ਇਲਾਕੇ 'ਚ ਤਣਾਅ ਭਾਰੀ ਫੋਰਸ ਤਾਇਨਾਤ
ਪਟਨਾ : ਪਟਨਾ 'ਚ ਪਾਰਕਿੰਗ ਨੂੰ ਲੈ ਕੇ ਵਿਵਾਦ ਰੁਕਦਾ ਨਜ਼ਰ ਨਹੀਂ ਆ ਰਿਹਾ ਹੈ। ਦੋ ਲੋਕਾਂ ਦੀ ਮੌਤ ਤੋਂ ਬਾਅਦ ਸੋਮਵਾਰ ਸਵੇਰੇ ਫਿਰ ਅੱਗਜ਼ਨੀ ਹੋਈ। ਤੜਕਸਾਰ ਮੁਲਜ਼ਮ ਬੱਚਾ ਰਾਏ ਦੇ ਭਰਾ ਉਮੇਸ਼ ਰਾਏ ਦੇ ਘਰ, ਗੋਦਾਮ ਅਤੇ ਮੈਰਿਜ ਹਾਲ ਨੂੰ ਗੁੱਸੇ 'ਚ ਆਏ ਗੁੱਟ ਨੇ ਅੱਗ ਲਗਾ ਦਿੱਤੀ। ਇਸ ਕਾਰਨ ਇਲਾਕੇ ਵਿੱਚ ਤਣਾਅ ਬਣਿਆ ਹੋਇਆ ਹੈ। ਮੌਕੇ 'ਤੇ ਪੁਲਿਸ ਬਲ ਤਾਇਨਾਤ ਕਰ ਦਿੱਤਾ ਗਿਆ ਹੈ।
ਐਤਵਾਰ ਨੂੰ ਦੋ ਗੁੱਟਾਂ - ਬੱਚਾ ਰਾਏ ਅਤੇ ਚਨਾਰਿਕ ਵਿਚਕਾਰ ਝੜਪ ਦੇ ਦੌਰਾਨ ਰਾਈਫਲ, ਦੇਸੀ ਕੱਟਾ ਅਤੇ 9 ਐੱਮਐੱਮ ਦੇ ਪਿਸਟਲ ਨਾਲ 50 ਰਾਊਂਡ ਫਾਇਰਿੰਗ ਹੋਈ। ਗੋਲੀ ਲੱਗਣ ਨਾਲ ਚਨਾਰਿਕ ਗੁੱਟ ਦੇ ਦੋ ਲੋਕਾਂ ਦੀ ਮੌਤ ਹੋ ਗਈ। ਤਿੰਨ ਬੁਰੀ ਤਰਾਂ ਜ਼ਖ਼ਮੀ ਹੋ ਗਏ। ਮਰਨ ਵਾਲਿਆਂ ਵਿਚ 25 ਸਾਲਾ ਗੌਤਮ ਤੇ 18 ਸਾਲ ਦਾ ਰੌਸ਼ਨ ਸ਼ਾਮਲ ਹਨ।
ਬੱਚਾ ਰਾਏ ਅਤੇ ਚਨਾਰਿਕ ਰਾਏ ਵਿਚਕਾਰ ਜਿੰਮ ਦੀ ਛੇ ਕਿੱਲੇ ਜ਼ਮੀਨ ਨੂੰ ਲੈ ਕੇ ਝਗੜਾ ਹੋਇਆ। ਜ਼ਮੀਨ ਸੜਕ ਦੇ ਕਿਨਾਰੇ ਹੈ। ਇਸ ਦੀ ਕੀਮਤ ਕਰੀਬ 3 ਕਰੋੜ ਰੁਪਏ ਹੈ। ਦੋਵੇਂ ਧੜੇ ਜ਼ਮੀਨ 'ਤੇ ਦਾਅਵਾ ਕਰ ਰਹੇ ਹਨ। ਇਸ ਸਮੇਂ ਇਸ 'ਤੇ ਬੱਚੇ ਦਾ ਕਬਜ਼ਾ ਹੈ।
ਬੱਚਾ ਰਾਏ ਨੇ ਐਤਵਾਰ ਨੂੰ ਜਿਮ ਦੇ ਕੋਲ ਬੈਲਸਟ ਸੁੱਟਿਆ। ਕਰੀਬ 12 ਵਜੇ ਚਨਾਰਿਕ ਉੱਥੇ ਪਹੁੰਚਿਆ ਅਤੇ ਕਾਰ ਪਾਰਕ ਕਰਨ ਲੱਗਾ। ਬੱਚੇ ਅਤੇ ਚਨਾਰਿਕ ਵਿਚਕਾਰ ਝਗੜਾ ਹੋ ਗਿਆ।
ਥੋੜੀ ਦੇਰ ਵਿਚ ਹੀ ਬੱਚੇ ਦੇ ਸਮਰਥਕ ਹਥਿਆਰਾਂ ਨਾਲ ਆ ਗਏ ਅਤੇ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ। ਇਸ ਮਾਮਲੇ 'ਚ ਪੁਲfਸ ਨੇ ਮੁੱਖ ਦੋਸ਼ੀ ਬੱਚਾ ਰਾਏ ਦੇ ਭਰਾ ਉਮੇਸ਼ ਰਾਏ ਸਮੇਤ 8 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਬੱਚਾ ਰਾਏ ਅਜੇ ਫਰਾਰ ਹੈ।
