ਬੀਤੇ ਦਿਨੀ ਮੱਧ ਪ੍ਰਦੇਸ਼ ਦੇ ਰਾਮੇਸ਼ਵਰ ਗੁੱਜਰ ਨਾਮ ਦੇ ਦੌੜਾਕ ਦੀ ਇੱਕ ਵੀਡੀਓ ਵਾਇਰਲ ਹੋਈ ਸੀ। ਜਿਸ ਵਿਚ ਉਹ 100 ਮੀਟਰ ਦੀ....
ਮੱਧ ਪ੍ਰਦੇਸ਼ : ਬੀਤੇ ਦਿਨੀ ਮੱਧ ਪ੍ਰਦੇਸ਼ ਦੇ ਰਾਮੇਸ਼ਵਰ ਗੁੱਜਰ ਨਾਮ ਦੇ ਦੌੜਾਕ ਦੀ ਇੱਕ ਵੀਡੀਓ ਵਾਇਰਲ ਹੋਈ ਸੀ। ਜਿਸ ਵਿਚ ਉਹ 100 ਮੀਟਰ ਦੀ ਰੇਸ ਮਹਿਜ਼ 11 ਸੈਕਿੰਡ ਵਿਚ ਹੀ ਪੂਰੀ ਕਰ ਗਿਆ ਸੀ ਅਤੇ ਲੋਕਾਂ ਨੇ ਉਸਦਾ ਨਾਮ ਵਿਸ਼ਵ ਪ੍ਰਸਿੱਧ ਦੌੜਾਕ ਉਸੈਨ ਬੋਲਟ ਰੱਖ ਦਿੱਤਾ ਸੀ ਅਤੇ ਬੋਲਟ ਦੇ ਰਿਕਾਰਡ ਤੋੜਨ ਦਾ ਦਾਅਵਾ ਵੀ ਕੀਤਾ ਗਿਆ ਸੀ ਪਰ ਜਦੋਂ ਭੋਪਾਲ ਦੇ ਟੀਟੀ ਨਗਰ 'ਚ ਰਮੇਸ਼ਵਰ ਆਪਣਾ ਟ੍ਰਾਇਲ ਦੇਣ ਉਤਰੇ ਤਾਂ ਉਨ੍ਹਾਂ ਨੇ ਬਿਲਕੁਲ ਕਿਰਕਿਰੀ ਹੀ ਕਰਵਾ ਦਿੱਤੀ।
Academy trial of Rameshwar Gurjar
ਕਿਉਂਕਿ ਟ੍ਰਾਇਲ ਦੌਰਾਨ ਭੱਜੇ 7 ਦੌੜਾਕਾਂ ਵਿਚੋਂ ਰਮੇਸ਼ਵਰ ਪਹਿਲੇ ਦੂਜੇ ਤੀਜੇ ਤੇ ਨਹੀਂ ਬਲਕਿ ਸਤਵੇਂ ਯਾਨੀ ਅਖੀਰਲੇ ਸਥਾਨ ਤੇ ਰਹੇ। ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਮਸ਼ਹੂਰ ਹੋਣ ਤੋਂ ਬਾਅਦ ਰਾਮੇਸ਼ਵਰ ਦੀ ਮੱਧ ਪ੍ਰਦੇਸ਼ ਦੇ ਸਾਬਕਾ ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਤਾਰੀਫ਼ ਕਰਦਿਆਂ ਉਸ ਦੇ ਵੀਡੀਓ ਨੂੰ ਸ਼ੇਅਰ ਵੀ ਕੀਤਾ ਸੀ। ਨਾਲ ਹੀ ਉਨ੍ਹਾਂ ਦੇਸ਼ ਦੇ ਖੇਡ ਮੰਤਰੀ ਕਿਰਨ ਰਿਜਿਜੂ ਨੂੰ ਅਪੀਲ ਕੀਤੀ ਸੀ ਕਿ ਉਹ ਰਮੇਸ਼ਵਰ ਦੀ ਮਦਦ ਕਰਨ।
Rameshwar Gurjar's trial run was conducted at T T Nagar Stadium by senior coaches of SAI and State Govt. Here, Rameshwar is seen running at extreme left. He is exhausted due to the glare of publicity so couldn't perform well. Will give proper time and training to him. pic.twitter.com/RQtkxWFDFR
— Kiren Rijiju (@KirenRijiju) August 19, 2019
ਦੱਸ ਦਈਏ ਕਿ ਗੁੱਜਰ ਦੀ ਇਸ ਨਿਰਾਸ਼ਾਜਨਕ ਪਰਫਾਰਮੈਂਸ ਤੋਂ ਬਾਅਦ ਖੇਡ ਮੰਤਰੀ ਕਿਰਨ ਰਿਜਿਜੂ ਨੇ ਟਵੀਟ ਕਰ ਆਖਿਆ ਹੈ ਕਿ ਸੋਸ਼ਲ ਮੀਡੀਆ ਤੇ ਪਹਿਲਾਂ ਹੀ ਐਨਾ ਮਸ਼ਹੂਰ ਹੋਣ ਤੋਂ ਬਾਅਦ ਰਾਮੇਸ਼ਵਰ ਤੇ ਕਾਫੀ ਦਬਾਅ ਸੀ। ਜਿਸ ਕਾਰਨ ਇਹ ਦੌੜ ਵਿਚ ਉਹ ਆਪਣਾ 100 % ਨਹੀਂ ਦੇ ਸਕੇ ਪਰ ਜੋ ਵੀ ਹੋਵੇ ਕਈ ਲੋਕਾਂ ਵਲੋਂ ਕੁਮੈਂਟਾਂ ਵਿਚ ਚੀਤੇ ਤੋਂ ਤੇਜ਼ ਦੌੜਨ ਵਾਲੇ ਰਾਮੇਸ਼ਵਰ ਦੀ ਖਿੱਲੀ ਵੀ ਉਡਾਈ ਜਾ ਰਹੀ ਹੈ।
