ਟਵਿੰਕਲ ਖੰਨਾ ਨੇ ਟਵਿਟਰ 'ਤੇ ਕੀਤੀ ਪੋਸਟ ਸ਼ੇਅਰ
ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਇਹਨਾਂ ਦਿਨਂ ਵਿਚ ਕੇਦਾਰਨਾਥ ਵਿਚ ਦਿਖਾਈ ਦੇ ਰਹੇ ਹਨ। ਉਹਨਾਂ ਦੀਆਂ ਗੁਫਾ ਵਿਚ ਧਿਆਨ ਲਗਾ ਕੇ ਬੈਠਣ ਦੀਆਂ ਫੋਟੋਆਂ ਵੀ ਬਹੁਤ ਜਨਤਕ ਹੋਈਆਂ ਹਨ। ਪੀਐਮ ਮੋਦੀ ਦੀਆਂ ਇਹਨਾਂ ਤਸਵੀਰਾਂ ਨੂੰ ਲੋਕਾਂ ਨੇ ਬਹੁਤ ਰਿਐਕਸ਼ਨ ਦਿੱਤੇ ਹਨ। ਬਾਲੀਵੁੱਡ ਦੀ ਅਦਾਕਾਰਾ ਟਵਿੰਕਲ ਖੰਨਾ ਨੇ ਮੋਦੀ ਦੇ ਧਿਆਨ ਲਗਾਉਣ ਸਬੰਧੀ ਇਕ ਅਜਿਹਾ ਹੀ ਹਾਸਰਸ ਮਾਹੌਲ ਸਿਰਜਿਆ ਅਤੇ ਅਪਣੀ ਧਿਆਨ ਲਗਾਉਣ ਵਾਲੀ ਇਕ ਫੋਟੋ ਵੀ ਪੋਸਟ ਕੀਤੀ ਹੈ।
Twinkle Kanna
ਟਵਿੰਕਲ ਖੰਨਾ ਨੇ ਪ੍ਰਧਾਨ ਮੰਤਰੀ ਦੀ ਧਿਆਨ ਲਗਾਉਣ ਵਾਲੀ ਫੋਟੋ ਦਾ ਮੁਕਾਬਲਾ ਕਰਦੇ ਹੋਏ ਅਪਣੀ ਇਕ ਫੋਟੋ ਪੋਸਟ ਕੀਤੀ ਹੈ। ਟਵਿੰਕਲ ਖੰਨਾ ਨੇ ਇਸ ਫੋਟੋ ਨਾਲ ਲਿਖਿਆ ਹੈ ਦੋਸਤੋ ਪਿਛਲੇ ਕੁਝ ਦਿਨਾਂ ਤੋਂ ਬਹੁਤ ਸਾਰੀਆਂ ਅਧਿਆਤਮਕ ਫੋਟੋਆਂ ਦੇਖਣ ਤੋਂ ਬਾਅਦ ਮੈਂ ਹੁਣ ਮੈਡੀਏਸ਼ਨ ਫੋਟੋਗ੍ਰਾਫੀ ਪੋਜੇਜ ਐਂਡ ਐਂਗਲਸ ਨਾਮ ਨਾਲ ਵਰਕਸ਼ਾਪ ਸ਼ੁਰੂ ਕਰਨ ਜਾ ਰਹੀ ਹਾਂ। ਮੈਨੂੰ ਲਗਦਾ ਹੈ ਕਿ ਵੈਡਿੰਗ ਫੋਟੋਗ੍ਰਾਫੀ ਤੋਂ ਬਾਅਦ ਇਹ ਅਗਲੀ ਵੱਡੀ ਚੀਜ਼ ਹੋਣ ਜਾ ਰਹੀ ਹੈ।
Folks please sign up-After seeing so many spiritual images in the last few days-I am now starting a series of workshops ‘Meditation Photography-Poses and Angles’ I have a feeling after wedding photography this is going to be the next big thing :) #AJokeADayMayKeepJillSane pic.twitter.com/uYP4FpQvYX
— Twinkle Khanna (@mrsfunnybones) May 20, 2019
ਟਵਿੰਕਲ ਖੰਨਾ ਅਕਸਰ ਸੋਸ਼ਲ ਮੀਡੀਆ ’ਤੇ ਅਜਿਹੇ ਮਸਤੀ ਵਾਲੇ ਰਿਐਕਸ਼ਨ ਦਿੰਦੀ ਰਹਿੰਦੀ ਹੈ। ਟਵਿੰਕਲ ਖੰਨਾ ਦੇ ਪਤੀ ਅਕਸ਼ੇ ਕੁਮਾਰ ਨੇ ਪੀਐਮ ਮੋਦੀ ਦੀ ਇਕ ਇੰਟਰਵਿਊ ਵੀ ਲਈ ਸੀ ਅਤੇ ਇਸ ਵਿਚ ਪੀਐਮ ਮੋਦੀ ਨੇ ਟਵਿੰਕਲ ਖੰਨਾ ਦੇ ਇਸ ਤਰ੍ਹਾਂ ਉਹਨਾਂ ’ਤੇ ਨਿਸ਼ਾਨੇ ਲਗਾਉਣ ਦਾ ਜ਼ਿਕਰ ਕੀਤਾ ਸੀ। ਟਵਿੰਕਲ ਖੰਨਾ ਨੇ ਇਕ ਵਾਰ ਫਿਰ ਪੀਐਮ ਮੋਦੀ ’ਤੇ ਹਲਕੇ ਫੁਲਕੇ ਅੰਦਾਜ਼ ਵਿਚ ਚੋਭ ਲਾਈ ਹੈ।
