ਪਿੱਠ ਦੀ ਸਮੱਸਿਆ ਕਾਰਨ 32 ਸਾਲਾਂ ਤੋਂ ਵ੍ਹੀਲ ਚੇਅਰ 'ਤੇ ਹੈ ਰਜ਼ੀਆ ਬੇਨ
ਗੁਜਰਾਤ : ਮਾਤਾ-ਪਿਤਾ ਦੀ ਆਖਰੀ ਇੱਛਾ ਪੂਰੀ ਕਰਨ ਲਈ ਪੁੱਤ ਸਰਵਣ ਉਨ੍ਹਾਂ ਨੂੰ ਮੋਢਿਆਂ 'ਤੇ ਚੁੱਕ ਕੇ ਤੀਰਥ ਯਾਤਰਾ 'ਤੇ ਲੈ ਗਿਆ ਸੀ। ਇਹ ਕਹਾਣੀ ਹਰ ਬੱਚੇ ਨੂੰ ਆਗਿਆਕਾਰੀ ਬਣਨ ਲਈ ਉਦਾਹਰਣ ਦੇ ਤੌਰ 'ਤੇ ਦੱਸੀ ਜਾਂਦੀ ਹੈ। ਗੁਜਰਾਤ ਦੇ ਕੱਛ 'ਚ ਰਹਿਣ ਵਾਲੇ ਇੱਕ ਨੌਜਵਾਨ ਨੇ ਇਸ ਦੀ ਮਿਸਾਲ ਪੇਸ਼ ਕੀਤੀ ਹੈ।
ਗੁਜਰਾਤ ਦੇ ਰਹਿਣ ਵਾਲਾ ਇਬਰਾਹਿਮ ਸੋਮਵਾਰ ਨੂੰ ਆਪਣੀ ਮਾਂ ਦੀ ਇੱਛਾ ਪੂਰੀ ਕਰਨ ਲਈ ਵ੍ਹੀਲ ਚੇਅਰ 'ਤੇ ਤਾਜ ਮਹਿਲ ਪਹੁੰਚਿਆ। ਇੱਥੇ ਏ.ਐਸ.ਆਈ ਦੇ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੇ ਉਸ ਨੂੰ ਤਾਜ ਮਹਿਲ ਦਿਖਾਉਣ ਵਿੱਚ ਕਾਫੀ ਮਦਦ ਕੀਤੀ। ਪੁੱਤਰ ਦੇ ਇਸ ਉਪਰਾਲੇ ਦੀ ਸਾਰਿਆਂ ਨੇ ਸ਼ਲਾਘਾ ਕੀਤੀ।
ਗੁਜਰਾਤ ਦੇ ਕੱਛ ਸਥਿਤ ਮੁੰਦਰਾ ਕਸਬੇ ਵਿੱਚ ਰਹਿਣ ਵਾਲੇ ਇਬਰਾਹਿਮ ਦੀ ਮਾਂ ਨੇ ਆਪਣੀ ਇੱਛਾ ਜ਼ਾਹਰ ਕੀਤੀ ਸੀ ਕਿ ਉਹ ਤਾਜ ਮਹਿਲ ਦੇਖਣਾ ਚਾਹੁੰਦੀ ਹੈ। ਮਾਂ ਦੀ ਇੱਛਾ ਪੂਰੀ ਕਰਨ ਲਈ ਉਨ੍ਹਾਂ ਨੇ ਕਰੀਬ 1000 ਕਿਲੋਮੀਟਰ ਦਾ ਸਫ਼ਰ ਤੈਅ ਕੀਤਾ। ਸੋਮਵਾਰ ਨੂੰ ਉਹ ਆਪਣੀ ਮਾਂ ਨਾਲ ਤਾਜ ਮਹਿਲ ਕੰਪਲੈਕਸ ਪਹੁੰਚੇ।
