੋਰਟ) ਨੂੰ ਯੂਐਮਟੀਏ ਨੇ ਮਨਜ਼ੂਰੀ ਦੇ ਦਿਤੀ ਹੈ। ਇਸ ਦੇ ਨਾਲ ਹੀ ਚੰਡੀਗੜ੍ਹ, ਪੰਚਕੂਲਾ ਅਤੇ ਮੁਹਾਲੀ ਵਿਚ ਮੈਟਰੋ ਦੇ ਪਹਿਲੇ ਪੜਾਅ ਲਈ ਰੂਟ ਤੈਅ ਕੀਤੇ ਗਏ ਹਨ। ਪਹਿਲਾ ਪੜਾਅ ਕੁੱਲ 91 ਕਿਲੋਮੀਟਰ ਦੇ ਖੇਤਰ ਨੂੰ ਕਵਰ ਕਰੇਗਾ। ਇਸ ਦੇ ਨਾਲ ਹੀ ਦੋ ਪੜਾਵਾਂ ਵਿਚ ਲਗਭਗ 154.5 ਕਿਲੋਮੀਟਰ ਮਾਸ ਰੈਪਿਡ ਟਰਾਂਜ਼ਿਟ ਨੈੱਟਵਰਕ ਵਿਛਾਇਆ ਜਾਵੇਗਾ। ਯੂਐਮਟੀਏ ਦੀ ਮੀਟਿੰਗ ਵਿਚ ਰੇਲਵੇ ਡਿਪੂ ਲਈ ਜਗ੍ਹਾ ਦੀ ਚੋਣ ਕਰਨ ਦੀਆਂ ਹਦਾਇਤਾਂ ਵੀ ਦਿਤੀਆਂ ਗਈਆਂ।
ਸ਼ਹਿਰ ਵਿਚ ਆਵਾਜਾਈ ਦੀ ਗਤੀਸ਼ੀਲਤਾ ਨੂੰ ਹੋਰ ਅੱਗੇ ਵਧਾਉਣ ਲਈ ਯੂਨੀਫਾਈਡ ਮੈਟਰੋਪੋਲੀਟਨ ਟਰਾਂਸਪੋਰਟ ਅਥਾਰਟੀ (ਯੂਐਮਟੀਏ) ਦੀ ਦੂਜੀ ਮੀਟਿੰਗ ਯੂਟੀ ਸਕੱਤਰੇਤ ਵਿਖੇ ਪ੍ਰਸ਼ਾਸਕ ਬਨਵਾਰੀਲਾਲ ਪੁਰੋਹਿਤ ਦੀ ਪ੍ਰਧਾਨਗੀ ਹੇਠ ਹੋਈ। ਮੀਟਿੰਗ ਵਿਚ ਪ੍ਰਸ਼ਾਸਕ ਨੇ ਅਹਿਮ ਵਿਕਾਸ ਕਾਰਜਾਂ ਦਾ ਖੁਲਾਸਾ ਕੀਤਾ। ਉਨ੍ਹਾਂ ਨੇ ਰਾਈਟਸ ਦੁਆਰਾ ਤਿਆਰ ਕੀਤੇ AAR ਨੂੰ ਮਨਜ਼ੂਰੀ ਦਿਤੀ, ਜੋ ਕਿ ਇਕ ਵਿਆਪਕ ਮਾਸ ਰੈਪਿਡ ਟਰਾਂਜ਼ਿਟ (MRT) ਨੈੱਟਵਰਕ ਵੱਲ ਇਕ ਮਹੱਤਵਪੂਰਨ ਕਦਮ ਹੈ।
ਰਾਈਟਸ ਨੇ ਅਪਣੀ ਵਿਆਪਕ ਗਤੀਸ਼ੀਲਤਾ ਯੋਜਨਾ (CMP) ਵਿਚ, ਚੰਡੀਗੜ੍ਹ ਟ੍ਰਾਈ-ਸਿਟੀ ਲਈ ਦੋ ਪੜਾਵਾਂ ਵਿਚ ਲਗਭਗ 154.5 ਕਿਲੋਮੀਟਰ ਤਕ ਫੈਲੇ ਇਕ ਮਾਸ ਰੈਪਿਡ ਟ੍ਰਾਂਜ਼ਿਟ ਨੈੱਟਵਰਕ ਦੀ ਸਿਫ਼ਾਰਸ਼ ਕੀਤੀ ਹੈ। ਮੀਟਿੰਗ ਦੌਰਾਨ CMP ਨੂੰ ਮਨਜ਼ੂਰੀ ਦਿਤੀ ਗਈ, ਜਿਸ ਨਾਲ MRT ਨੈੱਟਵਰਕ ਦੇ ਪਹਿਲੇ ਪੜਾਅ ਲਈ AAR ਅਤੇ DPR ਦੀ ਤਿਆਰੀ ਦਾ ਰਾਹ ਪੱਧਰਾ ਹੋ ਗਿਆ। RITES ਨੇ ਪਹਿਲੇ ਪੜਾਅ ਵਿਚ ਮੈਟਰੋ ਲਈ 91 ਕਿਲੋਮੀਟਰ ਦੇ ਰੂਟ ਦਾ ਪ੍ਰਸਤਾਵ ਕੀਤਾ ਸੀ। ਵਿਕਲਪਕ ਰੀਪੋਰਟ ਵਿਚ, ਯੂਐਮਟੀਏ ਦੁਆਰਾ ਐਮਆਰਟੀ ਨੈੱਟਵਰਕ ਦੇ 79.50 ਕਿਲੋਮੀਟਰ ਤੋਂ 91.0 ਕਿਲੋਮੀਟਰ ਤਕ ਵਿਸਤਾਰ ਨੂੰ ਮਨਜ਼ੂਰੀ ਦਿਤੀ ਗਈ ਸੀ।
ਪਹਿਲੇ ਪੜਾਅ ਵਿਚ ਰੂਟ ਪਲਾਨ
- ਕੋਰੀਡੋਰ 1: ਸੁਲਤਾਨਪੁਰ, ਨਿਊ ਚੰਡੀਗੜ੍ਹ ਤੋਂ ਸੈਕਟਰ 28, ਪੰਚਕੂਲਾ (34 ਕਿਲੋਮੀਟਰ)
- ਕੋਰੀਡੋਰ 2: ਸੁਖਨਾ ਝੀਲ ਤੋਂ ਆਈਐਸਬੀਟੀ ਜ਼ੀਰਕਪੁਰ ਤਕ ਵਾਇਆ ISBT ਮੋਹਾਲੀ ਅਤੇ ਚੰਡੀਗੜ੍ਹ ਏਅਰਪੋਰਟ (41.20 ਕਿਲੋਮੀਟਰ)
- ਕੋਰੀਡੋਰ 3: ਅਨਾਜ ਮੰਡੀ ਚੌਕ (ਸੈਕਟਰ 39) ਤੋਂ ਟਰਾਂਸਪੋਰਟ ਲਾਈਟ ਚੌਕ (ਸੈਕਟਰ 26) (13.30 ਕਿਲੋਮੀਟਰ)
- ਡਿਪੂ ਐਂਟਰੀ: 2.50 ਕਿਲੋਮੀਟਰ
(For more news apart from Route decided for Phase-1 of Chandigarh Metr , stay tuned to Rozana Spokesman)
