Advertisement
  ਖ਼ਬਰਾਂ   ਰਾਸ਼ਟਰੀ  03 Feb 2020  ਤਸਕਰੀ ਦੀ ਤਰਕੀਬ ਵੇਖ ਪੁਲਿਸ ਦੇ ਵੀ ਉੱਡੇ ਹੋਸ਼, 3 ਕਿਲੋ ਸੋਨਾ ਬਰਾਮਦ 

ਤਸਕਰੀ ਦੀ ਤਰਕੀਬ ਵੇਖ ਪੁਲਿਸ ਦੇ ਵੀ ਉੱਡੇ ਹੋਸ਼, 3 ਕਿਲੋ ਸੋਨਾ ਬਰਾਮਦ 

ਏਜੰਸੀ
Published Feb 3, 2020, 12:49 pm IST
Updated Apr 9, 2020, 9:16 pm IST
ਡਾਇਰੈਕਟੋਰੇਟ ਆਫ਼ ਰੈਵੇਨਿਊ ਇੰਟੈਲੀਜੈਂਸ (ਡੀ.ਆਰ.ਆਈ.) ਵਾਰਾਣਸੀ ਯੂਨਿਟ ਨੇ ਸ਼ਨੀਵਾਰ ਸਵੇਰੇ ਪੰਡਿਤ ਦੀਨ ਦਿਆਲ ਉਪਾਧਿਆਏ ਰੇਲਵੇ ਸਟੇਸ਼ਨ........
File photo
 File photo

 ਯੂਪੀ: ਡਾਇਰੈਕਟੋਰੇਟ ਆਫ਼ ਰੈਵੇਨਿਊ ਇੰਟੈਲੀਜੈਂਸ (ਡੀ.ਆਰ.ਆਈ.) ਵਾਰਾਣਸੀ ਯੂਨਿਟ ਨੇ ਸ਼ਨੀਵਾਰ ਸਵੇਰੇ ਪੰਡਿਤ ਦੀਨ ਦਿਆਲ ਉਪਾਧਿਆਏ  ਜੰਕਸ਼ਨ ਤੋਂ ਉੱਤਰ ਪੂਰਬ ਵੱਲ ਜਾਂਦੀ ਐਕਸਪ੍ਰੈਸ ਰੇਲ ਦੇ ਏਸੀ ਵਾਲੇ ਡੱਬੇ ਤੋਂ ਸ਼ਨੀਵਾਰ ਸਵੇਰੇ ਤਿੰਨ ਕਿੱਲੋ ਸੋਨਾ ਬਰਾਮਦ ਕੀਤਾ । ਇਸ ਮਾਮਲੇ ਵਿਚ ਦੋ ਤਸਕਰਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਸੋਨੇ ਨੂੰ ਕਾਮਖਾ ਤੋਂ ਕਾਨਪੁਰ ਲਿਜਾਇਆ ਜਾ ਰਿਹਾ ਸੀ ।

30 ਜਨਵਰੀ ਨੂੰ ਟੀਮ ਨੇ ਰਾਜਧਾਨੀ ਐਕਸਪ੍ਰੈਸ ਟ੍ਰੇਨ ਤੋਂ ਇਕ ਸਮੱਗਲਰ ਨੂੰ ਇਕ ਕਿਲੋ ਸੋਨੇ ਸਮੇਤ ਕਾਬੂ ਕੀਤਾ ।ਡੀਆਰਆਈ ਨੂੰ ਸੂਚਨਾ ਮਿਲੀ ਕਿ ਸੋਨੇ ਨੂੰ ਉੱਤਰ-ਪੂਰਬ ਐਕਸਪ੍ਰੈਸ ਰੇਲ ਗੱਡੀ ਰਾਹੀਂ ਲਿਜਾਇਆ ਜਾ ਰਿਹਾ ਸੀ । ਇਸ ਦੇ ਅਧਾਰ 'ਤੇ ਖੁਫੀਆ ਅਧਿਕਾਰੀ ਲਖਰਾਜ, ਮੁਕੰਦ ਲਾਲ ਸਿੰਘ ਅਤੇ ਅਨੰਤ ਵਿਕਰਮ ਦੀ ਟੀਮ ਸੀਨੀਅਰ ਖੁਫੀਆ ਅਧਿਕਾਰੀ ਆਨੰਦ ਰਾਏ ਦੀ ਅਗਵਾਈ ਵਿਚ ਸ਼ਨੀਵਾਰ ਸਵੇਰੇ ਪੰਡਿਤ ਦੀਨਦਿਆਲ ਉਪਾਧਿਆਏ ਰੇਲਵੇ ਸਟੇਸ਼ਨ' ਤੇ ਪਹੁੰਚੀ ।