ਇਹ ਵੀ ਪੜ੍ਹੋ: ਸਾਨੂੰ ਖ਼ਦਸ਼ਾ ਹੈ ਕਿ ਅੰਮ੍ਰਿਤਪਾਲ ਸਿੰਘ ਦੀ ਜਾਨ ਨੂੰ ਖ਼ਤਰਾ ਹੈ : ਤਰਸੇਮ ਸਿੰਘ
ਇਬਰਾਹਿਮ ਨੇ ਦੱਸਿਆ ਕਿ ਉਸ ਦੀ ਮਾਂ ਰਜ਼ੀਆ ਬੇਨ 32 ਸਾਲਾਂ ਤੋਂ ਪਿੱਠ ਦੀ ਸਮੱਸਿਆ ਤੋਂ ਪੀੜਤ ਸੀ। ਉਹ ਵ੍ਹੀਲ ਚੇਅਰ 'ਤੇ ਹੈ। ਅਜਿਹੇ 'ਚ ਉਨ੍ਹਾਂ ਨੇ ਮਾਂ ਨੂੰ ਤਾਜ ਮਹਿਲ ਤੱਕ ਲਿਜਾਣ ਲਈ ਇਕ ਖਾਸ ਸਟ੍ਰੈਚਰ ਤਿਆਰ ਕਰਵਾਇਆ, ਜਿਸ ਨਾਲ ਮਾਂ ਨੂੰ ਕਿਸੇ ਤਰ੍ਹਾਂ ਦੀ ਪਰੇਸ਼ਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ ਅਤੇ ਯਾਤਰਾ ਵੀ ਆਸਾਨ ਹੋ ਸਕੇ।
ਇੱਥੇ ਉਸ ਨੇ ਸਟਰੈਚਰ 'ਤੇ ਲੇਟ ਕੇ ਹੀ ਤਾਜ ਮਹਿਲ ਦੇਖਿਆ। ਤਾਜ ਦੇਖ ਕੇ ਉਹ ਖੁਸ਼ ਹੋ ਗਈ। ਉਨ੍ਹਾਂ ਆਪਣੇ ਬੇਟੇ ਅਤੇ ਨੂੰਹ ਅਤੇ ਤਾਜ ਮਹਿਲ ਵਿਖੇ ਤਾਇਨਾਤ ਸਟਾਫ਼ ਵੱਲੋਂ ਦਿੱਤੇ ਸਹਿਯੋਗ ਦੀ ਸ਼ਲਾਘਾ ਕੀਤੀ। ਇਬਰਾਹਿਮ ਨੇ ਦੱਸਿਆ ਕਿ ਉਸ ਦੀ ਮਾਂ ਦੀ ਕਮਰ ਦਾ ਆਪਰੇਸ਼ਨ ਹੋਇਆ ਸੀ। ਪਰ, ਅਪਰੇਸ਼ਨ ਸਫਲ ਨਹੀਂ ਹੋ ਸਕਿਆ।
ਇਬਰਾਹਿਮ ਨੇ ਦੱਸਿਆ ਕਿ ਉਸ ਦੀ ਮਾਂ ਪਿਛਲੇ 32 ਸਾਲਾਂ ਤੋਂ ਇਸ ਹਾਲਤ 'ਚ ਹੈ। ਇੱਥੋਂ ਤੱਕ ਕਿ ਉਹ ਬੈਠ ਵੀ ਨਹੀਂ ਸਕਦੀ। ਇਸ ਕਾਰਨ ਉਸ ਨੇ ਵ੍ਹੀਲ ਚੇਅਰ 'ਤੇ ਸਟਰੈਚਰ ਫਿੱਟ ਕਰਵਾ ਲਿਆ। ਉਹ ਜਿੱਥੇ ਵੀ ਜਾਂਦਾ ਹੈ, ਉਸ ਨੂੰ ਸਟ੍ਰੈਚਰ 'ਤੇ ਲਿਜਾਇਆ ਜਾਂਦਾ ਹੈ।
