Ranji Trophy News ; ਯਸ਼ਸਵੀ ਦਾ ਵੀ ਬੇੜਾ ਡੁੱਬਿਆ
Rohit Sharma failed to make a comeback in Ranji Trophy after 10 years Latest News in Punjabi : ਨਵੀਂ ਦਿੱਲੀ : 10 ਸਾਲਾਂ ਬਾਅਦ ਰਣਜੀ ਟਰਾਫ਼ੀ ਵਿਚ ਵਾਪਸੀ ਕਰਨ ਤੋਂ ਬਾਅਦ ਰੋਹਿਤ ਸ਼ਰਮਾ ਫ਼ਲਾਪ ਦਿਖਾਈ ਦਿਤੇ। ਇਸ ਮੈਚ ਵਿਚ, ਸਲਾਮੀ ਬੱਲੇਬਾਜ਼ ਯਸ਼ਸਵੀ ਜੈਸਵਾਲ ਅਤੇ ਰੋਹਿਤ ਸ਼ਰਮਾ ਸਸਤੇ ਵਿਚ ਪੈਵੇਲੀਅਨ ਵਾਪਸ ਪਰਤ ਗਏ। ਰਣਜੀ ਟਰਾਫ਼ੀ ਵਿਚ ਮੁੰਬਈ 23 ਜਨਵਰੀ ਤੋਂ ਜੰਮੂ ਅਤੇ ਕਸ਼ਮੀਰ ਦਾ ਸਾਹਮਣਾ ਕਰੇਗੀ।
ਯਸ਼ਸਵੀ 8 ਗੇਂਦਾਂ 'ਤੇ 4 ਦੌੜਾਂ ਬਣਾ ਕੇ ਆਊਟ ਹੋ ਗਿਆ ਅਤੇ 19 ਗੇਂਦਾਂ ਦਾ ਸਾਹਮਣਾ ਕਰਨ ਤੋਂ ਬਾਅਦ ਰੋਹਿਤ ਦੇ ਬੱਲੇ ਤੋਂ ਸਿਰਫ਼ 3 ਦੌੜਾਂ ਹੀ ਨਿਕਲੀਆਂ।
ਇਸ ਤਰ੍ਹਾਂ ਰੋਹਿਤ 10 ਸਾਲਾਂ ਬਾਅਦ ਰਣਜੀ ਟਰਾਫ਼ੀ ਵਿਚ ਅਪਣੀ ਵਾਪਸੀ ਵਿਚ ਅਸਫ਼ਲ ਸਾਬਤ ਹੋਇਆ। ਉਸ ਨੇ ਇਸ ਤੋਂ ਪਹਿਲਾਂ 2015 ਵਿਚ ਯੂਪੀ ਵਿਰੁਧ ਰਣਜੀ ਟਰਾਫ਼ੀ ਮੈਚ ਖੇਡਿਆ ਸੀ, ਜਿਸ ਵਿਚ ਉਸ ਨੇ ਸੈਂਕੜਾ ਲਗਾਇਆ ਸੀ। ਹੁਣ ਰੋਹਿਤ ਦੇ ਮਾੜੇ ਪ੍ਰਦਰਸ਼ਨ ਤੋਂ ਬਾਅਦ, ਪ੍ਰਸ਼ੰਸਕ ਉਸ ਨੂੰ ਖ਼ੂਬ ਟ੍ਰੋਲ ਕਰ ਰਹੇ ਹਨ।
ਰੋਹਿਤ ਸ਼ਰਮਾ ਜੰਮੂ-ਕਸ਼ਮੀਰ ਖ਼ਿਲਾਫ਼ ਏਲੀਟ ਗਰੁੱਪ-ਏ ਮੈਚ ਵਿੱਚ ਸਿਰਫ਼ 3 ਦੌੜਾਂ ਬਣਾ ਕੇ ਸਸਤੇ ਵਿੱਚ ਪੈਵੇਲੀਅਨ ਪਰਤ ਗਏ। ਰੋਹਿਤ ਨੇ ਯਸ਼ਸਵੀ ਜੈਸਵਾਲ ਦੇ ਨਾਲ ਮੁੰਬਈ ਲਈ ਪਾਰੀ ਦੀ ਸ਼ੁਰੂਆਤ ਕੀਤੀ। 