24 ਤੋਂ ਸ਼ੁਰੂ ਹੋਵੇਗੀ ਟੀ-20 ਸੀਰੀਜ਼
ਨਵੀਂ ਦਿੱਲੀ : ਆਸਟਰੇਲੀਆ ਨੂੰ ਵਨ ਡੇ ਸੀਰੀਜ਼ 'ਚ 2-1 ਨਾਲ ਹਰਾਉਣ ਤੋਂ ਬਾਅਦ ਹੁਣ ਭਾਰਤ ਨੇ ਨਿਊਜ਼ੀਲੈਂਡ ਲਈ ਤਿਆਰੀ ਸ਼ੁਰੂ ਕਰ ਦਿਤੀ ਹੈ। ਨਿਊਜ਼ੀਲੈਂਡ ਅਤੇ ਭਾਰਤ ਵਿਚਾਲੇ ਟੀ-20 ਸੀਰੀਜ਼ ਦੀ ਸ਼ੁਰੂਆਤ 24 ਜਨਵਰੀ ਤੋਂ ਹੋ ਰਹੀ ਹੈ।
Photo
ਦੋਵਾਂ ਟੀਮਾਂ ਵਿਚਾਲੇ 5 ਮੈਚਾਂ ਦੀ ਸੀਰੀਜ਼ ਹੋਣ ਵਾਲੀ ਹੈ। ਭਾਰਤ ਨੇ ਹੁਣ ਤਕ ਨਿਊਜ਼ੀਲੈਂਡ 'ਚ ਕੋਈ ਟੀ-20 ਸੀਰੀਜ਼ ਨਹੀਂ ਜਿੱਤੀ ਹੈ। ਇਸ ਵਜ੍ਹਾ ਨਾਲ ਇਹ ਦੌਰਾ ਕਾਫ਼ੀ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ। ਇਸਦੇ ਨਾਲ ਹੀ ਇਸ ਸੀਰੀਜ਼ ਦਾ ਟੀ-20 ਟੀਮ ਰੈਂਕਿੰਗ 'ਤੇ ਵੀ ਕਾਫ਼ੀ ਅਸਰ ਪੈ ਸਕਦਾ ਹੈ।
Photo
ਭਾਰਤ ਆਈ. ਸੀ. ਸੀ. ਟੀ-20 ਰੈਂਕਿੰਗ 'ਚ 260 ਅੰਕਾਂ ਦੇ ਨਾਲ 5ਵੇਂ ਸਥਾਨ 'ਤੇ ਹੈ। ਉਥੇ ਹੀ ਨਿਊਜ਼ੀਲੈਂਡ ਦੇ 252 ਅੰਕ ਹਨ ਅਤੇ ਉਹ 6ਵੇਂ ਸਥਾਨ 'ਤੇ ਸਥਿਤ ਹੈ। ਟੀਮ ਇੰਡੀਆ ਜੇਕਰ ਇਸ ਸੀਰੀਜ਼ ਨੂੰ 5-0 ਨਾਲ ਆਪਣੇ ਨਾਂ ਕਰਦਾ ਹੈ ਤਾਂ ਉਸ ਨੂੰ 4 ਅੰਕਾਂ ਦਾ ਫਾਇਦਾ ਹੋਵੇਗਾ ਅਤੇ ਉਹ ਅੰਕਾਂ ਦੀ ਸੂਚੀ 'ਚ 264 ਅੰਕਾਂ ਦੇ ਨਾਲ ਨੰਬਰ 4 'ਤੇ ਪਹੁੰਚ ਜਾਵੇਗਾ।
Photo
ਜੇਕਰ ਟੀਮ ਇੰਡੀਆ ਨੂੰ 4 ਮੈਚਾਂ 'ਚ ਜਿੱਤ ਅਤੇ ਇਕ ਮੈਚ 'ਚ ਹਾਰ ਮਿਲਦੀ ਹੈ ਤਾਂ ਟੀਮ ਨੂੰ ਸਿਰਫ 2 ਅੰਕਾਂ ਦਾ ਫਾਇਦਾ ਹੋਵੇਗਾ। ਉਥੇ ਹੀ ਟੀਮ ਇੰਡੀਆ ਜੇਕਰ 3-2 ਨਾਲ ਸੀਰੀਜ਼ ਆਪਣੇ ਨਾਂ ਕਰਦੀ ਹੈ ਤਾਂ ਰੈਂਕਿੰਗ 'ਚ ਕੋਈ ਫਾਇਦਾ ਜਾਂ ਨੁਕਸਾਨ ਨਹੀਂ ਹੋਣ ਵਾਲਾ ਹੈ।
Photo
ਨਿਊਜ਼ੀਲੈਂਡ ਟੀਮ ਜੇਕਰ ਇਸ ਸੀਰੀਜ਼ ਨੂੰ 5-0 ਨਾਲ ਆਪਣੇ ਨਾਂ ਕਰਦੀ ਹੈ ਤਾਂ ਭਾਰਤੀ ਟੀਮ ਨੂੰ ਰੈਕਿੰਗ 'ਚ ਵੱਡਾ ਨੁਕਸਾਨ ਹੋਣ ਵਾਲਾ ਹੈ। ਭਾਰਤ ਨੂੰ 6 ਅੰਕਾਂ ਦਾ ਨੁਕਸਾਨ ਹੋਵੇਗਾ ਅਤੇ ਟੀਮ 254 ਅੰਕਾਂ ਦੇ ਨਾਲ 6ਵੇਂ ਸਥਾਨ 'ਤੇ ਆ ਜਾਵੇਗੀ। ਉਥੇ ਹੀ ਨਿਊਜ਼ੀਲੈਂਡ ਨੂੰ 8 ਅੰਕਾਂ ਦਾ ਫਾਇਦਾ ਹੋਵੇਗਾ ਅਤੇ ਉਹ 5ਵੇਂ ਸਥਾਨ 'ਤੇ ਪਹੁੰਚ ਜਾਣਗੇ।
Photo
ਇਸ ਦੌਰਾਨ ਭਾਰਤ 4-1 ਨਾਲ ਸੀਰੀਜ਼ ਹਾਰਦਾ ਹੈ ਤਾਂ ਵੀ ਟੀਮ ਦੇ 256 ਅੰਕ ਅਤੇ ਨਿਊਜ਼ੀਲੈਂਡ ਦੇ 259 ਅੰਕ ਹੋ ਜਾਣਗੇ। ਕੀਵੀ ਟੀਮ ਸੀਰੀਜ਼ ਨੂੰ 3-2 ਨਾਲ ਆਪਣੇ ਨਾਂ ਕਰਦੀ ਹੈ ਤਾਂ ਰੈਂਕਿਗ ਟੇਬਲ 'ਚ ਕੋਈ ਫਰਕ ਨਹੀਂ ਪਵੇਗਾ। ਭਾਰਤ ਦੇ 258 ਅੰਕ ਹੋਣਗੇ ਪਰ ਉਹ 5ਵੇਂ ਸਥਾਨ 'ਤੇ ਹੀ ਰਹੇਗੀ।
