ਰਾਜਸਥਾਨ ਅੰਦਰਲੇ ਸਿਆਸੀ ਘਮਸਾਨ ਵਿਚਾਲੇ 15 ਕਾਂਗਰਸੀ ਨੇਤਾਵਾਂ ਨੇ ਲਿਖਿਆ ਸੋਨੀਆ ਗਾਂਧੀ ਨੂੰ ਪੱਤਰ।
ਜੈਪੁਰ: ਰਾਜਸਥਾਨ (Rajasthan) ਵਿਚ ਕਾਂਗਰਸ (Congress) ਅੰਦਰਲਾ ਰਾਜਨੀਤਿਕ ਘਮਸਾਨ ਰੁਕਣ ਦਾ ਨਾਮ ਨਹੀਂ ਲੈ ਰਹੀ। ਹਾਲਾਂਕਿ ਕਾਂਗਰਸ ਦਾ ਦਾਅਵਾ ਹੈ ਕਿ ਸਭ ਕੁਝ ਠੀਕ ਹੈ, ਪਰ ਸਥਿਤੀ ਇਹ ਹੈ ਕਿ ਇੱਥੇ ਵਿਧਾਇਕ ਪਾਇਲਟ ਅਤੇ ਗਹਿਲੋਤ (Pilot and Gehlot) ਧੜੇ ਵਿੱਚ ਵੰਡੇ ਹੋਏ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਹੀ ਹਾਰਨ ਵਾਲੇ ਉਮੀਦਵਾਰਾਂ ਨੇ ਵੀ ਆਪਣੀ ਆਵਾਜ਼ ਬੁਲੰਦ ਕਰਨੀ ਸ਼ੁਰੂ ਕਰ ਦਿੱਤੀ ਹੈ।
ਹੋਰ ਪੜ੍ਹੋ: ਗੁਆਂਢੀਆਂ ਤੋਂ ਦੁਖੀ ਮਹਿਲਾ ਨੇ 7 ਸਾਲਾ ਬੇਟੇ ਨਾਲ 12ਵੀਂ ਮੰਜ਼ਿਲ ਤੋਂ ਮਾਰੀ ਛਾਲ
Ashok Gehlot
ਦੱਸ ਦੇਈਏ ਕਿ ਹੁਣ ਪਾਰਟੀ ਦੇ ਰਾਸ਼ਟਰੀ ਪ੍ਰਧਾਨ ਸੋਨੀਆ ਗਾਂਧੀ (Sonia Gandhi) ਨੂੰ ਪਾਰਟੀ ਦੇ ਲਗਭਗ 15 ਨੇਤਾਵਾਂ ਵੱਲੋਂ ਲਿਖਿਆ ਇੱਕ ਪੱਤਰ (15 Congress Leaders wrote letter to Sonia Gandhi) ਸਾਹਮਣੇ ਆਇਆ ਹੈ, ਜਿਸ ਵਿੱਚ ਰਾਜ ਦੀ ਰਾਜਨੀਤਿਕ ਸਥਿਤੀ ਦਾ ਜ਼ਿਕਰ ਕੀਤਾ ਗਿਆ ਹੈ। ਪੱਤਰ ਲਿਖਣ ਵਾਲੇ ਇਨ੍ਹਾਂ 15 ਨੇਤਾਵਾਂ ਵਿਚ ਪਾਰਟੀ ਦੇ ਉਮੀਦਵਾਰ ਜੋ ਚੋਣ ਹਾਰ ਗਏ ਹਨ ਅਤੇ ਹੋਰ ਨੇਤਾ ਸ਼ਾਮਲ ਹਨ ।
ਹੋਰ ਪੜ੍ਹੋ: ਜੰਮੂ-ਕਸ਼ਮੀਰ ਦੇ ਨੇਤਾਵਾਂ ਨਾਲ ਕੱਲ੍ਹ ਹੋਵੇਗੀ PM ਦੀ High Level ਮੀਟਿੰਗ
ਪੱਤਰ ਵਿੱਚ ਲਿਖਿਆ ਗਿਆ ਹੈ ਕਿ 2018 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਕਾਂਗਰਸ (Congress) ਪਾਰਟੀ ਸਿਰਫ 21 ਸੀਟਾਂ ‘ਤੇ ਸਿਮਟ ਗਈ ਸੀ। ਪਰ ਰਾਜ ਲੀਡਰਸ਼ਿਪ (State Leadership) ਅਤੇ ਵਰਕਰਾਂ ਦੀ ਸਖਤ ਮਿਹਨਤ ਨਾਲ 101 ਸੀਟਾਂ ਪ੍ਰਾਪਤ ਕਰਕੇ ਰਾਜਸਥਾਨ ਵਿਚ ਸਰਕਾਰ ਬਣਾਈ। ਆਜ਼ਾਦ ਉਮੀਦਵਾਰਾਂ ਅਤੇ ਬਸਪਾ (BSP) ਦੇ ਵਿਧਾਇਕਾਂ ਨੇ ਕਾਂਗਰਸ ਸਰਕਾਰ ਦਾ ਸਮਰਥਨ ਕੀਤਾ, ਜਿਸਦਾ ਅਸੀਂ ਸਵਾਗਤ ਕੀਤਾ ਪਰ ਸਰਕਾਰ ਦੇ ਪੱਧਰ 'ਤੇ, ਕਾਂਗਰਸ ਸਰਕਾਰ ਦੇ ਕਾਰਜਕਾਲ ਦੌਰਾਨ ਅਧਿਕਾਰੀਆਂ ਦੀ ਨਿਯੁਕਤੀ ਤੋਂ ਲੈ ਕੇ ਨਗਰ ਨਿਗਮ ਵਿੱਚ ਕੌਂਸਲਰਾਂ ਦੀ ਨਾਮਜ਼ਦਗੀ ਤੱਕ ਇਨ੍ਹਾਂ ਸੁਤੰਤਰ ਅਤੇ ਬਸਪਾ ਵਿਧਾਇਕਾਂ ਦੀ ਹੀ ਸ਼ਮੂਲੀਅਤ ਰਹੀ । ਜਦੋਂ ਕਿ ਸਾਡੀ ਕਾਂਗਰਸੀ ਉਮੀਦਵਾਰਾਂ ਦੀ ਭਾਗੀਦਾਰੀ ਵੀ ਮਾਮੂਲੀ ਨਹੀਂ ਸੀ।
Ashok Gehlot and Sachin Pilot
ਉਨ੍ਹਾਂ ਅਗੇ ਲਿਖਿਆ ਕਿ ਇਸ ਕਾਰਨ, ਕਾਂਗਰਸ ਵਰਕਰਾਂ ਅਤੇ ਵੋਟਰਾਂ ਜਿਨ੍ਹਾਂ ਨੇ 2018 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਇਨ੍ਹਾਂ ਖੇਤਰਾਂ ਚ ਕਾਂਗਰਸ ਪਾਰਟੀ ਨੂੰ ਵੋਟ ਦਿੱਤੀ ਸੀ, ਉਨ੍ਹਾਂ ਦੀ ਸਰਕਾਰ ਵਿੱਚ ਕੋਈ ਸੁਣਵਾਈ ਨਹੀਂ ਹੋ ਰਹੀ ਹੈ। ਪੱਤਰ ਵਿਚ ਇਹ ਵੀ ਲਿਖਿਆ ਗਿਆ ਹੈ ਕਿ ਇਨ੍ਹਾਂ ਸੁਤੰਤਰ ਅਤੇ ਬਸਪਾ ਵਿਧਾਇਕਾਂ ਦੁਆਰਾ ਕਾਂਗਰਸ ਦੇ ਵੋਟਰਾਂ ਨਾਲ ਵਿਤਕਰਾ ਕੀਤਾ ਜਾ ਰਿਹਾ ਹੈ, ਜੋ ਵਰਕਰਾਂ ਦੇ ਮਨਾਂ 'ਚ ਦਰਦ ਪੈਦਾ ਕਰਦਾ ਹੈ।
ਹੋਰ ਪੜ੍ਹੋ: ਖ਼ੁਸ਼ਖ਼ਬਰੀ! Punjab Police ਨੇ ਖੋਲ੍ਹੀਆਂ ਭਰਤੀਆਂ, ਇਸ ਦਿਨ ਹੋਵੇਗੀ ਲਿਖਤੀ ਪ੍ਰੀਖਿਆ
ਪਾਰਟੀ ਨੇਤਾਵਾਂ ਨੇ ਸੋਨੀਆ ਗਾਂਧੀ ਨੂੰ ਮਿਲਣ ਲਈ ਸਮਾਂ ਮੰਗਿਆ ਅਤੇ ਕਿਹਾ ਹੈ ਕਿ ਅਸੀਂ ਮਿਲ ਕੇ ਆਪਣਾ ਪੂਰਾ ਪੱਖ ਪੇਸ਼ ਕਰਨਾ ਚਾਹੁੰਦੇ ਹਾਂ। ਪੱਤਰ ਵਿੱਚ, ਇਨ੍ਹਾਂ ਨੇਤਾਵਾਂ ਨੇ ਪਾਰਟੀ ਲੀਡਰਸ਼ਿਪ ਦਾ ਭਰੋਸਾ ਵੀ ਦਿੱਤਾ ਹੈ ਅਤੇ ਇਸ ਸਬੰਧ ਵਿੱਚ ਕਿਸੇ ਠੋਸ ਫੈਸਲੇ ਦੀ ਉਮੀਦ ਜਤਾਈ ਹੈ।