19 ਗੇਂਦਾਂ ਦਾ ਸਾਹਮਣਾ ਕਰਦੇ ਹੋਏ, ਰੋਹਿਤ ਨੂੰ ਮੈਦਾਨ 'ਤੇ ਦੌੜਾਂ ਬਣਾਉਣ ਲਈ ਸੰਘਰਸ਼ ਕਰਨਾ ਪਿਆ ਅਤੇ ਜੰਮੂ-ਕਸ਼ਮੀਰ ਦੇ ਗੇਂਦਬਾਜ਼ ਉਮਰ ਨਜ਼ੀਰ ਦੀ ਗੇਂਦ 'ਤੇ ਪੀਕੇ ਡੋਗਰਾ ਨੇ ਉਸ ਨੂੰ ਕੈਚ ਕਰ ਲਿਆ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਯਸ਼ਸਵੀ ਜੈਸਵਾਲ ਵੀ 8 ਗੇਂਦਾਂ 'ਤੇ 4 ਦੌੜਾਂ ਬਣਾ ਕੇ ਆਊਟ ਹੋਏ ਇਸ ਤੋਂ ਬਾਅਦ ਕਪਤਾਨ ਅਜਿੰਕਿਆ ਰਹਾਣੇ ਵੀ ਉਮਰ ਨਜ਼ੀਰ ਦੀ ਗੇਂਦ 'ਤੇ ਬੋਲਡ ਹੋ ਗਏ। ਰਹਾਣੇ ਨੇ 17 ਗੇਂਦਾਂ 'ਤੇ 12 ਦੌੜਾਂ ਬਣਾਈਆਂ, ਜਿਸ ਵਿੱਚ ਦੋ ਚੌਕੇ ਸ਼ਾਮਲ ਸਨ। ਮੁੰਬਈ ਦੀ ਟੀਮ ਨੇ 13 ਓਵਰਾਂ ਦੀ ਖੇਡ ਵਿੱਚ 3 ਵਿਕਟਾਂ ਦੇ ਨੁਕਸਾਨ 'ਤੇ 40 ਦੌੜਾਂ ਬਣਾ ਲਈਆਂ ਹਨ। ਸ਼੍ਰੇਅਸ ਅਈਅਰ ਅਤੇ ਹਾਰਦਿਕ ਦੀ ਜੋੜੀ ਕ੍ਰੀਜ਼ 'ਤੇ ਮੌਜੂਦ ਹੈ।
ਜ਼ਿਕਰਯੋਗ ਹੈ ਕਿ ਰੋਹਿਤ ਸ਼ਰਮਾ ਬਾਰਡਰ-ਗਾਵਸਕਰ ਟਰਾਫ਼ੀ 2024-25 ਵਿਚ ਤਿੰਨ ਮੈਚਾਂ ਵਿਚ ਸਿਰਫ਼ 31 ਦੌੜਾਂ ਬਣਾਉਣ ਤੋਂ ਬਾਅਦ ਆਲੋਚਨਾ ਦਾ ਸ਼ਿਕਾਰ ਹੋਏ ਸਨ। ਮਾੜੇ ਪ੍ਰਦਰਸ਼ਨ ਕਾਰਨ ਪ੍ਰਸ਼ੰਸਕ ਰੋਹਿਤ ਸ਼ਰਮਾ ਨੂੰ ਸੰਨਿਆਸ ਲੈਣ ਦੀ ਸਲਾਹ ਦੇ ਰਹੇ ਹਨ। ਇਸ ਦੌਰਾਨ, ਉਸ ਦੀ ਫ਼ਾਰਮ ਵਿਚ ਵਾਪਸੀ ਕਾਰਨ ਉਸ ਨੂੰ ਰਣਜੀ ਟਰਾਫ਼ੀ ਮੈਚ ਖੇਡਣ ਦੇ ਆਦੇਸ਼ ਮਿਲੇ ਪਰ ਰੋਹਿਤ, ਜੋ ਰਣਜੀ ਟਰਾਫ਼ੀ 2025 ਵਿਚ ਮੁੰਬਈ ਲਈ ਆਪਣਾ ਪਹਿਲਾ ਮੈਚ ਖੇਡਣ ਆਇਆ ਸੀ, ਬੱਲੇਬਾਜ਼ੀ 'ਚ ਫਲਾਪ ਹੋ ਗਿਆ।
For more Punjabi news apart from Rohit Sharma failed to make a comeback in Ranji Trophy after 10 years Latest News in Punjabi stay tuned to Rozana Spokesman)
