ਕਿਹਾ ਕਿ ਕਿਸਾਨ ਉਨ੍ਹਾਂ ਨੂੰ ਦੱਸਣ ਕਿ ਇਹਨਾਂ ਤਿੰਨੋ ਕਾਨੂੰਨਾਂ ਵਿੱਚ ਕੀ ਗਲਤ ਹੈ,ਜਾਂ ਇਸ ਵਿੱਚ ਹੋਰ ਕੀ ਸੋਧ ਦੀ ਲੋੜ ਹੈ ।
ਨਵੀਂ ਦਿੱਲੀ: ਭਾਰਤੀ ਕਿਸਾਨ ਯੂਨੀਅਨ ਕਾਦੀਆਂ ਨੇ ਸਿੰਘੂ ਬਾਰਡਰ ਦੇ ਦਫਤਰ ਤੋ ਪ੍ਰੈਸ ਨੋਟ ਜਾਰੀ ਕੀਤਾ ਗਿਆ । ਹਰਮੀਤ ਸਿੰਘ ਕਾਦੀਆਂ ਨੇ ਕਿਹਾ ਕਿ ਜੋ ਬਿਆਨ ਕੇਂਦਰੀ ਖੇਤੀ ਮੰਤਰੀ ਸ੍ਰੀ ਨਰਿੰਦਰ ਸਿੰਘ ਤੋਮਰ ਨੇ ਦਿੱਤਾ ਜਿਸ ਵਿੱਚ ਕਿਹਾ ਗਿਆ ਕਿ ਭੀੜ ਇੱਕਠੀ ਕਰਨ ਨਾਲ ਕੇਂਦਰ ਸਰਕਾਰ ਦੇ ਕਾਨੂੰਨ ਰੱਦ ਨਹੀ ਹੋਣਗੇ । ਕੇਂਦਰੀ ਮੰਤਰੀ ਨੇ ਅੱਗੇ ਬੋਲਦਿਆਂ ਕਿਹਾ ਕਿ ਕਿਸਾਨ ਉਨ੍ਹਾਂ ਨੂੰ ਦੱਸਣ ਕਿ ਇਹਨਾਂ ਤਿੰਨੋ ਕਾਨੂੰਨਾਂ ਵਿੱਚ ਕੀ ਗਲਤ ਹੈ,ਜਾਂ ਇਸ ਵਿੱਚ ਹੋਰ ਕੀ ਸੋਧ ਦੀ ਲੋੜ ਹੈ । ਇਸ ਬਿਆਨ ਦਾ ਭਾਰਤੀ ਕਿਸਾਨ ਯੁਨੀਅਨ (ਕਾਦੀਆਂ) ਪੁਰਜ਼ੋਰ ਵਿਰੋਧ ਕਰਦੀ ਹੈ।
ਹਰਮੀਤ ਕਾਦੀਆਂ ਨੇ ਕੇਂਦਰ ਮੰਤਰੀ ਦੇ ਬਿਆਨ ਦਾ ਜੁਆਬ ਦਿੰਦੇ ਹੋਏ ਕਿਹਾ ਕਿ ਜਿਹੜੇ ਲੋਕ ਕਿਸਾਨਾਂ ਦੇ ਇੱਕਠ ਨੂੰ ਭੀੜ ਦੱਸਦੇ ਹਨ ਅਸਲ ਵਿੱਚ ਇਹ ਆਵਾਮ ਹੈ ,ਅਤੇ ਇਹ ਆਵਾਮ ਇੱਥੇ ਇੱਕਠੀ ਨਹੀ ਹੋਏ ਸਗੋਂ ਇਹ ਆਵਾਮ ਆਪਣੇ ਦਿਲਾਂ ਵਿੱਚ ਬਹੁਤ ਹੀ ਦਰਦ ਲੈ ਕੇ ਆਪਣੇ-ਆਪਣੇ ਘਰਾਂ ਤੋ ਨਿਕਲ ਕੇ ਇੱਥੇ ਪਹੁੰਚੇ ਹਨ। ਇਹਨਾਂ ਦੇ ਦਿਲਾਂ ਵਿੱਚ ਇੱਕੋ ਇੱਕ ਮਕਸਦ ਲੈ ਇਹ ਆਵਾਮ ਇੱਥੇ ਇੱਕਠੀ ਹੋਈ ਹੈ ਕਿ ਕੇਂਦਰ ਸਰਕਾਰ ਵੱਲੋਂ ਜਿਹੜੇ ਤਿੰਨ ਖੇਤੀ ਦੇ ਕਾਲੇ ਕਾਨੂੰਨਾਂ ਨੂੰ ਕੇਂਦਰ ਸਰਕਾਰ ਵੱਲੋ ਪਾਸ / ਲਾਗੂ ਕੀਤਾ ਗਿਆ , ਉਹਨਾਂ ਨੂੰ ਵਾਪਿਸ ਜਾਂ ਰੱਦ ਕਰਵਾੳਣ ਦਾ ਨਿਸ਼ਚੈ ਨਾਲ ਇਕਜੁੱਟ ਹੋ ਕੇ ਇੱਥੇ ਆਏ ਹਨ ।
