‘ਸੋਨੇ ਦੀ ਥਾਲ਼ੀ ‘ਚ ਖਾਣਾ ਖਾਏਗੀ ਟਰੰਪੀ ਫ਼ੈਮਲੀ ਤੇ ਚਾਂਦੀ ਦੇ ਕੱਪ ‘ਚ ਪੀਏਗੀ ਚਾਹ’...
ਜੈਪੁਰ: ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਭਾਰਤ ਦੌਰੇ ‘ਚ ਹੁਣ ਸਿਰਫ 2 ਦਿਨਾਂ ਦਾ ਸਮਾਂ ਰਹਿੰਦਾ ਹੈ। ਇਸ ਨੂੰ ਲੈ ਕੇ ਉਨ੍ਹਾਂ ਦੇ ਸਵਾਗਤ ਲਈ ਤਿਆਰੀਆਂ ਨੂੰ ਆਖਰੀ ਰੂਪ ਦਿੱਤਾ ਜਾ ਰਿਹਾ ਹੈ। ਟਰੰਪ ਕਦੋਂ ਅਤੇ ਕਿੱਥੇ ਜਾਣਗੇ ਅਤੇ ਕਿੱਥੇ ਰੁਕਣਗੇ ਇਹ ਸਭ ਤੈਅ ਹੋ ਚੁੱਕਿਆ ਹੈ।
Trump with Daughter Ivanka
ਹਰ ਚੀਜਾਂ ‘ਤੇ ਬਰੀਕੀ ਨਾਲ ਨਜ਼ਰ ਰੱਖੀ ਜਾ ਰਹੀ ਹੈ। ਟਰੰਪ ਅਤੇ ਉਨ੍ਹਾਂ ਦੇ ਪਰਵਾਰ ਨੂੰ ਪਾਰੰਪਰਕ ਭਾਰਤੀ ਖਾਣਾ ਸੋਨੇ ਅਤੇ ਚਾਂਦੀ ਦੀ ਪਰਤ ਵਾਲੀ ਪਲੇਟ ਵਿੱਚ ਪਰੋਸਿਆ ਜਾਵੇਗਾ। ਇਸਦੇ ਲਈ ਖਾਸ ਤਿਆਰੀਆਂ ਚੱਲ ਰਹੀਆਂ ਹਨ।
ਸੋਨੇ ਦੀ ਪਰਤ ਵਾਲੀ ਪਲੇਟ
ਭਾਰਤ ਯਾਤਰਾ ਦੇ ਦੌਰਾਨ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਉਨ੍ਹਾਂ ਦਾ ਪਰਵਾਰ ਸੋਨੇ ਅਤੇ ਚਾਂਦੀ ਦੀ ਪਰਤ ਵਾਲੀ ਥਾਲੀ ਵਿੱਚ ਨਾਸ਼ਤਾ, ਲੰਚ ਅਤੇ ਡਿਨਰ ਕਰਨਗੇ। ਇਸਤੋਂ ਇਲਾਵਾ ਸੋਨੇ-ਚਾਂਦੀ ਦੀ ਪਰਤ ਵਾਲੇ ਟੀ ਸ਼ੇਟ ਵਿੱਚ ਟਰੰਪ ਨੂੰ ਚਾਹ ਦਿੱਤੀ ਜਾਵੇਗੀ। ਜੈਪੁਰ ਦੇ ਮਸ਼ਹੂਰ ਡਿਜਾਇਨਰ ਅਰੁਣ ਪਾਬੂਵਾਲ ਨੇ ਟਰੰਪ ਦੇ ਪਰਵਾਰ ਦੇ ਇਸਤੇਮਾਲ ਲਈ ਖਾਸ ਕਟਲਰੀ ਅਤੇ ਟੇਬਲ ਵੇਅਰ ਡਿਜਾਇਨ ਕੀਤੀ ਹੈ।
