ਦਿੱਲੀ ਦੇ ਸਿਗਨੇਚਰ ਬ੍ਰਿਜ਼ 'ਤੇ ਸ਼ੁੱਕਰਵਾਰ ਨੂੰ ਇਕ ਵੱਡਾ ਹਾਦਸਾ ਵਾਪਰਿਆ। ਦੱਸ ਦਈਏ ਕਿ ਇੱਥੇ ਤੇਜ਼ ਰਫ਼ਤਾਰ ਬਾਈਕ ਸਵਾਰ ਦੋ ਨੌਜਵਾਨਾ ਦੀ ਮੌਤ ਹੋ ...
ਨਵੀਂ ਦਿੱਲੀ (ਭਾਸ਼ਾ): ਦਿੱਲੀ ਦੇ ਸਿਗਨੇਚਰ ਬ੍ਰਿਜ਼ 'ਤੇ ਸ਼ੁੱਕਰਵਾਰ ਨੂੰ ਇਕ ਵੱਡਾ ਹਾਦਸਾ ਵਾਪਰਿਆ। ਦੱਸ ਦਈਏ ਕਿ ਇੱਥੇ ਤੇਜ਼ ਰਫ਼ਤਾਰ ਬਾਈਕ ਸਵਾਰ ਦੋ ਨੌਜਵਾਨਾ ਦੀ ਮੌਤ ਹੋ ਗਈ। ਦਿੱਲੀ ਪੁਲਿਸ ਨੇ ਹਾਦਸੇ ਦੇ ਸੰਬੰਧ 'ਚ ਦੱਸਿਆ ਕਿ ਸਟ੍ਰੀਟ ਲਾਈਟ ਦੇ ਪੋਲ 'ਚ ਪੈਰ ਫੰਸਣ ਕਾਰਨ ਬਾਈਕ ਉਛਲ ਪਈ ਅਤੇ ਨੌਜਵਾਨ ਪੁਲ ਦੇ ਹੇਠਾਂ ਜਾ ਡਿੱਗੇ, ਜਿਸ ਕਰਨ ਉਨ੍ਹਾਂ ਦੀ ਮੌਤ ਹੋ ਗਈ।
first major accident
ਦੱਸਿਆ ਜਾ ਰਿਹਾ ਹੈ ਕਿ ਪੁਲ 'ਤੇ ਡਿਵਾਈਡਰ 'ਚ ਇਕ ਸਟ੍ਰੀਟ ਲਾਈਟ ਦੇ ਪੋਲ 'ਤੇ ਤਾਰ ਨਿਕਲਿਆ ਹੋਇਆ ਸੀ, ਜਿਸ 'ਚ ਬਾਈਕ ਸਵਾਰ ਨੌਜਵਾਨ ਦਾ ਪੈਰ ਫਸ ਗਿਆ।ਦੱਸਿਆ ਜਾ ਰਿਹਾ ਹੈ ਕਿ ਬਾਈਕ ਦੀ ਰਫਤਾਰ ਕਾਫ਼ੀ ਤੇਜ਼ ਸੀ, ਦੋਨਾਂ ਬਾਇਕ ਸਵਾਰ ਪੁਲ ਦੇ ਹੇਠਾਂ ਜਾ ਡਿੱਗੇ। ਦੱਸਿਆ ਜਾ ਰਿਹਾ ਹੈ ਕਿ ਦੋਨੇ ਨੌਜਵਾਨ ਸ਼ਾਸਤਰੀ ਪਾਰਕ ਤੋਂ ਆ ਰਹੇ ਸਨ ਅਤੇ ਇਹ ਹਾਦਸਾ ਸਵੇਰੇ 8:45 ਤੇ ਵਾਪਰਿਆ।
Signature Bridge
ਜਾਣਕਾਰੀ ਮੁਤਾਬਕ ਮਰਨ ਵਾਲੇ ਨੌਜਵਾਨਾਂ ਦੀ ਉਮਰ ਕਰੀਬ 22 ਤੋਂ 24 ਸਾਲਾਂ ਦੇ ਵਿਚ ਦੀ ਦਸੀ ਜਾ ਰਹੀ ਹੈ। ਫਿਲਹਾਲ ਦੋਨਾਂ ਦੀ ਪਛਾਣ ਨਹੀਂ ਹੋ ਪਾਈ ਹੈ। ਤੁਹਾਨੂੰ ਇਹ ਵੀ ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਖ਼ਬਰ ਆ ਰਹੀ ਸੀ ਕਿ ਦੋਨੇ ਨੌਜਵਾਨ ਬਾਈਕ 'ਤੇ ਸਟੰਟ ਕਰ ਰਹੇ ਸਨ ਜਿਸ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ।
Delhi Signature Bridge
ਦੱਸਿਆ ਜਾ ਰਿਹਾ ਸੀ ਕਿ ਦੋਨੇ ਨੌਜਵਾਨ ਕੇਟੀਐਮ ਬਾਈਕ ਨਾਲ ਸਟੰਟ ਕਰ ਰਹੇ ਸੀ, ਉਦੋਂ ਡਿਵਾਈਡਰ ਨਾਲ ਟੱਕਰ ਹੋਣ ਕਾਰਨ ਪੁਲ ਤੋਂ ਹੇਠਾਂ ਡਿੱਗ ਗਏ। ਜ਼ਿਕਰਯੋਗ ਹੈ ਕਿ ਹੁਣੇ ਕੁੱਝ ਦਿਨ ਪਹਿਲਾਂ ਹੀ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਅਤੇ ਉਪ ਮੁੱਖ ਮੰਤਰੀ ਮਨੀਸ਼ ਸਿਸੋਦੀਆ ਨੇ ਇਸ ਪੁਲ ਦਾ ਉਦਘਾਟਨ ਕੀਤਾ ਸੀ। ਇਸ ਬ੍ਰਿਜ 'ਤੇ 154 ਮੀਟਰ ਉੱਚਾ ਗਲਾਸ ਬਾਕਸ ਵੀ ਹੈ, ਜੋ ਯਾਤਰੀਆਂ ਦੀ ਥਾਂ ਦੇ ਰੂਪ 'ਚ ਲੋਕਾਂ ਨੂੰ ਸ਼ਹਿਰ ਦਾ 'ਬਡਸ ਆਈ ਵਿਊ’ ਦਿੰਦਾ ਹੈ।
