ਨਾ ਗੱਡੀ, ਨਾ ਪੈਸੇ, 25 ਦਿਨਾਂ ‘ਚ 2800 ਕਿਮੀ ਸਫਰ ਤੈਅ ਕਰਕੇ ਘਰ ਪਹੁੰਚਿਆ ਵਿਅਕਤੀ
Published : Apr 21, 2020, 3:58 pm IST
Updated : Apr 21, 2020, 3:58 pm IST
SHARE ARTICLE
Photo
Photo

ਗੁਜਰਾਤ ਤੋਂ ਅਸਮ ਤੱਕ ਤੈਅ ਕੀਤੀ ਲੰਬੀ ਦੂਰੀ, ਰਾਸਤੇ ਵਿਚ ਲੁੱਟ ਦਾ ਹੋਇਆ ਸ਼ਿਕਾਰ

ਗੁਜਰਾਤ: ਅਸਮ ਦੇ ਨੌਗਾਂਵ ਜ਼ਿਲ੍ਹੇ ਦੇ ਰਹਿਣ ਵਾਲੇ 46 ਸਾਲ ਦੇ ਜਾਧਵ ਗੋਗੋਈ ਕੰਮ ਦੀ ਭਾਲ ਵਿਚ ਗੁਜਰਾਤ ਪਹੁੰਚੇ ਸੀ। ਉਥੇ ਉਹ ਗੁਜਰਾਤ ਦੇ ਉਦਯੋਗਿਕ ਸ਼ਹਿਰ ਵਾਪੀ ਵਿਚ ਮਜ਼ਦੂਰ ਵਜੋਂ ਕੰਮ ਕਰਦੇ ਸੀ। ਜਦੋਂ 25 ਮਾਰਚ ਤੋਂ ਤਾਲਾਬੰਦੀ ਦਾ ਐਲਾਨ ਕੀਤਾ ਗਿਆ ਤਾਂ ਉਹਨਾਂ ਨੂੰ ਵੀ ਕੰਮ ਤੋਂ ਕੱਢ ਦਿੱਤਾ ਗਿਆ।

File PhotoFile Photo

ਫਿਰ ਉਹਨਾਂ ਕੋਲ ਆਪਣੇ ਘਰ ਨੂੰ ਵਾਪਸ ਪਰਤਣ ਤੋਂ ਇਲਾਵਾ ਕੋਈ ਚਾਰਾ ਨਹੀਂ ਸੀ। 27 ਮਾਰਚ ਨੂੰ ਜਾਧਵ ਨੇ ਵਾਪੀ ਤੋਂ ਪੈਦਲ ਚੱਲਣਾ ਸ਼ੁਰੂ ਕੀਤਾ। ਰਸਤੇ ਵਿਚ ਜੇਕਰ ਉਹਨਾਂ ਨੂੰ ਕੋਈ ਐਮਰਜੈਂਸੀ ਵਾਹਨ ਮਿਲਦਾ ਤਾਂ ਉਹ ਉਸ ਨੂੰ ਬਿਠਾ ਲੈਂਦੇ ਸੀ, ਇਸ ਤਰ੍ਹਾਂ ਉਹ ਕੁਝ ਦੂਰੀ ਤੈਅ ਕਰ ਲੈਂਦੇ ਸੀ।  

File PhotoFile Photo

ਅਜਿਹਾ ਕਰਦਿਆਂ ਜਾਧਵ 25 ਦਿਨਾਂ ਵਿਚ ਨੌਗਾਂਵ ਜ਼ਿਲੇ ਦੇ ਰਾਹਾ ਖੇਤਰ ਵਿਚ ਆਪਣੇ ਘਰ ਦੇ ਨੇੜੇ ਪਹੁੰਚ ਗਏ। ਉਹ ਐਤਵਾਰ ਰਾਤ ਨੂੰ ਇਥੇ ਪਹੁੰਚੇ ਸੀ। ਜਦੋਂ ਜਾਧਵ ਨੇ ਵਾਪੀ ਤੋਂ ਪੈਦਲ ਚੱਲਣਾ ਸ਼ੁਰੂ ਕੀਤਾ ਤਾਂ ਉਹਨਾਂ ਦੀ ਜੇਬ ਵਿਚ ਸਿਰਫ 4 ਹਜ਼ਾਰ ਰੁਪਏ ਸਨ। ਘਰ ਪਹੁੰਚਣ ਦੌਰਾਨ ਉਹਨਾਂ ਨੇ ਟਰੱਕ ਵਾਲਿਆਂ ਦੀ ਮਦਦ ਲਈ, ਜੋ ਦੇਸ਼ ਵਿਚ ਜ਼ਰੂਰੀ ਸਮਾਨ ਸਪਲਾਈ ਕਰਨ ਲਈ ਸੜਕਾਂ 'ਤੇ ਦੌੜ ਰਹੇ ਸਨ।

