ਭਾਰਤ ਦੇ ਮੌਸਮ ਵਿਭਾਗ (ਆਈ.ਐਮ.ਡੀ.) ਦੇ ਅਨੁਸਾਰ, ਸ਼ਿਮਲਾ ਵਿਚ ਅਗਲੇ ਦੋ ਦਿਨਾਂ...
ਨਵੀਂ ਦਿੱਲੀ: ਬੀਤੀ ਰਾਤ ਹਿਮਾਚਲ ਦੇ ਕਈ ਇਲਾਕਿਆਂ 'ਚ ਬਰਫਬਾਰੀ ਅਤੇ ਬਾਰਸ਼ ਹੋਈ। ਜਿਸ ਨਾਲ ਨਾਰਕੰਡਾ ਸੜਕ ਬੰਦ ਹੋ ਗਈ ਅਤੇ ਕੁਫ਼ਰੀ, ਖੜ੍ਹਾਪੱਥਰ ਦੀ ਸੜਕਾਂ 'ਤੇ ਬਰਫ ਕਰ ਕੇ ਫਿਸਲਣ ਵੱਧ ਗਈ ਹੈ। ਸੂਬੇ 'ਚ ਯੈਲੋ ਅਲਰਟ ਦਾ ਅਸਰ ਨਜ਼ਰ ਆਇਆ। ਸ਼ਿਮਲਾ 'ਚ ਵੀ ਕਈ ਥਾਂਵਾਂ 'ਤੇ ਖੂਬ ਬਾਰਸ਼ ਹੋਈ ਅਤੇ ਕੁਝ ਥਾਂਵਾਂ 'ਤੇ ਬਰਫਬਾਰੀ ਦਾ ਨਜ਼ਾਰਾ ਵੇਖਣ ਨੂੰ ਮਿਲਿਆ। ਸੈਲਾਨੀ ਥਾਂ ਸ਼ਿਮਲਾ ਵੀਰਵਾਰ ਨੂੰ ਬਰਫ ਦੇ ਕੰਬਲ 'ਚ ਲਿਪਟੀ ਹੋਈ ਸੀ।
Photo
ਮੰਧੋਲ ਪਿੰਡ ਦੇ ਉੱਚੇ ਇਲਾਕਿਆਂ ਵਿਚ ਵੀ ਜੀਵਨ ਦੀ ਰਫ਼ਤਾਰ ਇੱਕ ਵਾਰ ਫੇਰ ਰੁੱਕ ਗਈ ਹੈ ਕਿਉਂਕਿ ਇਸ ਖੇਤਰ ਵਿਚ ਤਾਜ਼ਾ ਬਰਫਬਾਰੀ ਹੋਈ ਹੈ। ਪੱਤਿਆਂ 'ਤੇ ਬਰਫ਼ ਜਮ ਜਾਣ ਕਾਰਨ ਇਨ੍ਹਾਂ ਖੇਤਰਾਂ 'ਚ ਦਰੱਖਤ ਅਤੇ ਬੂਟੇ ਜੰਮ ਗਏ ਅਤੇ ਚਿੱਟੇ ਰੰਗ ਵਿਚ ਚਮਕਣ ਲੱਗੇ। ਇੱਥੋਂ ਤਕ ਕਿ ਘਰਾਂ ਦੀਆਂ ਛੱਤਾਂ ਬਰਫ ਨਾਲ ਢੱਕੀਆਂ ਹੋਈਆਂ ਸੀ, ਸਥਾਨਕ ਲੋਕਾਂ ਨੇ ਆਪਣੀਆਂ ਖਿੜਕੀਆਂ ਤੋਂ ਬਾਹਰ ਝਾਕ ਇਸ ਨਜ਼ਾਰੇ ਦਾ ਅਨੰਦ ਲਿਆ।
Photo
ਭਾਰਤ ਦੇ ਮੌਸਮ ਵਿਭਾਗ (ਆਈ.ਐਮ.ਡੀ.) ਦੇ ਅਨੁਸਾਰ, ਸ਼ਿਮਲਾ ਵਿਚ ਅਗਲੇ ਦੋ ਦਿਨਾਂ ਤੱਕ ਬਾਰਸ਼ ਅਤੇ ਹਨੇਰੀ ਚੱਲਣ ਦੀ ਸੰਭਾਵਨਾ ਹੈ, ਜਿਸ ਨਾਲ ਤਾਪਮਾਨ 5 ਡਿਗਰੀ ਸੈਲਸੀਅਸ ਅਤੇ 15 ਡਿਗਰੀ ਸੈਲਸੀਅਸ ਦੇ ਵਿਚਕਾਰ ਚੜ੍ਹ ਜਾਵੇਗਾ। ਦਸ ਦਈਏ ਕਿ ਕੁੱਝ ਦਿਨਾਂ ਦੀ ਰਾਹਤ ਤੋਂ ਬਾਅਦ ਇਕ ਵਾਰ ਫਿਰ ਤੋਂ ਮੌਸਮ ਦਾ ਮਿਜਾਜ਼ ਬਦਲਿਆ ਹੈ। ਹਿਮਾਲਿਆ ਖੇਤਰ ਵਿਚ ਪੱਛਮੀ ਖੇਤਰ ਵਿਚ ਪੱਛਮੀ ਗੜਬੜੀ ਕਾਰਨ ਬੁੱਧਵਾਰ ਨੂੰ ਦਿੱਲੀ ਅਤੇ ਹੋਰ ਖੇਤਰਾਂ ਵਿਚ ਬਾਰਿਸ਼ ਹੋਣ ਦੀ ਸੰਭਾਵਨਾ ਹੈ।
Photo
ਮੌਸਮ ਵਿਭਾਗ ਅਨੁਸਾਰ ਮੈਦਾਨੀ ਖੇਤਰਾਂ ਵਿਚ ਅਗਲੇ 24 ਘੰਟਿਆਂ ਵਿਚ ਹਰਿਆਣਾ, ਦਿੱਲੀ, ਪੰਜਾਬ, ਉੱਤਰੀ ਰਾਜਸਥਾਨ ਅਤੇ ਮੱਧ ਪ੍ਰਦੇਸ਼ ਦੇ ਕੁੱਝ ਹਿੱਸਿਆਂ ਵਿਚ ਬਾਰਿਸ਼ ਦੀ ਸੰਭਾਵਨਾ ਹੈ। ਨਾਲ ਹੀ ਅਗਲੇ 24 ਘੰਟਿਆਂ ਦੌਰਾਨ ਜੰਮੂ-ਕਸ਼ਮੀਰ, ਲੱਦਾਖ, ਹਿਮਾਚਲ ਪ੍ਰਦੇਸ਼ ਅਤੇ ਉੱਤਰਾਖੰਡ ਦੇ ਕੁੱਝ ਹਿੱਸਿਆਂ ਵਿਚ ਹਲਕੀ ਬਾਰਿਸ਼ ਅਤੇ ਬਰਫ਼ਬਾਰੀ ਹੋਣ ਦੀ ਸੰਭਾਵਨਾ ਵੀ ਹੈ।
Photo
ਸ਼ਿਮਲਾ ਮੌਸਮ ਵਿਭਾਗ ਨੇ ਯੈਲੋ ਅਲਰਟ ਜਾਰੀ ਕਰਦੇ ਹੋਏ 20 ਅਤੇ 22 ਫਰਵਰੀ ਤਕ ਪ੍ਰਦੇਸ਼ ਵਿਚ ਤੂਫ਼ਾਨ ਦੀ ਸੰਭਾਵਨਾ ਜਤਾਈ ਹੈ ਜਿਸ ਦੇ ਚਲਦੇ ਸਾਰੇ ਲੋਕਾਂ ਖਾਸ ਕਰ ਕੇ ਸ਼ਹਿਰਵਾਸੀਆਂ ਨੂੰ ਸਾਵਧਾਨੀ ਵਰਤਣ ਦੀ ਸਲਾਹ ਦਿੱਤੀ ਗਈ ਹੈ। ਪੰਜਾਬ ਵਿਚ ਕਿਤੇ-ਕਿਤੇ ਗੜੇ ਪੈਣ ਦੇ ਵੀ ਆਸਾਰ ਹਨ।
Photo
ਹਾਲਾਂਕਿ ਮੌਸਮ ਵਿਚ ਗੜਬੜੀ ਕਾਰਨ ਤਾਪਮਾਨ 24 ਫਰਵਰੀ ਤੋਂ ਵਧਣ ਦੀ ਉਮੀਦ ਹੈ। ਉੱਥੇ ਹੀ ਉੱਤਰ-ਪੂਰਬ ਰਾਜਾਂ ਵਿਚ ਅਸਮ ਅਤੇ ਅਰੁਣਾਚਲ ਪ੍ਰਦੇਸ਼ ਦੇ ਕਈ ਸਥਾਨਾਂ ਤੇ ਤੇਜ਼ ਬਾਰਿਸ਼, ਮੇਘਾਲਿਆ, ਨਾਗਾਲੈਂਡ ਅਤੇ ਮਣੀਪੁਰ ਵਿਚ ਇਕ-ਦੋ ਸਥਾਨਾਂ ਤੇ ਬਾਰਿਸ਼ ਹੋਣ ਦਾ ਅਨੁਮਾਨ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
