ਸ਼ਿਵ ਸੈਨਾ ਨੇਤਾ ਸੰਜੇ ਰਾਊਤ ਨੇ ਅੱਜ ਗੋਆ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਪਰੀਕਰ 'ਤੇ ਹਮਲਾ ਕੀਤਾ ਅਤੇ ਕਿਹਾ ਕਿ ਦੇਸ਼ ਦੇ ਰਖਿਆ ਮੰਤਰੀ ਦੇ ਤੌਰ 'ਤੇ ਉਹ ਪੂਰੀ ਤਰ੍ਹਾਂ

ਨਵੀਂ ਦਿੱਲੀ, 18 ਅਗੱਸਤ : ਸ਼ਿਵ ਸੈਨਾ ਨੇਤਾ ਸੰਜੇ ਰਾਊਤ ਨੇ ਅੱਜ ਗੋਆ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਪਰੀਕਰ 'ਤੇ ਹਮਲਾ ਕੀਤਾ ਅਤੇ ਕਿਹਾ ਕਿ ਦੇਸ਼ ਦੇ ਰਖਿਆ ਮੰਤਰੀ ਦੇ ਤੌਰ 'ਤੇ ਉਹ ਪੂਰੀ ਤਰ੍ਹਾਂ ਅਸਫ਼ਲ ਰਹੇ। ਸੋਸ਼ਲ ਮੀਡੀਆ ਵਿਚ ਚੱਲ ਰਹੀ ਵੀਡੀਉ 'ਚ ਗੋਆ ਦੇ ਮੁੱਖ ਮੰਤਰੀ ਇਹ ਕਹਿ ਰਹੇ ਹਨ ਕਿ ਜੇ ਗੋਆ ਵਿਚ ਆਗਾਮੀ ਜ਼ਿਮਨੀ ਚੋਣਾਂ ਵਿਚ ਉਨ੍ਹਾਂ ਦੀ ਹਾਰ ਹੋਈ ਤਾਂ ਉਹ ਕੇਂਦਰ ਵਿਚ ਵਾਪਸ ਜਾ ਸਕਦੇ ਹਨ। ਸਾਬਕਾ ਰਖਿਆ ਮੰਤਰੀ 'ਤੇ ਹਮਲਾ ਕਰਦਿਆਂ ਰਾਊਤ ਨੇ ਕਿਹਾ, 'ਪਣਜੀ ਵਿਚ ਜ਼ਿਮਨੀ ਚੋਣਾਂ ਹਨ। ਲਗਦਾ ਹੈ ਕਿ ਉਹ ਇਸ ਗੱਲ ਤੋਂ ਡਰੇ ਹੋਏ ਹਨ ਕਿ ਜ਼ਿਮਨੀ ਚੋਣਾਂ ਹਾਰ ਜਾਣਗੇ ਅਤੇ ਲੋਕ ਉਨ੍ਹਾਂ ਨੂੰ ਪ੍ਰਵਾਨ ਨਹੀਂ ਕਰਨਗੇ। ਉਨ੍ਹਾਂ ਕਿਹਾ ਕਿ ਇਹ ਲੋਕ ਤੰਤਰ ਹੈ। ਜੇ ਤੁਹਾਡੀ ਜਨਤਾ ਤੁਹਾਡੀ ਚੋਣ ਨਹੀਂ ਕਰਦੀ ਤਾਂ ਤੁਸੀਂ ਹਾਰਦੇ ਹੋ ਤਾਂ ਘਰ ਜਾ ਕੇ ਬੈਠੋ। ਤੁਸੀਂ ਕਹਿੰਦੇ ਹੋ ਕਿ ਮੈਂ ਕੇਂਦਰ ਵਿਚ ਜਾਵਾਂਗਾ ਅਤੇ ਹਾਰਨ ਤੋਂ ਬਾਅਦ ਫਿਰ ਰਖਿਆ ਮੰਤਰੀ ਬਣਾਂਗਾ। ਕੀ ਦੇਸ਼ ਦਾ ਰਖਿਆ ਮੰਤਰਾਲਾ ਖੇਡ ਹੈ?' ਸ਼ਿਵ ਸੈਨਾ ਨੇਤਾ ਨੇ ਇਸ ਗੱਲ 'ਤੇ ਦੁੱਖ ਪ੍ਰਗਟ ਕੀਤਾ ਕਿ ਦੇਸ਼ ਵਿਚ ਕੁਲਵਕਤੀ ਰਖਿਆ ਮੰਤਰੀ ਨਹੀਂ ਹੈ। ਰਾਊਤ ਦਾ ਇਹ ਬਿਆਨ ਤਦ ਆਇਆ ਜਦ ਸ਼ਿਵ ਸੈਨਾ ਨੇ ਅਪਣੇ ਮੁੱਖ ਮੰਤਰੀ 'ਸਾਮਨਾ' ਵਿਚ ਇਕ ਸੰਪਾਦਕੀ ਛਾਪੀ ਜਿਸ ਵਿਚ ਲਿਖਿਆ ਗਿਆ ਕਿ ਚੱਲ ਰਹੀ ਵੀਡੀਉ ਨੂੰ ਵੇਖ ਕੇ ਪਰੀਕਰ ਦੇ ਈਮਾਨਦਾਰ ਅਤੇ ਸੱਚੇ ਨੇਤਾ ਦਾ ਅਕਸ ਗ਼ਲਤ ਸਾਬਤ ਹੋ ਰਿਹਾ ਹੈ। ਇਸ ਸਾਲ ਪਰੀਕਰ ਨੇ ਰਖਿਆ ਮੰਤਰੀ ਵਜੋਂ ਅਸਤੀਫ਼ਾ ਦੇ ਕੇ 14 ਮਾਰਚ ਨੂੰ ਗੋਆ ਦੇ ਮੁੱਖ ਮੰਤਰੀ ਵਜੋਂ ਅਹੁਦਾ ਸੰਭਾਲਿਆ ਸੀ। (ਏਜੰਸੀ)