ਕੁੰਭ ਮੇਲੇ ਨੂੰ ਸ਼ੁਰੂ ਹੋਏ ਹੁਣ 1 ਹਫ਼ਦਾ ਹੀ ਹੋਇਆ ਹੈ ਪਰ ਅੱਗ ਨੂੰ ਲੈ ਕੇ ਲਾਪਰਵਾਹੀ ਇਥੇ ਪ੍ਰਸ਼ਾਸਨ....
ਨਵੀਂ ਦਿੱਲੀ : ਕੁੰਭ ਮੇਲੇ ਨੂੰ ਸ਼ੁਰੂ ਹੋਏ ਹੁਣ 1 ਹਫ਼ਦਾ ਹੀ ਹੋਇਆ ਹੈ ਪਰ ਅੱਗ ਨੂੰ ਲੈ ਕੇ ਲਾਪਰਵਾਹੀ ਇਥੇ ਪ੍ਰਸ਼ਾਸਨ ਲਈ ਚੁਣੌਤੀ ਬਣੀ ਹੋਈ ਹੈ। ਪਿਛਲੇ ਇਕ ਹਫ਼ਤੇ ਵਿਚ ਇਥੇ ਤਿੰਨ ਵਾਰ ਵੱਡੀ ਅੱਗ ਲੱਗਣ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ ਹਨ। ਜਿਸ ਦੇ ਚਲਦੇ ਲੱਖਾਂ ਦੀ ਜਾਇਦਾਦ ਦਾ ਨੁਕਸਾਨ ਚੁੱਕਣਾ ਪਿਆ ਹੈ। ਸ਼ਨੀਵਾਰ ਨੂੰ ਇਕ ਵਾਰ ਫਿਰ ਕੁੰਭ ਮੇਲੇ ਵਿਚ ਅੱਗ ਲੱਗ ਗਈ। ਇਹ ਅੱਗ ਕੁੰਭ ਮੇਲੇ ਵਿਚ ਮੌਜੂਦ ਇਕ ਕੈਂਪ ਵਿਚ ਪਾਣੀ ਗਰਮ ਕਰਨ ਦੀ ਬਿਜਲੀ ਵਾਲੀ ਰਾਡ ਦੇ ਜਿਆਦਾ ਗਰਮ ਹੋ ਜਾਣ ਦੇ ਚਲਦੇ ਲੱਗੀ।
Kumbh Mela Fire
ਹਾਲਾਂਕਿ ਬਚਾਅ ਇਹ ਰਿਹਾ ਕਿ ਇਸ ਹਾਦਸੇ ਵਿਚ ਕਿਸੇ ਦੇ ਜਖ਼ਮੀ ਹੋਣ ਦੀ ਖਬਰ ਨਹੀਂ ਮਿਲੀ ਹੈ। ਪ੍ਰਾਪਤ ਜਾਣਕਾਰੀ ਦੇ ਅਨੁਸਾਰ ਅੱਗ ਸ਼ਾਮ ਨੂੰ ਕਰੀਬ 6 ਵਜੇ ਲੱਗੀ। ਫਾਇਰ ਕਰਮਚਾਰੀਆਂ ਨੇ ਮੁਸਤੈਦੀ ਦਿਖਾਉਦੇ ਹੋਏ ਕੁੱਝ ਹੀ ਮਿੰਟ ਵਿਚ ਅੱਗ ਉਤੇ ਕਾਬੂ ਪਾ ਲਿਆ। ਪੁਲਿਸ ਦੇ ਮੁਤਾਬਕ ਇਸ ਅੱਗ ਦੇ ਚਲਦੇ ਟੈਂਟ ਅਤੇ ਇਸ ਵਿਚ ਰੱਖਿਆ ਕੁੱਝ ਫਰਨੀਚਰ ਸੜ੍ਹ ਗਿਆ ਹੈ। ਜਿਆਦਾ ਨੁਕਸਾਨ ਦੀ ਖ਼ਬਰ ਨਹੀਂ ਹੈ। ਇਸ ਤੋਂ ਪਹਿਲਾਂ ਕੁੱਝ ਦਿਨ ਪੂਰਵ 16 ਜਨਵਰੀ ਨੂੰ ਸਵਾਮੀ ਗਿੱਦੜੀ ਵਾਸੁਦੇਵਾਨੰਦ ਦੇ ਕੈਂਪ ਵਿਚ ਲੰਗਰ ਲਈ ਖਾਣਾ ਬਣਾਉਂਦੇ ਸਮੇਂ ਅੱਗ ਲੱਗ ਗਈ ਸੀ।
Kumbh Mela Fire
ਜਿਸ ਦੀ ਵਜ੍ਹਾ ਨਾਲ ਟੈਂਟ ਬੁਰੀ ਤਰ੍ਹਾਂ ਨਾਲ ਖਤਮ ਹੋ ਗਿਆ ਸੀ। ਇਸ ਹਾਦਸੇ ਵਿਚ ਇਕ ਲੱਖ ਰੁਪਏ ਦੇ ਨੁਕਸਾਨ ਦਾ ਅਨੁਮਾਨ ਜਤਾਇਆ ਗਿਆ ਹੈ। ਦੂਜੇ ਪਾਸੇ 14 ਜਨਵਰੀ ਨੂੰ ਹੀ ਕੁੰਭ ਮੇਲੇ ਦੇ ਸੈਕਟਰ 13 ਵਿਚ ਮੌਜੂਦ ਦੀਗੰਬਰ ਅਖਾੜੇ ਦੇ ਟੈਂਟ ਵਿਚ ਅੱਗ ਲੱਗ ਗਈ ਸੀ। ਇਸ ਹਾਦਸੇ ਵਿਚ ਬਹੁਤ ਸਾਰੇ ਟੈਂਟ ਸੜ੍ਹ ਗਏ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਇਥੇ ਅੱਗ ਕੁਕਿੰਗ ਗੈਸ ਦੇ ਸਿਲੰਡਰ ਦੇ ਫਟਣ ਦੇ ਚਲਦੇ ਲੱਗੀ ਸੀ।
