ਬਰਗਰ 'ਚੋਂ ਕੱਚ ਦੇ ਟੁਕੜੇ ਮਿਲੇ, ਮਾਮਲਾ ਦਰਜ

ਪੁਣੇ : ਮਹਾਰਾਸ਼ਟਰ ਦੇ ਪੁਣੇ 'ਚ ਬਰਗਰ ਕਿੰਗ ਦੇ ਆਊਟਲੈਟ 'ਚੋਂ ਬਰਗਰ ਖ਼ਰੀਦਣ ਵਾਲੇ ਇਕ ਗਾਹਕ ਨੇ ਪੁਲਿਸ ਥਾਣੇ 'ਚ ਸ਼ਿਕਾਇਤ ਦਰਜ ਕਰਵਾਈ ਹੈ। ਉਸ ਦਾ ਦੋਸ਼ ਹੈ ਕਿ ਪਿਛਲੇ ਹਫ਼ਤੇ ਉਸ ਦੇ ਬਰਗਰ 'ਚੋਂ ਕੱਚ ਦੇ ਟੁਕੜੇ ਮਿਲੇ ਸਨ। ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।

Burger King

ਸ਼ਿਕਾਇਤਕਰਤਾ 31 ਸਾਲਾ ਸਾਜ਼ਿਦ ਪਠਾਨ ਪੇਸ਼ੇ ਤੋਂ ਆਟੋ ਡਰਾਈਵਰ ਹੈ। ਉਹ ਆਪਣੇ ਦੋਸਤਾਂ ਨਾਲ ਪਿਛਲੇ ਬੁਧਵਾਰ ਐਫ.ਸੀ. ਰੋਡ 'ਤੇ ਸਥਿਤ ਬਰਗਰ ਕਿੰਗ ਦੇ ਆਊਟਲੈਟ 'ਤੇ ਲੰਚ ਲਈ ਗਿਆ ਸੀ। ਉਸ ਨੇ ਆਪਣੇ ਸਾਰੇ ਦੋਸਤਾਂ ਲਈ ਬਰਗਰ, ਫਰਾਈਜ਼ ਅਤੇ ਕੋਲਡ ਡਰਿੰਕ ਦਾ ਆਰਡਰ ਦਿੱਤਾ। ਉਸ ਨੇ ਜਿਵੇਂ ਹੀ ਬਰਗਰ ਖਾਧਾ, ਅਚਾਨਕ ਉਸ ਦਾ ਦਮ ਘੁਟਣ ਲੱਗਾ। ਉਸ ਨੇ ਗਲੇ 'ਚ ਦਰਦ ਦੀ ਸ਼ਿਕਾਇਤ ਕੀਤੀ ਅਤੇ ਖ਼ੂਨ ਨਿਕਲਣ ਲੱਗਾ।

Sajid Pathan

ਪਠਾਨ ਦੇ ਦੋਸਤਾਂ ਨੂੰ ਸ਼ੱਕ ਹੋਇਆ ਕਿ ਉਸ ਦੇ ਗਲੇ 'ਚ ਕੁਝ ਫਸ ਗਿਆ ਹੈ। ਜਦੋਂ ਉਨ੍ਹਾਂ ਨੇ ਬਰਗਰ ਦੀ ਜਾਂਚ ਕੀਤੀ ਤਾਂ ਉਸ 'ਚ ਕਥਿਤ ਤੌਰ 'ਤੇ ਕੱਚ ਦੇ ਟੁਕੜੇ ਮਿਲੇ। ਪਠਾਨ ਦੇ ਦੋਸਤ ਉਸ ਨੂੰ ਤੁਰੰਤ ਹਸਪਤਾਲ ਲੈ ਗਏ। ਇਲਾਜ ਦੌਰਾਨ ਉਸ ਦੇ 15000 ਰੁਪਏ ਖ਼ਰਚ ਹੋ ਗਏ। ਇਸ ਘਟਨਾ ਬਾਰੇ ਬਰਗਰ ਕਿੰਗ ਦੇ ਮੈਨੇਜਰ ਸਿਧਾਰਥ ਨੇ ਕਿਹਾ ਕਿ ਉਸ ਨੂੰ ਘਟਨਾ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ, ਕਿਉਂਕਿ ਉਹ ਉਸ ਸਮੇਂ ਛੁੱਟੀ 'ਤੇ ਸੀ। 

Burger

ਪੁਲਿਸ ਨੇ ਦੱਸਿਆ ਕਿ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਪੀੜਤ ਦੀ ਸ਼ਿਕਾਇਤ ਅਤੇ ਮੈਡੀਕਲ ਰਿਪੋਰਟ ਦੇ ਆਧਾਰ 'ਤੇ ਧਾਰਕ 337 ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।