ਭਾਰਤੀ ਨੇਵੀ ਦੀ ਦੱਖਣੀ ਕਮਾਨ ਨੇ ਇਕਰੂਪਤਾ ਦੇ ਟੀਚੇ ਨਾਲ ਅਪਣੇ ਜਵਾਨਾਂ ਨੂੰ ਵਰਦੀ ਦੇ ਰੰਗ ਦਾ ਹੀ ਮਾਸਕ ਪਾਉਣ ਦਾ ਨਿਰਦੇਸ਼
ਨਵੀਂ ਦਿੱਲੀ, 22 ਮਈ : ਭਾਰਤੀ ਨੇਵੀ ਦੀ ਦੱਖਣੀ ਕਮਾਨ ਨੇ ਇਕਰੂਪਤਾ ਦੇ ਟੀਚੇ ਨਾਲ ਅਪਣੇ ਜਵਾਨਾਂ ਨੂੰ ਵਰਦੀ ਦੇ ਰੰਗ ਦਾ ਹੀ ਮਾਸਕ ਪਾਉਣ ਦਾ ਨਿਰਦੇਸ਼ ਦਿਤਾ ਹੈ। ਇਸ ਤੋਂ ਇਲਾਵਾ ਮਾਸਕ ਨਾ ਪਾਉਣ ’ਤੇ ਪਹਿਲੀ ਵਾਰ 200 ਤੇ ਦੂਜੀ ਵਾਰ ’ਚ ਦੋ ਹਜ਼ਾਰ ਰੁਪਏ ਦੇ ਜੁਰਮਾਨੇ ਦਾ ਵੀ ਵਿਵਸਥਾ ਕੀਤੀ ਗਈ ਹੈ।
ਨੇਵੀ ਦੇ ਇਕ ਅਧਿਕਾਰੀ ਨੇ ਦਸਿਆ ਕਿ ਕੋਚੀ ਸਥਿਤ ਕਮਾਨ ਦੇ ਜਵਾਨਾਂ ਨੂੰ ਨਿਰਦੇਸ਼ ਦਿਤਾ ਗਿਆ ਹੈ ਕਿ ਸਫ਼ੈਦ ਵਰਦੀ ਨਾਲ ਇਸੇ ਰੰਗ ਦਾ ਮਾਸਕ ਪਾਉਣ ਤੇ ਦੂਜੀ ਗ਼ੈਰ-ਰਸਮੀ ਵਰਦੀ ਨਾਲ ਨੇਵੀ ਬਲਿਊ ਜਾਂ ਕਾਲੇ ਰੰਗ ਦਾ ਮਾਸਕ ਪਾਉ।
File photo
ਖਾਕੀ ਵਰਦੀ ਪਾਉਣ ਵਾਲੇ ਡਿਫ਼ੈਂਸ ਸਕਿਊਰਿਟੀ ਕੋਰ ਤੇ ਫ਼ਾਇਰ ਬ੍ਰਿਗੇਡ ਸਰਵਿਸ ਦੇ ਮੁਲਾਜ਼ਮ ਨੂੰ ਖਾਦੀ ਰੰਗ ਦਾ ਦੀ ਮਾਸਕ ਪਾਉਣ ਨੂੰ ਕਿਹਾ ਗਿਆ ਹੈ। ਅਧਿਕਾਰੀ ਨੇ ਦਸਿਆ ਕਿ ਹਾਲੇ ਤਕ ਜਵਾਨ ਵੱਖ-ਵੱਖ ਰੰਗ ਦੇ ਮਾਸਕ ਪਾ ਰਹੇ ਸਨ ਜੋ ਉਨ੍ਹਾਂ ਦੀ ਵਰਦੀ ਨਾਲ ਸਹੀ ਨਹੀਂ ਲੱਗ ਰਹੇ ਸਨ। ਸੂਤਰਾਂ ਅਨੁਸਾਰ, ਕੋਚੀ ’ਚ ਗਰਮੀ ਨੂੰ ਦੇਖਦਿਆਂ ਸੂਤੀ ਮਾਸਕ ਲਾਜ਼ਮੀ ਕਰ ਦਿਤਾ ਗਿਆ ਹੈ। ਨੇਵੀ ਵਾਈਵਸ ਵੈਲਫ਼ੇਅਰ ਐਸੋਸੀਏਸ਼ਨ ਵਲੋਂ ਵੱਡੀ ਗਿਣਤੀ ’ਚ ਸੂਤੀ ਮਾਸਕ ਬਣਾਏ ਗਏ ਹਨ। ਹੋਰ ਲੋਕ ਵੀ ਬਹੁਤ ਘੱਟ ਕੀਮਤ ’ਤੇ ਅਜਿਹੇ ਮਾਸਕ ਉਪਲਬਧ ਕਰਵਾ ਰਹੇ ਹਨ।
(ਏਜੰਸੀ)
