ਅੰਤਰਰਾਸ਼ਟਰੀ ਯੋਗ ਦਿਵਸ ਮੌਕੇ ਪੀਐਮ ਮੋਦੀ ਨੇ ਕਿਹਾ, "ਮੈਂ ਚਾਹੁੰਦਾ ਹਾਂ ਕਿ ਹਰ ਦੇਸ਼, ਹਰ ਸਮਾਜ, ਹਰ ਵਿਅਕਤੀ ਤੰਦਰੁਸਤ ਰਹੇ, ਅਤੇ ਮਿਲ ਕੇ ਇਕ-ਦੂਸਰੇ ਦੀ ਤਾਕਤ ਬਣੇ।"
ਨਵੀਂ ਦਿੱਲੀ: ਅੱਜ ਸੱਤਵੇਂ ਅੰਤਰਰਾਸ਼ਟਰੀ ਯੋਗ ਦਿਵਸ ਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੇਸ਼ ਨੂੰ ਸੰਬੋਧਨ (PM Modi address 7th International Yoga Day) ਕਰਦਿਆਂ ਸਭ ਨੂੰ ਵਧਾਈ ਦਿੱਤੀ। ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਅੱਜ ਜਦ ਪੂਰੀ ਦੁਨਿਆ ਕੋਰੋਨਾ ਮਹਾਂਮਾਰੀ (Coronavirus) ਨਾਲ ਸੰਘਰਸ਼ ਕਰ ਰਹੀ ਹੈ ਤਾਂ ਯੋਗ (Yoga) ਇਕ ਉਮੀਦ ਦੀ ਕਿਰਨ ਬਣਿਆ ਹੈ।
ਹੋਰ ਪੜ੍ਹੋ: ਅੰਮ੍ਰਿਤਸਰ ਪਹੁੰਚੇ ਅਰਵਿੰਦ ਕੇਜਰੀਵਾਲ, ਅਕਾਲੀ ਦਲ ਵੱਲੋਂ ਕਾਲੀਆਂ ਝੰਡੀਆਂ ਦਿਖਾ ਕੀਤਾ ਗਿਆ ਵਿਰੋਧ
International Yoga Day
ਉਨ੍ਹਾਂ ਕਿਹਾ ਕਿ, "ਜਦ ਕੋਰੋਨਾ ਵਾਈਰਸ ਨੇ ਦੁਨਿਆ 'ਚ ਦਸਤਕ ਦਿੱਤੀ ਸੀ, ਤਦ ਕੋਈ ਵੀ ਤਾਕਤ ਅਤੇ ਮਾਨਸਿਕ ਤੌਰ 'ਤੇ ਇਸ ਦੇ ਲਈ ਤਿਆਰ ਨਹੀਂ ਸੀ। ਅਸੀਂ ਸਭ ਨੇ ਦੇਖਿਆ ਹੈ ਕਿ ਯੋਗ ਇਸ ਮੁਸ਼ਕਿਲ ਸਮੇਂ 'ਚ ਆਤਮਵਿਸ਼ਵਾਸ ਦਾ ਇਕ ਮਹਾਨ ਸਾਧਨ ਬਣਿਆ।" ਪੀਐਮ ਮੋਦੀ ਨੇ ਕਿਹਾ ਕਿ ਜਦ ਭਾਰਤ ਨੇ ਸੰਯੁਕਤ ਰਾਸ਼ਟਰ (United Nations) ਵਿਚ ਰਾਸ਼ਟਰੀ ਯੋਗ ਦਿਵਸ ਦਾ ਪ੍ਰਸਤਾਵ ਦਿੱਤਾ ਸੀ, ਤਾਂ ਉਸ ਪਿਛੇ ਭਾਵਨਾ ਇਹ ਸੀ ਕਿ ਯੋਗ ਦਾ ਇਹ ਵਿਗਿਆਨ ਪੂਰੀ ਦੁਨਿਆ ਤੱਕ ਪਹੁੰਚਾਇਆ ਜਾ ਸਕੇ। ਅੱਜ ਇਸ ਦਿਸ਼ਾ 'ਚ ਭਾਰਤ ਨੇ UN, WHO ਨਾਲ ਮਿਲ ਕੇ ਇਕ ਹੋਰ ਮਹੱਤਵਪੂਰਨ ਕਦਮ ਚੁਕਿਆ ਹੈ।
ਹੋਰ ਪੜ੍ਹੋ: "ਵਿਰੋਧੀ ਪਾਰਟੀਆਂ ਪ੍ਰੋਗਰਾਮ 'ਚ ਗੜਬੜੀ ਫ਼ੈਲਾਉਣ ਦੀਆਂ ਕੋਸ਼ਿਸ਼ਾਂ ਕਰ ਰਹੀਆਂ ਹਨ" - Raghav Chadha