File PhotoFile Photo

ਇਸ ਯਾਤਰਾ ਦੌਰਾਨ ਉਹਨਾਂ ਦੇ ਪੈਸੇ, ਮੋਬਾਈਲ ਅਤੇ ਹੋਰ ਸਾਮਾਨ ਵੀ ਲੁੱਟ ਲਿਆ ਗਿਆ। ਜਦੋਂ ਉਹ ਰਾਹਾ ਪਹੁੰਚੇ ਅਤੇ ਸੜਕ ਦੇ ਕਿਨਾਰੇ ਅਰਾਮ ਕਰ ਰਹੇ ਸੀ, ਤਾਂ ਸਥਾਨਕ ਲੋਕਾਂ ਨੇ ਪੁਲਿਸ ਨੂੰ ਬੁਲਾਇਆ। ਜਾਧਵ ਨੇ ਦੱਸਿਆ ਕਿ ਉਹ ਗਧਾਰੀਆ ਕਰੌਨੀ ਪਿੰਡ ਦੇ ਰਹਿਣ ਵਾਲੇ ਹਨ ਅਤੇ ਬਿਹਾਰ, ਬੰਗਾਲ ਤੋਂ ਹੁੰਦੇ ਹੋਏ ਇੱਥੇ ਪਹੁੰਚੇ ਹਨ।

File PhotoFile Photo

ਗੁਜਰਾਤ ਤੋਂ ਅਸਮ ਜਾਣ ਲਈ ਉਹਨਾਂ ਨੇ ਪੁਲਿਸ ਅਤੇ ਸਰਕਾਰੀ ਮਹਿਕਮੇ ਤੋਂ ਮਦਦ ਮੰਗੀ ਪਰ ਉਹਨਾਂ ਨੂੰ ਮਨਾ ਕਰ ਦਿੱਤਾ ਗਿਆ। ਇਸ ਤੋਂ ਬਾਅਦ ਉਹਨਾਂ ਨੇ ਪੈਦਲ ਜਾਣ ਦਾ ਫੈਸਲਾ ਕੀਤਾ। ਰਾਹਾ ਦੀ ਸਥਾਨਕ ਪੁਲਿਸ ਦੀ ਮਦਦ ਨਾਲ ਨੌਗਾਂਵ ਸਿਵਲ ਹਸਪਤਾਲ ਵਿਚ ਉਹਨਾਂ ਦਾ ਚੈੱਕਅਪ ਕਰਵਾਇਆ ਗਿਆ। ਉਹਨਾਂ ਦੀ ਹਾਲਤ ਠੀਕ ਹੈ ਪਰ ਦੂਜੇ ਰਾਜ ਤੋਂ ਆਉਣ ਕਾਰਨ ਉਹਨਾਂ ਨੂੰ 14 ਦਿਨ ਲਈ ਕੁਆਰੰਟੀਨ ਕਰ ਦਿੱਤਾ ਗਿਆ ਹੈ।

Location: India, Assam

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Indira Gandhi ਦੇ ਗੁਨਾਹ Rahul Gandhi ਕਿਉਂ ਭੁਗਤੇ' ਉਹ ਤਾਂ ਬੱਚਾ ਸੀ,SGPC ਮੈਂਬਰ ਰਾਹੁਲ ਗਾਂਧੀ ਦੇ ਹੱਕ ‘ਚ ਆਏ..

18 Sep 2025 3:16 PM

Bhai Baldev Singh Wadala meet Harvir Father: ਅਸੀਂ Parvasi ਦੇ ਨਾਂਅ 'ਤੇ ਪੰਜਾਬ 'ਚ ਅਪਰਾਧੀ ਨਹੀਂ ਰਹਿਣ ਦੇਣੇ

18 Sep 2025 3:15 PM

Nepal, Bangladesh, Sri Lanka ਚ ਤਖ਼ਤਾ ਪਲਟ ਤੋਂ ਬਾਅਦ ਅਗਲਾ ਨੰਬਰ ਕਿਸ ਦਾ? Nepal Gen-Z protests | Corruption

17 Sep 2025 3:21 PM

Kapurthala migrant grabs sikh beard : Parvasi ਦਾ Sardar ਨਾਲ ਪੈ ਗਿਆ ਪੰਗਾ | Sikh Fight With migrant

17 Sep 2025 3:21 PM

Advocate Sunil Mallan Statement on Leaders and Migrants: ਲੀਡਰਾਂ ਨੇ ਸਾਰੇ ਪ੍ਰਵਾਸੀਆਂ ਦੀਆਂ ਬਣਵਾਈਆਂ ਵੋਟਾਂ

15 Sep 2025 3:01 PM
Advertisement