ਉੱਤਰ ਪ੍ਰਦੇਸ਼ ਦੇ ਸੋਨਭਦਰ ‘ਚ ਤਿੰਨ ਹਜਾਰ ਟਨ ਸੋਨਾ ਮਿਲਿਆ ਹੈ...
ਨਵੀਂ ਦਿੱਲੀ: ਉੱਤਰ ਪ੍ਰਦੇਸ਼ ਦੇ ਸੋਨਭਦਰ ‘ਚ ਤਿੰਨ ਹਜਾਰ ਟਨ ਸੋਨਾ ਮਿਲਿਆ ਹੈ। ਇਹ ਸੋਨਾ ਜ਼ਮੀਨ ਦੇ ਹੇਠ ਦੱਬਿਆ ਹੋਇਆ ਹੈ। ਰਾਜ ਦੇ ਖਾਣਿਜ ਵਿਭਾਗ ਨੇ ਸੋਨੇ ਦਾ ਪਤਾ ਲਗਾਇਆ ਹੈ। ਜਲਦ ਹੀ ਇਸ ਸੋਨੇ ਨੂੰ ਕੱਢਣ ਦਾ ਕੰਮ ਸ਼ੁਰੂ ਕਰ ਦਿੱਤਾ ਜਾਵੇਗਾ।
SonBhadra
ਜਯੋਲਾਜਿਕਲ ਸਰਵੇ ਆਫ ਇੰਡੀਆ (GSI) ਦੀ ਟੀਮ ਪਿਛਲੇ 15 ਸਾਲ ਤੋਂ ਇੱਥੇ ਕੰਮ ਕਰ ਰਹੀ ਸੀ। ਟੀਮ ਨੇ ਅੱਠ ਸਾਲ ਪਹਿਲਾਂ ਹੀ ਜ਼ਮੀਨ ਦੇ ਅੰਦਰ ਸੋਨਾ ਹੋਣ ਦੀ ਪੁਸ਼ਟੀ ਕਰ ਦਿੱਤੀ ਸੀ। ਯੂਪੀ ਸਰਕਾਰ ਨੇ ਹੁਣ ਤੇਜੀ ਦਿਖਾਉਂਦੇ ਹੋਏ ਸੋਨੇ ਨੂੰ ਵੇਚਣ ਲਈ ਈ-ਨੀਲਾਮੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ।
ਪਿੰਡ ਦੀਆਂ ਪਹਾੜੀਆਂ ਦੇ ਕੋਲ ਮਿਲਿਆ ਸੋਨੇ ਦਾ ਭੰਡਾਰ
SonBhadra
ਦੱਸ ਦਈਏ ਕਿ ਸਾਲ 2005 ਤੋਂ ਜੀਐਸਆਈ ਦੀ ਟੀਮ ਸੋਨੇ ਦੀ ਤਲਾਸ਼ ਲਈ ਕੰਮ ਕਰ ਰਹੀ ਸੀ। ਟੀਮ ਨੇ ਗਹਨ ਪੜ੍ਹਾਈ ਕਰਨ ਤੋਂ ਬਾਅਦ ਸੋਨਭਦਰ ਵਿੱਚ ਸੋਨਾ ਹੋਣ ਦੇ ਬਾਰੇ ‘ਚ ਦੱਸਿਆ ਸੀ ਅਤੇ ਸਾਲ 2012 ਵਿੱਚ ਇਸ ਗੱਲ ਦੀ ਪੁਸ਼ਟੀ ਵੀ ਕਰ ਦਿੱਤੀ ਸੀ। ਟੀਮ ਨੇ ਦੱਸਿਆ ਸੀ ਕਿ ਸੋਨਭਦਰ ਦੀਆਂ ਪਹਾੜੀਆਂ ਵਿੱਚ ਸੋਨਾ ਮੌਜੂਦ ਹੈ। ਜੀਐਸਆਈ ਦੇ ਅਨੁਸਾਰ ਹਲਦੀ ਖੇਤਰ ਵਿੱਚ 646.15 ਕਿੱਲੋਗ੍ਰਾਮ ਸੋਨੇ ਦਾ ਭੰਡਾਰ ਹੈ ਉਹੀ ਸੋਨ ਪਹਾੜੀ ਵਿੱਚ 2943.25 ਟਨ ਸੋਨੇ ਦਾ ਭੰਡਾਰ ਹੈ।
SonBhadra
ਦੋ ਪਿੰਡ ਦੀ 22 ਫਰਵਰੀ ਤੱਕ ਹੋਵੇਗੀ ਜਯੋ ਟੈਗਿੰਗ
ਯੂਪੀ ਸਰਕਾਰ ਨੇ ਤੇਜੀ ਦਿਖਾਉਂਦੇ ਹੋਏ ਸੋਨੇ ਦੇ ਬਲਾਕ ਦੇ ਵੰਡ ਦੇ ਸੰਬੰਧ ਵਿੱਚ ਪਰਿਕ੍ਰੀਆ ਸ਼ੁਰੂ ਕਰ ਦਿੱਤੀ ਹੈ। ਦੱਸ ਦਈਏ ਕਿ ਸੋਨਭਦਰ ਦੇ ਕੋਣ ਖੇਤਰ ਦੇ ਹਲਦੀ ਪਿੰਡ ਵਿੱਚ ਅਤੇ ਮਹੁਲੀ ਖੇਤਰ ਦੇ ਸੋਨ ਪਹਾੜੀ ਵਿੱਚ ਸੋਨੇ ਦਾ ਇੱਕ ਵੱਡਾ ਭੰਡਾਰ ਮਿਲਣ ਦੀ ਪੁਸ਼ਟੀ ਹੋ ਚੁੱਕੀ ਹੈ।
SonBhadra
ਈ-ਟੇਂਡਰਿੰਗ ਦੇ ਮਾਧਿਅਮ ਨਾਲ ਬਲਾਕਾਂ ਦੇ ਨੀਲਾਮੀ ਲਈ ਸ਼ਾਸਨ ਨੇ ਸੱਤ ਮੈਂਬਰੀ ਟੀਮ ਵੀ ਗਠਿਤ ਕਰ ਦਿੱਤੀ ਹੈ। ਇਹ ਟੀਮ ਪੂਰੇ ਖੇਤਰ ਦੀ ਜਿਓ ਟੈਗਿੰਗ ਕਰੇਗੀ ਅਤੇ 22 ਫਰਵਰੀ, 2020 ਤੱਕ ਆਪਣੀ ਰਿਪੋਰਟ ਅਤੇ ਖਣਿਜ ਵਿਭਾਗ ਲਖਨਊ ਨੂੰ ਸੌਂਪ ਦੇਵੇਗੀ।