Trump Family
ਦਿੱਲੀ ਭੇਜੀਆਂ ਗਈਆਂ ਪਲੇਟਾਂ ਤੇ ਕੱਪ
ਇਸ ਖਾਸ ਕਟਲਰੀ ਅਤੇ ਟੇਬਲ ਵੇਅਰ ਨੂੰ ਦਿੱਲੀ ਭੇਜ ਦਿੱਤਾ ਗਿਆ ਹੈ। ਦਿੱਲੀ ਵਿੱਚ ਰਾਸ਼ਟਰਪਤੀ ਟਰੰਪ, ਉਨ੍ਹਾਂ ਦੀ ਪਤਨੀ ਮੇਲਾਨੀਆ ਟਰੰਪ ਅਤੇ ਧੀ-ਜੁਆਈ ਡਾਇਨਿੰਗ ਟੇਬਲ ਉੱਤੇ ਇਸ ਕਟਲਰੀ ਵਿੱਚ ਖਾਣਾ ਖਾਂਦੇ ਨਜ਼ਰ ਆਉਣਗੇ।
PM Narendra Modi and Donald Trump
ਇਸਤੋਂ ਇਲਾਵਾ ਟਰੰਪ ਅਤੇ ਉਨ੍ਹਾਂ ਦੇ ਪਰਵਾਰ ਲਈ ਗੋਲਡ ਪਲੇਟੇਡ ਨੈਪਕਿਨ ਸੇਟ ਵੀ ਤਿਆਰ ਕੀਤਾ ਗਿਆ ਹੈ। ਦੱਸ ਦਈਏ ਕਿ ਟਰੰਪ ਅਹਿਮਦਾਬਾਦ ਦੇ ਇਤਿਹਾਸਿਕ ਮੋਟੇਰਾ ਸਟੇਡੀਅਮ ਵਿੱਚ 24 ਤਾਰੀਖ ਨੂੰ ਪੀਐਮ ਮੋਦੀ ਦੇ ਨਾਲ ਪ੍ਰੋਗਰਾਮ ਕਰਨ ਤੋਂ ਬਾਅਦ ਦਿੱਲੀ ਆਉਣਗੇ।
ਅਰੁਣ ਪਾਬੂਵਾਲ ਨੇ ਤਿਆਰ ਕੀਤੇ ਪਲੇਟ ਤੇ ਕੱਪ
India is ready to welcome trump
ਇਹ ਕੋਈ ਪਹਿਲਾ ਮੌਕਾ ਨਹੀਂ, ਜਦੋਂ ਡਿਜਾਇਨਰ ਅਰੁਣ ਪਾਬੂਵਾਲ ਨੇ ਕਿਸੇ ਅਮਰੀਕੀ ਰਾਸ਼ਟਰਪਤੀ ਲਈ ਇਸ ਤਰ੍ਹਾਂ ਦੀ ਖਾਸ ਗੋਲਡ ਪਲੇਟ ਤਿਆਰ ਕੀਤੀ ਹੋਵੇ। ਇਸਤੋਂ ਪਹਿਲਾਂ ਉਹ ਭਾਰਤ ਯਾਤਰਾ ਦੇ ਦੌਰਾਨ ਬਰਾਕ ਓਬਾਮਾ ਸਮੇਤ ਅਮਰੀਕਾ ਦੇ ਦੋ ਰਾਸ਼ਟਰਪਤੀ ਲਈ ਟੇਬਲ ਵੇਅਰ ਡਿਜਾਇਨ ਕਰ ਚੁੱਕੇ ਹਨ। ਇਸਤੋਂ ਇਲਾਵਾ ਮੇਟਲ ਡਿਜਾਇਨਰ ਅਰੁਣ ਪਾਬੂਵਾਲ ਕ੍ਰਿਕੇਟ ਵਿਸ਼ਵ ਕੱਪ ਤੋਂ ਲੈ ਕੇ ਵਿਸ਼ਵ ਪੱਧਰ ਸੌਂਦਰਿਆ ਮੁਕਾਬਲਿਆਂ ਲਈ ਟਰਾਫੀ ਅਤੇ ਤਾਜ ਡਿਜਾਇਨ ਕਰ ਚੁੱਕੇ ਹਨ।
