ਦੇਸ਼ ਵਿਚ ਕਰੀਬ 11,000 ਕਰੋੜ ਰੁਪਏ ਦੀਆਂ ਕੋਲਾ ਪ੍ਰਯੋਜਨਾਵਾਂ ਦੇਰੀ ਵਿਚ ਚੱਲ ਰਹੀਆਂ....
ਨਵੀਂ ਦਿੱਲੀ : ਦੇਸ਼ ਵਿਚ ਕਰੀਬ 11,000 ਕਰੋੜ ਰੁਪਏ ਦੀਆਂ ਕੋਲਾ ਪ੍ਰਯੋਜਨਾਵਾਂ ਦੇਰੀ ਵਿਚ ਚੱਲ ਰਹੀਆਂ ਹਨ। ਇਸ ਤੋਂ ਚਿੰਤਤ ਕੇਂਦਰ ਸਰਕਾਰ ਨੇ ਕੋਲ ਇੰਡੀਆ ਅਤੇ ਐਨਐਲਸੀ ਇੰਡੀਆ ਲੀ ਨੂੰ ਇਸ ਦੀ ਵਜ੍ਹਾ ਪਤਾ ਲਗਾਉਣ ਅਤੇ ਰਿਪੋਰਟ ਦੇਣ ਨੂੰ ਕਿਹਾ ਹੈ। ਇਕ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿਤੀ। ਹਾਲ ਵਿਚ 35,000 ਕਰੋੜ ਰੁਪਏ ਦੀਆਂ ਪ੍ਰਯੋਜਨਾਵਾਂ ਦੀ ਸਮੀਖਿਆ ਬੈਠਕ ਵਿਚ ਇਹ ਮੁੱਦਾ ਉੱਠਿਆ। ਇਹ ਬੈਠਕ ਅਜਿਹੇ ਸਮੇਂ ਹੋਈ ਹੈ ਜਦੋਂ ਕਿ ਦੇਸ਼ ਵਿਚ ਵੱਡੀ ਮਾਤਰਾ ਵਿਚ ਕੋਲੇ ਦਾ ਆਯਾਤ ਹੋ ਰਿਹਾ ਹੈ।
Coal
ਕੋਲਾ ਮੰਤਰਾਲਾ ਦੇ ਇਕ ਅਧਿਕਾਰੀ ਨੇ ਕਿਹਾ ‘‘ਹਾਲ ਵਿਚ 500 ਕਰੋੜ ਰੁਪਏ ਤੋਂ ਅਤੇ 30 ਲੱਖ ਟਨ ਤੋਂ ਜਿਆਦਾ ਦੀਆਂ ਕੋਲਾ ਪ੍ਰਯੋਜਨਾਵਾਂ ਦੀ ਸਮੀਖਿਆ ਬੈਠਕ ਵਿਚ ਕੋਲਾ ਸਕੱਤਰ ਸੁਮੰਤ ਚੌਧਰੀ ਨੇ ਕੋਲ ਇੰਡੀਆ ਅਤੇ ਐਨਐਲਸੀ ਇੰਡੀਆ ਨੂੰ ਇਸ ਦੇਰੀ ਦੀ ਵਜ੍ਹਾ ਪਤਾ ਲਗਾਉਣ ਅਤੇ ਇਕ ਵਿਰੋਧ ਰਿਪੋਰਟ ਦੇਣ ਨੂੰ ਕਿਹਾ ਹੈ।’’ ਵਿਰੋਧ ਰਿਪੋਰਟ ਉਹ ਦਸਤਾਵੇਜ਼ ਹੁੰਦਾ ਹੈ ਜਿਸ ਵਿਚ ਵਾਸਤਵਿਤਕ ਪ੍ਰਦਰਸ਼ਨ ਦੀ ਉਮੀਦ ਤੋਂ ਘੱਟ ਰਹਿਣ ਦੇ ਕਾਰਨ ਦੱਸੇ ਜਾਂਦੇ ਹਨ। ਸਮੀਖਿਆ ਬੈਠਕ ਵਿਚ ਕੋਲ ਇੰਡੀਆ ਲੀ ਦੀਆਂ 51 ਪ੍ਰਯੋਜਨਾਵਾਂ ਦੀ ਤਰੱਕੀ ਦੀ ਸਮੀਖਿਆ ਹੋਈ।
Coal
ਦੇਸ਼ ਦੇ ਕੋਲੇ ਉਤਪਾਦਨ ਵਿਚ ਕੋਲ ਇੰਡੀਆ ਦੀ 80 ਫ਼ੀਸਦੀ ਹਿੱਸੇਦਾਰੀ ਹੈ। ਇਸ ਤੋਂ ਇਲਾਵਾ ਐਨਐਲਸੀਆਈ ਦੀਆਂ ਨੌਂ ਅਤੇ ਸਿੰਗਰੇਨੀ ਕੋਲਾਅਰੀਜ ਕੰਪਨੀ ਦੀਆਂ ਦੋ ਪ੍ਰਯੋਜਨਾਵਾਂ ਦੀ ਸਮੀਖਿਆ ਕੀਤੀ ਗਈ। ਅਧਿਕਾਰੀ ਨੇ ਦੱਸਿਆ ਕਿ ਇਨ੍ਹਾਂ ਵਿਚੋਂ 21 ਪ੍ਰਯੋਜਨਾਵਾਂ ਵਿਚ ਬਹੁਤ ਜ਼ਿਆਦਾ ਦੇਰੀ ਹੋਈ ਹੈ। ਇਨ੍ਹਾਂ ਵਿਚੋਂ ਚਾਰ ਪ੍ਰਯੋਜਨਾਵਾਂ ਕੋਲ ਇੰਡੀਆ ਦੀਆਂ ਅਤੇ ਚਾਰ ਐਨਐਲਸੀਆਈਐਲ ਦੀਆਂ ਹਨ।
ਕੋਲਾ ਪ੍ਰਯੋਜਨਾਵਾਂ ਵਿਚ ਦੇਰੀ ਅਜਿਹੇ ਸਮੇਂ ਹੋ ਰਹੀ ਹੈ ਜਦੋਂ ਕਿ 2018 ਵਿਚ ਬਿਜਲੀ ਖੇਤਰ ਦੀ ਕੋਲੇ ਦੀ ਮੰਗ ਆਪੂਰਤੀ ਤੋਂ ਜਿਆਦਾ ਰਹੀ ਹੈ। ਹਾਲ ਦੇ ਵਰ੍ਹਿਆਂ ਵਿਚ ਭਾਰਤ ਸਲਾਨਾ ਆਧਾਰ ਉਤੇ 20 ਕਰੋੜ ਟਨ ਕੋਲੇ ਦਾ ਆਯਾਤ ਕਰ ਰਿਹਾ ਹੈ।