ਉੱਤਰ-ਪੱਛਮੀ ਵੱਲ ਜਾਂਦੀ ਐਕਸਪ੍ਰੈਸ ਸਵੇਰੇ ਸੱਤ ਵਜੇ ਰੇਲਵੇ ਸਟੇਸ਼ਨ ਦੇ ਪਲੇਟਫਾਰਮ ਨੰਬਰ ਚਾਰ 'ਤੇ ਪਹੁੰਚੀ। ਟੀਮ ਦੇ ਮੈਂਬਰ ਏ -1 ਕੋਚ ਵਿੱਚ ਪਹੁੰਚੇ ਅਤੇ ਦੋਵੇ ਸ਼ੱਕੀ ਵਿਅਕਤੀਆਂ ਦੀ ਤਲਾਸ਼ੀ ਲਈ ਤਾਂ ਉਹਨਾਂ ਨੂੰ ਸੋਨੇ ਦੇ ਟੁਕੜੇ ਕਮਰ ਦੇ ਪੱਤੇ ਵਿੱਚੋਂ ਮਿਲੇ । ਕਾਗਜ਼ ਨਾ ਦਿਖਾਏ ਜਾਣ ਤੋਂ ਬਾਅਦ ਟੀਮ ਉਨ੍ਹਾਂ ਦੋਵਾਂ ਨੂੰ ਸੋਨੇ ਸਮੇਤ ਵਾਰਾਣਸੀ ਲੈ ਗਈ । ਪੁੱਛਗਿੱਛ ਦੌਰਾਨ ਦੋਵਾਂ ਮੁਲਜ਼ਮਾਂ ਨੇ ਆਪਣੇ ਨਾਮ ਅਬਦੁੱਲ ਸਲਾਮ ਅਤੇ ਅਜ਼ੀਜ਼ੁਲ ਰਹਿਮਾਨ ਦੇ ਤੌਰ 'ਤੇ ਦੱਸੇ ।

ਸੋਨੇ ਦਾ ਭਾਰ ਤਿੰਨ ਕਿੱਲੋ ਸੀ ਇਸ ਜੋੜੀ ਨੇ ਦੱਸਿਆ ਕਿ ਉਨ੍ਹਾਂ ਦੇ ਗਿਰੋਹ ਦੇ ਲੋਕ ਸੋਨੇ ਦੀ ਤਸਕਰੀ ਉੱਤਰ-ਪੂਰਬੀ ਰਾਜਾਂ ਵਿੱਚ ਮਿਆਂਮਾਰ ਰਾਹੀਂ ਕਰਦੇ ਅਤੇ ਇਸਨੂੰ ਭਾਰਤ ਦੇ ਹੋਰ ਸ਼ਹਿਰਾਂ ਵਿੱਚ ਭੇਜਦੇ ਸਨ । ਸੀਨੀਅਰ ਇੰਟੈਲੀਜੈਂਸ ਅਧਿਕਾਰੀ ਆਨੰਦ ਰਾਏ ਨੇ ਦੱਸਿਆ ਕਿ ਬਰਾਮਦ ਹੋਏ ਸੋਨੇ ਦੀ ਕੀਮਤ 1.19 ਕਰੋੜ ਹੈ। ਕਾਬੂ ਕੀਤਾ ਸੋਨਾ ਜ਼ਬਤ ਕਰ ਲਿਆ ਗਿਆ ਅਤੇ ਤਸਕਰਾਂ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ।

Advertisement
Advertisement

 

Advertisement