ਹਵਾਈ ਫ਼ੌਜ ਵਿਚ ਭਰਤੀ ਹੋਣ ਲਈ ਛੱਡੀ ਸੀ ਸਰਕਾਰੀ ਨੌਕਰੀ
ਭੋਪਾਲ: ਸਖ਼ਤ ਮਿਹਨਤ ਕਰ ਕੇ ਮੰਜ਼ਿਲਾਂ ਸਰ ਕਰਨ ਵਾਲਿਆਂ ਦਾ ਟੀਚਾ ਪੱਕਾ ਹੁੰਦਾ ਹੈ। ਮੱਧ ਪ੍ਰਦੇਸ਼ ਦੀ ਆਂਚਲ ਗੰਗਵਾਲ ਨੇ ਅਜਿਹੀ ਮਿਸਾਲ ਪੇਸ਼ ਕੀਤੀ ਹੈ। ਚਾਹ ਵਿਕਰੇਤਾ ਦੀ ਬੇਟੀ ਆਂਚਲ ਨੂੰ ਹਵਾਈ ਫ਼ੌਜ 'ਚ ਫਲਾਇੰਗ ਅਫ਼ਸਰ ਬਣੀ ਹੈ।
Aanchal Gangwal
ਉਨ੍ਹਾਂ ਦੇ ਪਿਤਾ ਜੀ ਅੱਜ ਵੀ ਨੀਮਚ 'ਚ ਚਾਹ ਦੀ ਦੁਕਾਨ ਚਲਾਉਂਦੇ ਹਨ। 20 ਜੂਨ ਨੂੰ ਹੈਦਰਾਬਾਦ 'ਚ ਸੰਯੁਕਤ ਸਨਾਤਕ ਪਾਸਿੰਗ ਆਊਂਟ ਪਰੇਡ ਹੋਈ ਸੀ। ਮਾਰਚ ਪਾਸਟ ਮਗਰੋਂ ਆਂਚਲ ਗੰਗਵਾਲ ਨੂੰ ਰਾਸ਼ਟਰਪਤੀ ਤਮਗ਼ੇ ਨਾਲ ਸਨਾਮਨਤ ਕੀਤਾ ਗਿਆ।
Aanchal Gangwal
ਆਂਚਲ ਨੂੰ ਭਾਰਤੀ ਹਵਾਈ ਫ਼ੌਜ ਮੁਖੀ ਬੀਕੇਐਸ ਭਦੌਰੀਆ ਦੀ ਮੌਜੂਦਗੀ 'ਚ ਫਲਾਇੰਗ ਕਮਿਸ਼ਨ ਅਫ਼ਸਰ ਦੇ ਰੂਪ 'ਚ ਕਮਿਸ਼ਨ ਮਿਲਿਆ। ਆਂਚਲ ਨੂੰ ਸ਼ੁਰੂ ਤੋਂ ਹੀ ਹਵਾਈ ਫ਼ੌਜ ਵਿਚ ਜਾਣ ਦਾ ਸ਼ੌਕ ਸੀ। ਇਸ ਤੋਂ ਪਹਿਲਾਂ ਉਹ ਦੋ ਸਰਕਾਰੀ ਨੌਕਰੀਆਂ ਛੱਡ ਚੁੱਕੀ ਸੀ।
Aanchal Gangwal
ਇਸ ਤੋਂ ਪਹਿਲਾਂ ਆਂਚਲ ਮੱਧ ਪ੍ਰਦੇਸ਼ 'ਚ ਪੁਲਿਸ ਸਬ ਇੰਸਪੈਕਟਰ ਦੇ ਅਹੁਦੇ 'ਤੇ ਤਾਇਨਾਤ ਸੀ। ਇਹ ਨੌਕਰੀ ਛੱਡਣ ਮਗਰੋਂ ਉਸ ਦੀ ਚੋਣ ਲੇਬਰ ਇੰਸਪੈਕਟਰ ਵਜੋਂ ਹੋਈ ਪਰ ਆਂਚਲ ਦਾ ਮਕਸਦ ਹਵਾਈ ਫ਼ੌਜ ਵਿਚ ਜਾਣਾ ਹੀ ਸੀ।
Aanchal Gangwal
ਅਪਣਾ ਸੁਫ਼ਨਾ ਪੂਰਾ ਕਰਨ ਲਈ ਉਸ ਨੇ ਸਰਕਾਰੀ ਨੌਕਰੀ ਦੀ ਵੀ ਪਰਵਾਹ ਨਹੀਂ ਕੀਤੀ। ਆਂਚਲ ਦੇ ਪਰਵਾਰ ਨੇ ਆਨਲਾਈਨ ਪਾਸਿੰਗ ਆਊਟ ਪਰੇਡ ਦੇਖੀ। ਪਰਵਾਰ ਦੀ ਖ਼ੁਸ਼ੀ ਦਾ ਕਈ ਟਿਕਾਣਾ ਨਹੀਂ ਸੀ। ਹਾਲਾਂਕਿ ਆਂਚਲ ਦੇ ਪਿਤਾ ਨੇ ਇਸ ਸਮਾਗਮ 'ਚ ਸ਼ਿਰਕਤ ਕਰਰਨ ਹੈਦਰਾਬਾਦ ਜਾਣਾ ਸੀ ਪਰ ਕੋਰੋਨਾ ਮਹਾਮਾਰੀ ਕਾਰਨ ਅਜਿਹਾ ਸੰਭਵ ਨਹੀਂ ਹੋ ਸਕਿਆ
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
