Sikkim News : ਯਾਤਰੀ ਕੂੜਾ ਸੁੱਟਣ ਲਈ ਖੁਦ ਦੇ ਥੈਲੇ ਦੀ ਕਰੇ ਵਰਤੋਂ , ਉਲੰਘਣਾ ਕਰਨ ਵਾਲੇ ਵਾਹਨਾਂ ਨੂੰ ਹੋਵੇਗੀ ਸਜ਼ਾ
Sikkim News : ਸਿੱਕਮ ਵਿਚ ਦਾਖ਼ਲ ਹੋਣ ਵਾਲੇ ਸਾਰੇ ਯਾਤਰੀ ਵਾਹਨਾਂ ਨੂੰ ਹੁਣ ਕੂੜਾ ਸੁੱਟਣ ਲਈ ਬੈਗ ਲਾਜ਼ਮੀ ਤੌਰ 'ਤੇ ਚੁੱਕਣਾ ਹੋਵੇਗਾ। ਸੈਰ ਸਪਾਟਾ ਅਤੇ ਸ਼ਹਿਰੀ ਹਵਾਬਾਜ਼ੀ ਵਿਭਾਗ ਵੱਲੋਂ ਜਾਰੀ ਹੁਕਮਾਂ ’ਚ ਕਿਹਾ ਗਿਆ ਹੈ ਕਿ ਇਹ ਫੈਸਲਾ ਵਾਤਾਵਰਨ ਸਥਿਰਤਾ ਦੇ ਟੀਚੇ ਨੂੰ ਪ੍ਰਾਪਤ ਕਰਨ ਲਈ ਭਾਈਚਾਰਕ ਸਾਂਝ ਨੂੰ ਯਕੀਨੀ ਬਣਾਉਣ ਲਈ ਲਿਆ ਗਿਆ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਯਾਤਰੀਆਂ ਨੂੰ ਬੈਗਾਂ ਵਿਚ ਕੂੜਾ ਸੁੱਟਣ ਲਈ ਕਹਿਣ ਦੀ ਜ਼ਿੰਮੇਵਾਰੀ ਟੂਰ ਆਪਰੇਟਰਾਂ, ਟਰੈਵਲ ਏਜੰਸੀਆਂ ਅਤੇ ਵਾਹਨ ਚਾਲਕਾਂ ਦੀ ਹੋਵੇਗੀ।
ਇਹ ਵੀ ਪੜੋ: Fazilka News : ਫਾਜ਼ਿਲਕਾ 'ਚ ਪਤੀ ਨੇ ਬੇਹਿਰਮੀ ਨਾਲ ਪਤਨੀ ਦਾ ਕੀਤਾ ਕਤਲ
ਵਿਭਾਗ ਨੇ ਕਿਹਾ ਕਿ ਇਸ ਹੁਕਮ ਦੀ ਪਾਲਣਾ ਨੂੰ ਯਕੀਨੀ ਬਣਾਉਣ ਲਈ ਸੈਲਾਨੀਆਂ ਦੇ ਵਾਹਨਾਂ ਦੀ ਅਚਨਚੇਤ ਚੈਕਿੰਗ ਕੀਤੀ ਜਾਵੇਗੀ ਅਤੇ ਹੁਕਮਾਂ ਦੀ ਉਲੰਘਣਾ ਕਰਨ ਵਾਲੇ ਵਾਹਨਾਂ ਨੂੰ ਸਜ਼ਾ ਦਿੱਤੀ ਜਾਵੇਗੀ।
ਇਹ ਵੀ ਪੜੋ: Delhi News : ਟੀਮ ਇੰਡੀਆ ਸਿਰਫ਼ ਮੈਚ ਹੀ ਨਹੀਂ ਦਿਲ ਵੀ ਜਿੱਤ ਰਹੀ ਹੈ, ਜਾਣੋ ਪੂਰਾ ਮਾਮਲਾ
ਅਧਿਕਾਰੀਆਂ ਨੇ ਕਿਹਾ ਕਿ ਸੈਲਾਨੀਆਂ ਨੂੰ ਰਹਿੰਦ-ਖੂੰਹਦ ਪ੍ਰਬੰਧਨ ਅਤੇ ਵਾਤਾਵਰਣ ਦੀ ਸਥਿਰਤਾ ਬਾਰੇ ਜਾਗਰੂਕ ਕਰਨ ਲਈ ਸਫਾਈ ਜਾਗਰੂਕਤਾ ਮੁਹਿੰਮਾਂ ਚਲਾਈਆਂ ਜਾ ਰਹੀਆਂ ਹਨ।
ਉਨ੍ਹਾਂ ਕਿਹਾ ਕਿ ਸਿੱਕਮ ਵਿੱਚ6 ਲੱਖ ਤੋਂ ਵੱਧ ਲੋਕ ਰਹਿੰਦੇ ਹਨ ਅਤੇ ਇਹ ਭਾਰਤ ਦਾ ਸਭ ਤੋਂ ਘੱਟ ਆਬਾਦੀ ਵਾਲਾ ਸੂਬਾ ਹੈ। ਰਾਜ ਦੇ ਸੁੰਦਰ ਹਿਮਾਲੀਅਨ ਸਥਾਨਾਂ ਦਾ ਦੌਰਾ ਹਰ ਸਾਲ 20 ਲੱਖ ਤੋਂ ਵੱਧ ਸੈਲਾਨੀ ਕਰਦੇ ਹਨ।
(For more news apart from Sikkim to keep bags in the vehicles mandatory for tourists going News in Punjabi, stay tuned to Rozana Spokesman)