ਸ. ਕਾਦੀਆਂ ਨੇ ਅੱਗੇ ਬੋਲਦਿਆਂ ਕਿਹਾ ਕਿ ਕਿਸਾਨ ਆਗੂਆਂ ਦੀ ਕੇਂਦਰ ਸਰਕਾਰ ਨਾਲ 12 ਮੀਟਿੰਗਾਂ ਹੋ ਚੁੱਕੀਆਂ ਹਨ,ਅਤੇ ਇਹਨਾਂ ਮੀਟਿੰਗਾਂ ਦਾ ਕੋਈ ਠੋਸ ਨਤੀਜਾ ਨਹੀ ਨਿਕਲਿਆ । ਇਹਨਾਂ ਮੀਟਿੰਗਾਂ ਵਿੱਚ ਸਰਕਾਰ ਨੂੰ ਕਿਸਾਨ ਆਗੂਆਂ ਨੇ ਇੱਕ-ਇੱਕ ਲਾਈਨ ਵਾਈਜ਼ਸਮਝਿਆ ਹੈ ਕਿ ਕਿੱਥੇ – ਕਿੱਥੇ ਕੀ ਗਲਤ ਹੈ ਅਤੇ ਉਹਨਾਂ ਦੇ ਕਿਹੜੇ ਮਾੜੇ ਨਤੀਜੇ ਹੋਣਗੇ ਅਤੇ ਸਰਕਾਰ ਵੀ ਇਹ ਮੰਨ ਚੁੱਕੀ ਹੈ ਕਿ ਉਹਨਾਂ ਕੋਲ ਕਿੱਥੇ ਕਿੱਥੇ ਗਲਤੀ ਹੋਈ ਹੈ,ਪਰ ਹੈਰਾਨੀਜਨਕ ਗੱਲ ਤਾਂ ਇਹ ਹੈ ਕਿ ਇਸ ਦੇ ਬਾਵਜੂਦ ਕੇਂਦਰ ਸਰਕਾਰ ਇਹੀ ਕਿਹ ਰਹੀ ਹੈ ਕਿ ਕਿਸਾਨ ਉਹਨਾਂ ਨੂੰ ਇਹਨਾਂ ਕਾਨੂੰਨਾਂ ਵਿੱਚ ਕੀ ਕਮੀ ਹੈ ਉਹਨਾਂ ਨੂੰ ਸਮਝਾ ਨਹੀ ਸਕੇ ।
ਆਲ ਇੰਡੀਆ ਟੈਕਸੀ ਯੂਨੀਅਨਾਂ ਦਿੱਲੀ ਦੇ ਜੰਤਰ-ਮੰਤਰ ਵਿਖੇ ਆਪਣੇ ਇੱਕਠ ਕਰ ਰਹੀਆਂ ਹਨ । ਹਰਮੀਤ ਸਿੰਘ ਕਾਦੀਆਂ ਨੇ ਕਿਹਾ ਕਿ ਕੇਂਦਰ ਸਰਕਾਰ ਕਿਸਾਨਾਂ ਆਗੂਆਂ ਉਪਰ ਮਾਊਵਾਦੀ,ਵੱਖਵਾਦੀ ਹੋਣ ਦਾ ਆਰੋਪ ਲਗਾੳਂਦੀ ਹੈ । ਉਪਰੋਕਤ ਟੈਕਸੀ ਵਾਲੇ ਵੀ ਆਪਣੇ ਦਰਦ ਲੈ ਕੇ ਕੇਂਦਰ ਸਰਕਾਰ ਦਾ ਵਿਰੋਧ ਕਰਨ ਲਈ ਜੰਤਰ ਮੰਤਰ ਵਿਖੇ ਇੱਕਠੇ ਹੋਏ ਹਨ ਕਿ ਇਹ ਵੀ ਮਾਊਵਾਦੀ ਜਾਂ ਵੱਖਵਾਦੀ ਹਨ । ਸ. ਕਾਦੀਆਂ ਨੇ ਕਿਹਾ ਕਿ ਉਹ ਸਾਰੀਆਂ ਟੈਕਸੀ ਯੂਨੀਅਨਾਂ ਦੇ ਨਾਲ ਖੜੀ ਹੈ,ਭਾਰਤੀ ਕਿਸਾਨ ਯੂਨੀਅਨ ਉਹਨਾਂ ਦੀ ਹਿਮਾਇਤ ਕਰਦੀ ਹੈ । ਸਰਕਾਰ ਨੂੰ ਟੈਕਸੀ ਯੂਨੀਅਨਾਂ ਦੇ ਖਿਲਾਫ ਬਣੇ ਕਾਨੂੰਨਾਂ ਨੂੰ ਰੱਦ ਕਰਨਾ ਚਾਹੀਦਾ ਹੈ।