PM Narendra Modi
ਪ੍ਰਧਾਨ ਮੰਤਰੀ ਅਗੇ ਕਹਿੰਦੇ ਹਨ ਕਿ, "ਕੋਰੋਨਾ ਸੰਕਟ ਦੇ ਬਾਵਜੂਦ ਇਸ ਵਾਰ ਦੇ ਯੋਗਾ ਦਿਵਸ ਦੀ ਥੀਮ 'ਯੋਗਾ ਫਾਰ ਵੈਲਨੈਸ' (Yoga for Wellness) ਨੇ ਕਰੋੜਾਂ ਲੋਕਾਂ ਦਾ ਯੋਗਾ ਪ੍ਰਤੀ ਉਤਸ਼ਾਹ ਵਧਾਇਆ ਹੈ। ਅੱਜ ਯੋਗਾ ਦਿਵਸ ਮੌਕੇ ਮੈਂ ਚਾਹੁੰਦਾ ਹਾਂ ਕਿ ਹਰ ਦੇਸ਼, ਹਰ ਸਮਾਜ, ਹਰ ਵਿਅਕਤੀ ਤੰਦਰੁਸਤ ਰਹੇ, ਅਤੇ ਮਿਲ ਕੇ ਇਕ ਦੂਸਰੇ ਦੀ ਤਾਕਤ ਬਣਨ।
ਹੋਰ ਪੜ੍ਹੋ: ਕੇਜਰੀਵਾਲ ਦੇ ਪੰਜਾਬ ਪਹੁੰਚਣ ਤੋਂ ਪਹਿਲਾਂ ਹੀ ਲੱਗੇ 'Kejriwal Go Back' ਦੇ ਪੋਸਟਰ
International Yoga Day
ਪੀਐਮ ਮੋਦੀ ਨੇ ਕਿਹਾ ਕਿ ਯੋਗਾ ਜ਼ਰੀਏ ਸਾਨੂੰ ਇਹ ਅਨੁਭਵ ਹੁੰਦਾ ਹੈ ਕਿ ਸਾਡੀ ਵਿਚਾਰ ਸ਼ਕਤੀ, ਅੰਦਰੂਨੀ ਤਾਕਤ ਇੰਨੀ ਜ਼ਿਆਦਾ ਹੈ ਕਿ ਕੋਈ ਸਮੱਸਿਆ ਜਾਂ ਨਾਕਾਰਾਤਮਕਤਾ ਸਾਨੂੰ ਤੋੜ ਨਹੀਂ ਸਕਦੀ। ਉਹਨਾਂ ਕਿਹਾ ਕਿ ਯੋਗ ਸਾਨੂੰ ਤਣਾਅ ਤੋਂ ਤਾਕਤ (Stress to Strength) ਅਤੇ ਨਾਕਾਰਾਤਮਕਤਾ ਤੋਂ ਰਚਨਾਤਮਕਤਾ (Negativity to Creativity) ਵੱਲ ਦਾ ਰਸਤਾ ਦਿਖਾਉਂਦਾ ਹੈ। ਯੋਗ ਸਾਨੂੰ ਉਦਾਸੀ ਤੋਂ ਆਨੰਦ ਵੱਲ ਲੈ ਜਾਂਦਾ ਹੈ।
ਹੋਰ ਪੜ੍ਹੋ: ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਹਿੰਦੀ ਅਨੁਵਾਦ ਕਰਨ ਵਾਲੇ ਡਾ. ਜੋਧ ਸਿੰਘ ਦਾ ਦੇਹਾਂਤ
ਪੀਐਮ ਨੇ ਇਹ ਵੀ ਦੱਸਿਆ ਕਿ ਜਦ ਮੈਂ ਫਰੰਟ ਲਾਈਨ ਯੋਧਿਆਂ (Frontline Warriors) ਅਤੇ ਡਾਕਟਰਾਂ ਨਾਲ ਗੱਲ ਕਰਦਾ ਹਾਂ, ਤਾਂ ਉਹ ਦੱਸਦੇ ਹਨ ਕਿ ਕੋਰੋਨਾ ਖ਼ਿਲਾਫ ਲੜਾਈ ਵਿੱਚ ਯੋਗ ਨੇ ਵੀ ਉਨ੍ਹਾਂ ਦੀ ਬਹੁਤ ਮਦਦ ਕੀਤੀ ਹੈ। ਡਾਕਟਰਾਂ ਨੇ ਯੋਗਾ ਰਾਹੀਂ ਖੁਦ ਨੂੰ ਵੀ ਮਜ਼ਬੂਤ ਕੀਤਾ ਅਤੇ ਆਪਣੇ ਮਰੀਜ਼ਾਂ ਨੂੰ ਵੀ ਜਲਦੀ ਠੀਕ ਕਰਨ ਵਿਚ ਯੋਗਾ ਦੀ ਸਹਾਇਤਾ ਲਈ।
