ਮੁਰਸ਼ਿਦਾਬਾਦ ਪੁਲਿਸ ਨੇ ਇਕ ਸਥਾਨਕ ਭਾਜਪਾ ਵਰਕਰ ਅਤੇ ਉਹਨਾਂ ਦੇ ਪੰਜ ਸਾਥੀਆਂ ਨੂੰ ਹਿਰਾਸਤ ਵਿਚ ਲਿਆ ਹੈ।
ਕੋਲਕਾਤਾ: ਮੁਰਸ਼ਿਦਾਬਾਦ ਪੁਲਿਸ ਨੇ ਇਕ ਸਥਾਨਕ ਭਾਜਪਾ ਵਰਕਰ ਅਤੇ ਉਹਨਾਂ ਦੇ ਪੰਜ ਸਾਥੀਆਂ ਨੂੰ ਹਿਰਾਸਤ ਵਿਚ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਭਾਜਪਾ ਵਰਕਰ ਅਤੇ ਉਹਨਾਂ ਦੇ ਸਾਥੀ ਟੋਪੀਆਂ ਪਾ ਕੇ ਟਰੇਨ ‘ਤੇ ਪੱਥਰ ਸੁੱਟ ਰਹੇ ਸੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਪੁਲਿਸ ਨੇ ਦੱਸਿਆ ਕਿ ਸਥਾਨਕ ਲੋਕਾਂ ਨੇ ਉਹਨਾਂ ਨੂੰ ਕਥਿਤ ਤੌਰ ‘ਤੇ ਟਰੇਨ ‘ਤੇ ਪੱਥਰ ਸੁੱਟਦੇ ਹੋਏ ਫੜਿਆ ਸੀ।
BJP
ਮੁਰਸ਼ਿਦਾਬਾਦ ਪੁਲਿਸ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਸਥਾਨਕ ਪਿੰਡ ਦੇ ਲੋਕਾਂ ਨੇ ਰੇਲਵੇ ਲਾਈਨ ‘ਤੇ ਜਾ ਰਹੇ ਇਕ ਟ੍ਰਾਇਲ ਇੰਜਣ ‘ਤੇ ਛੇ ਲੜਕਿਆਂ ਨੂੰ ਪੱਥਰ ਸੁੱਟਦੇ ਦੇਖਿਆ ਅਤੇ ਇਹਨਾਂ ਨੂੰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ। ਉਹਨਾਂ ਨੇ ਦੱਸਿਆ ਕਿ ਇਹਨਾਂ ਛੇ ਲੋਕਾਂ ਵਿਚ ਇਕ ਸਥਾਨਕ ਭਾਜਪਾ ਵਰਕਰ ਅਭਿਸ਼ੇਕ ਸਰਕਾਰ ਵੀ ਸ਼ਾਮਲ ਹਨ।
File Photo
ਮੁਰਸ਼ਿਦਾਬਾਦ ਦੇ ਜ਼ਿਲ੍ਹਾ ਪੁਲਿਸ ਪੁਲਿਸ ਮੁਕੇਸ਼ ਨੇ ਦੱਸਿਆ, ‘ਇਹਨਾਂ ਲੜਕਿਆਂ ਨੇ ਦਾਅਵਾ ਕੀਤਾ ਕਿ ਉਹ ਅਪਣੇ ਯੂਟਿਊਬ ਚੈਨਲ ਲਈ ਬਣਾਈ ਜਾ ਰਹੇ ਵੀਡੀਓ ਲਈ ਟੋਪੀ ਪਹਿਨ ਕੇ ਸ਼ੂਟਿੰਗ ਕਰ ਰਹੇ ਸੀ ਪਰ ਅਜਿਹਾ ਕੋਈ ਯੂਟਿਊਬ ਚੈਨਲ ਹੈ ਉਹ ਇਹ ਸਾਬਿਤ ਨਹੀਂ ਕਰ ਸਕੇ’। ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਅਭਿਸ਼ੇਕ ਭਾਜਪਾ ਦੀਆਂ ਸਾਰੀਆਂ ਸਥਾਨਕ ਰੈਲੀਆਂ ਵਿਚ ਅੱਗੇ ਰਹਿੰਦਾ ਹੈ।
Mamta Benerjee
