Advertisement
  ਖ਼ਬਰਾਂ   ਰਾਸ਼ਟਰੀ  20 Aug 2020  ਕਸ਼ਮੀਰ ਦਾ 'ਸ਼ਿੰਗਾਰ' ਬਣਿਆ ਸਿੱਖ ਨੌਜਵਾਨ

ਕਸ਼ਮੀਰ ਦਾ 'ਸ਼ਿੰਗਾਰ' ਬਣਿਆ ਸਿੱਖ ਨੌਜਵਾਨ

ਸਪੋਕਸਮੈਨ ਸਮਾਚਾਰ ਸੇਵਾ
Published Aug 18, 2020, 1:12 pm IST
Updated Aug 20, 2020, 1:20 pm IST
ਹਰਕਿਸ਼ਨ ਸਿੰਘ ਦੀ ਸੁਰੀਲੀ ਆਵਾਜ਼ ਨੇ ਕੀਲੇ ਕਸ਼ਮੀਰੀ ਗੱਭਰੂ
Harkishan Singh
 Harkishan Singh

ਸ੍ਰੀਨਗਰ, 17 ਅਗੱਸਤ: ਸਖ਼ਤ ਮਿਹਨਤ ਇਨਸਾਨ ਨੂੰ ਉਸ ਦੀ ਮੰਜ਼ਲ ਤਕ ਜ਼ਰੂਰ ਲੈ ਕੇ ਜਾਂਦੀ ਹੈ। ਇਹ ਵੀ ਸੱਚ ਹੈ ਕਿ ਮਿੱਠੀ ਆਵਾਜ਼ ਸੁਣਨ ਵਾਲਿਆਂ ਨੂੰ ਮੰਤਰ-ਮੁਗਧ ਜ਼ਰੂਰ ਕਰਦੀ ਹੈ। ਕੁੱਝ ਅਜਿਹਾ ਹੀ ਹੈ ਇਹ ਸਿੱਖ ਨੌਜਵਾਨ ਜੋ ਕਿ ਕਸ਼ਮੀਰ ਦਾ ਸ਼ਿੰਗਾਰ ਬਣਿਆ ਹੈ। ਅਪਣੀ ਸੁਰੀਲੀ ਆਵਾਜ਼ ਕਰ ਕੇ ਇਸ ਦੇ ਚਰਚੇ ਕਸ਼ਮੀਰ ਵਿਚ ਹੋ ਰਹੇ ਹਨ।

ਇਸ ਸਿੱਖ ਨੌਜਵਾਨ ਦਾ ਨਾਂ ਹੈ ਹਰਕਿਸ਼ਨ ਸਿੰਘ ਸਨਮ। ਦਖਣੀ ਕਸ਼ਮੀਰ ਦਾ ਇਹ ਸਿੱਖ ਨੌਜਵਾਨ ਘਾਟੀ ਵਿਚ ਰਾਤੋ-ਰਾਤ ਸੰਗੀਤ ਸਨਸਨੀ ਬਣ ਗਿਆ ਹੈ। 28 ਸਾਲਾ ਹਰਕਿਸ਼ਨ ਸਿੰਘ ਨੇ ਕਸ਼ਮੀਰੀ ਭਾਸ਼ਾ ਵਿਚ ਅਪਣੇ ਸੰਗੀਤ ਜ਼ਰੀਏ ਲੋਕਾਂ ਦਾ ਧਿਆਨ ਅਪਣੇ ਵਲ ਖਿੱਚਿਆ ਹੈ। ਹਰਕਿਸ਼ਨ ਸਿੰਘ ਸਨਮ ਨੇ ਪੰਜਾਬ ਵਿਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਯੂਨੀਵਰਸਟੀ ਤੋਂ ਸੰਗੀਤ ਵਿਚ ਪੋਸਟ ਗਰੈਜੂਏਸ਼ਨ
ਦੀ ਡਿਗਰੀ ਹਾਸਲ ਕੀਤੀ ਹੈ।

ਫੇਸਬੁਕ 'ਤੇ ਹਜ਼ਾਰਾਂ ਲੋਕਾਂ ਵਲੋਂ ਉਸ ਦੀ ਗਾਇਕੀ ਨੂੰ ਪਸੰਦ ਕੀਤਾ ਜਾ ਰਿਹਾ ਹੈ। ਹਰਕਿਸ਼ਨ ਸਿੰਘ ਨੇ ਖ਼ਾਸ ਰੂਪ ਨਾਲ ਕਸ਼ਮੀਰ ਵਿਚ ਨੌਜਵਾਨ ਪੀੜ੍ਹੀ ਵਿਚਾਲੇ ਗੀਤ ਨੂੰ ਲੋਕਪ੍ਰਿਅ ਬਣਾਉਣ ਵਿਚ ਮਦਦ ਕੀਤੀ ਹੈ। ਹਰਕਿਸ਼ਨ ਸਿੰਘ ਦਾ ਕਹਿਣਾ ਹੈ ਕਿ ਉਹ ਕਿਸੇ ਵੀ ਪੇਸ਼ੇ ਨੂੰ ਅਪਣਾ ਨਸ਼ਾ, ਜਨੂੰਨ ਬਣਾਉਣ ਵਿਚ ਵਿਸ਼ਵਾਸ ਕਰਦੇ ਹਨ। ਉਨ੍ਹਾਂ ਆਖਿਆ ਕਿ ਸੱਭ ਕੁੱਝ ਇਕ ਨਸ਼ਾ ਹੈ, ਜਿਸ ਤਰ੍ਹਾਂ ਸੰਗੀਤ ਮੇਰਾ ਨਸ਼ਾ ਹੈ। ਇਸ ਤਰ੍ਹਾਂ ਹੀ ਕਾਰੋਬਾਰੀ ਨੂੰ ਅਪਣੇ ਕਾਰੋਬਾਰ ਦਾ ਨਸ਼ਾ ਹੈ। ਮਕੈਨੀਕਲ ਨੂੰ ਮਸ਼ੀਨਰੀ ਦਾ, ਇਸ ਲਈ ਤੁਹਾਨੂੰ ਅਪਣੇ ਪੇਸ਼ੇ ਨੂੰ ਅਪਣਾ ਜਨੂੰਨ, ਅਪਣਾ ਨਸ਼ਾ ਬਣਾਉਣਾ ਚਾਹੀਦਾ ਹੈ। (ਪੀ.ਟੀ.ਆਈ)

Advertisement
Advertisement

 

Advertisement
Advertisement