ਕੇਂਦਰੀ ਏਜੰਸੀ ਨੇ ਬੀਓਆਈ ਨੂੰ ਬਾਈਜੂ ਦੇ ਮੁਖੀ ਵਿਰੁਧ ਤਾਜ਼ਾ ਐਲਓਸੀ ਜਾਰੀ ਕਰਨ ਅਤੇ ਇਹ ਯਕੀਨੀ ਬਣਾਉਣ ਲਈ ਕਿਹਾ ਸੀ ਕਿ ਉਹ ਦੇਸ਼ ਛੱਡ ਕੇ ਨਾ ਜਾਵੇ।
ED News:ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਨੇ ਬੀਓਆਈ (ਇਮੀਗ੍ਰੇਸ਼ਨ ਬਿਊਰੋ) ਨੂੰ ਬਾਈਜੂ ਦੇ ਸੰਸਥਾਪਕ ਬਾਈਜੂ ਰਵਿੰਦਰਨ ਵਿਰੁਧ ਲੁਕਆਊਟ ਨੋਟਿਸ ਜਾਰੀ ਕਰਨ ਲਈ ਕਿਹਾ ਹੈ। ਇਹ ਦਾਅਵਾ ਮੀਡੀਆ ਰੀਪੋਰਟਾਂ ਵਿਚ ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਲੋਕਾਂ ਦੇ ਹਵਾਲੇ ਨਾਲ ਕੀਤਾ ਗਿਆ ਹੈ।
ਕੇਂਦਰੀ ਏਜੰਸੀ ਨੇ ਬੀਓਆਈ ਨੂੰ ਬਾਈਜੂ ਦੇ ਮੁਖੀ ਵਿਰੁਧ ਤਾਜ਼ਾ ਐਲਓਸੀ ਜਾਰੀ ਕਰਨ ਅਤੇ ਇਹ ਯਕੀਨੀ ਬਣਾਉਣ ਲਈ ਕਿਹਾ ਸੀ ਕਿ ਉਹ ਦੇਸ਼ ਛੱਡ ਕੇ ਨਾ ਜਾਵੇ। ਈਡੀ ਕੋਚੀ ਦਫਤਰ ਦੀ ਬੇਨਤੀ 'ਤੇ ਡੇਢ ਸਾਲ ਪਹਿਲਾਂ ਬਾਈਜੂ ਮੁਖੀ ਦੇ ਖਿਲਾਫ ਸੂਚਨਾ 'ਤੇ ਐਲਓਸੀ ਵੀ ਜਾਰੀ ਕੀਤੀ ਗਈ ਸੀ। ਬਾਅਦ ਵਿਚ ਇਸ ਜਾਂਚ ਨੂੰ ਬੈਂਗਲੁਰੂ ਦਫ਼ਤਰ ਵਿਚ ਤਬਦੀਲ ਕਰ ਦਿਤਾ ਗਿਆ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਐਲਓਸੀ 'ਆਨ ਇਨਟੀਮੇਸ਼ਨ' ਤਹਿਤ ਇਮੀਗ੍ਰੇਸ਼ਨ ਅਧਿਕਾਰੀ ਜਾਂਚ ਏਜੰਸੀ ਨੂੰ ਸੂਚਿਤ ਕਰਦਾ ਹੈ ਕਿ ਸਬੰਧਤ ਵਿਅਕਤੀ ਵਿਦੇਸ਼ ਜਾ ਰਿਹਾ ਹੈ ਪਰ ਉਸ ਵਿਅਕਤੀ ਨੂੰ ਦੇਸ਼ ਛੱਡਣ ਤੋਂ ਨਹੀਂ ਰੋਕਿਆ ਜਾ ਰਿਹਾ। ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਲੋਕਾਂ ਦੇ ਅਨੁਸਾਰ, ਕਥਿਤ ਵਿਦੇਸ਼ੀ ਮੁਦਰਾ ਪ੍ਰਬੰਧਨ ਐਕਟ (ਫੇਮਾ) ਦੀ ਜਾਂਚ ਕਰ ਰਿਹਾ ਈਡੀ ਦਾ ਬੈਂਗਲੁਰੂ ਦਫਤਰ, ਜਾਂਚ ਕਰ ਰਿਹਾ ਹੈ। ਜਾਂਚ ਦੌਰਾਨ ਇਹ ਵਿਚਾਰ ਕੀਤਾ ਗਿਆ ਹੈ ਕਿ ਬਾਈਜੂ ਰਵਿੰਦਰਨ ਨੂੰ ਦੇਸ਼ ਛੱਡਣ ਤੋਂ ਰੋਕਣ ਲਈ ਉਸ ਵਿਰੁਧ ਐਲਓਸੀ ਜਾਰੀ ਕਰਨ ਦੀ ਲੋੜ ਹੈ।
(For more Punjabi news apart from ED seeks look out circular against Byju Raveendran, stay tuned to Rozana Spokesman)