ਸੂਤਰਾਂ ਅਨੁਸਾਰ ਇਸ ਸਮੂਹ ਵਿਚ ਇਕ ਸੱਤਵਾਂ ਮੈਂਬਰ ਵੀ ਸੀ ਜੋ ਉੱਥੋਂ ਭੱਜ ਗਿਆ ਸੀ। ਸਥਾਨਕ ਭਾਜਪਾ ਸੂਤਰਾਂ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ ਕਿ ਅਭਿਸ਼ੇਕ ਪਾਰਟੀ ਦਾ ਮੈਂਬਰ ਹੈ ਪਰ ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਗੌਰੀਸ਼ੰਕਰ ਘੋਸ਼ ਦਾ ਦਾ ਕਹਿਣਾ ਹੈ ਕਿ ਅਜਿਹਾ ਨਹੀਂ ਹੈ। ਉਹਨਾਂ ਕਿਹਾ ਕਿ, ‘ਉਹ ਸਾਡੀ ਪਾਰਟੀ ਦਾ ਮੈਂਬਰ ਨਹੀਂ ਹੈ।
Muslim
ਵੀਰਵਾਰ ਨੂੰ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਬਿਨਾਂ ਕਿਸੇ ਘਟਨਾ ਦਾ ਜ਼ਿਕਰ ਕੀਤੇ ਕਿਹਾ ਕਿ ਭਾਜਪਾ ਅਪਣੇ ਵਰਕਰਾਂ ਲਈ ਟੋਪੀਆਂ ਖਰੀਦ ਰਹੀ ਹੈ, ਜਿਸ ਨੂੰ ਪਾ ਕੇ ਉਹ ਹਿੰਸਾ ਫੈਲਾਅ ਰਹੇ ਹਨ ਅਤੇ ਇਲਜ਼ਾਮ ਕਿਸੇ ਹੋਰ ਭਾਈਚਾਰੇ ‘ਤੇ ਆ ਜਾਵੇ। ਉਹਨਾਂ ਨੇ ਕਿਹਾ ਸੀ, ‘ਭਾਜਪਾ ਦੇ ਜਾਲ ਵਿਚ ਨਾ ਫਸਿਓ, ਉਹ ਇਸ ਨੂੰ ਪੂਰੀ ਤਰ੍ਹਾਂ ਹਿੰਦੂ-ਮੁਸਲਿਮ ਦੀ ਲੜਾਈ ਵਿਚ ਬਦਲਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਜਦਕਿ ਅਜਿਹਾ ਕੁਝ ਨਹੀਂ ਹੈ...ਸਾਨੂੰ ਇਹ ਸੂਚਨਾ ਮਿਲੀ ਹੈ ਕਿ ਭਾਜਪਾ ਅਪਣੇ ਵਰਕਰਾਂ ਲਈ ਟੋਪੀਆਂ ਖਰੀਦ ਰਹੀ ਹੈ।
CAA Protest
ਉਹ...ਇਕ ਭਾਈਚਾਰੇ ਨੂੰ ਬਦਨਾਮ ਕਰਨ ਲਈ ਅਜਿਹਾ ਕਰ ਰਹੇ ਹਨ’। ਦੱਸ ਦਈਏ ਕਿ ਦੇਸ਼ ਭਰ ਵਿਚ ਨਾਗਰਿਕਤ ਸੋਧ ਕਾਨੂੰਨ ਨੂੰ ਲੈ ਕੇ ਵਿਰੋਧ ਪ੍ਰਦਰਸ਼ਨ ਚੱਲ ਰਿਹਾ ਹੈ। ਬੀਤੇ ਹਫਤੇ ਝਾਰਖੰਡ ਵਿਚ ਹੋਈ ਇਕ ਚੋਣ ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਪੀਐਮ ਮੋਦੀ ਨੇ ਕਿਹਾ ਸੀ ਕਿ ਇਹ ਜੋ ਅੱਗ ਲਗਾ ਰਹੇ ਹਨ, ਇਹ ਕੌਣ ਹਨ ਉਹਨਾਂ ਦੇ ਕੱਪੜਿਆਂ ਤੋਂ ਹੀ ਪਤਾ ਚੱਲ ਜਾਂਦਾ ਹੈ।
