ਯੋਗ ਉਮੀਦਵਾਰ SBI ਦੀ ਅਧਿਕਾਰਤ ਵੈੱਬਸਾਈਟ sbi.co.in 'ਤੇ ਜਾ ਕੇ ਆਨਲਾਈਨ ਅਰਜ਼ੀ ਦੇ ਸਕਦੇ ਹਨ।
ਨਵੀਂ ਦਿੱਲੀ: ਸਟੇਟ ਬੈਂਕ ਆਫ ਇੰਡੀਆ ਨੇ ਸੇਵਾਮੁਕਤ ਬੈਂਕ ਅਫਸਰ ਜਾਂ ਸਟਾਫ ਦੀਆਂ ਅਸਾਮੀਆਂ ਦੀ ਭਰਤੀ ਲਈ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। SBI ਅਤੇ e-ABs ਦੇ ਸਾਬਕਾ ਕਰਮਚਾਰੀ ਇਸ ਭਰਤੀ ਲਈ ਅਪਲਾਈ ਕਰ ਸਕਦੇ ਹਨ। ਯੋਗ ਉਮੀਦਵਾਰ SBI ਦੀ ਅਧਿਕਾਰਤ ਵੈੱਬਸਾਈਟ sbi.co.in 'ਤੇ ਜਾ ਕੇ ਆਨਲਾਈਨ ਅਰਜ਼ੀ ਦੇ ਸਕਦੇ ਹਨ। ਯੋਗ ਉਮੀਦਵਾਰਾਂ ਨੂੰ ਠੇਕੇ ਦੇ ਆਧਾਰ 'ਤੇ ਭਰਤੀ ਕੀਤਾ ਜਾਵੇਗਾ।
ਸਟੇਟ ਬੈਂਕ ਆਫ ਇੰਡੀਆ ਨੇ 22 ਦਸੰਬਰ 2022 ਤੋਂ ਅਰਜ਼ੀ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਯੋਗ ਉਮੀਦਵਾਰ 10 ਜਨਵਰੀ 2023 ਤੱਕ ਅਪਲਾਈ ਕਰ ਸਕਦੇ ਹਨ। ਅਹਿਮਦਾਬਾਦ, ਚੰਡੀਗੜ੍ਹ, ਹੈਦਰਾਬਾਦ, ਜੈਪੁਰ, ਪਟਨਾ, ਮਹਾਰਾਸ਼ਟਰ, ਚੇਨਈ, ਨਵੀਂ ਦਿੱਲੀ ਸਮੇਤ ਕਈ ਸੂਬਿਆਂ ਦੇ ਸਰਕਲਾਂ ਵਿਚ ਕੁੱਲ 1438 ਅਸਾਮੀਆਂ ਨੂੰ ਭਰਨ ਲਈ ਇਹ ਭਰਤੀ ਮੁਹਿੰਮ ਚਲਾਈ ਗਈ ਹੈ।
ਖਾਲੀ ਅਸਾਮੀਆਂ ਦੇ ਵੇਰਵੇ
ਜਨਰਲ - 680 ਅਸਾਮੀਆਂ
EWS - 125 ਪੋਸਟਾਂ
OBC - 314 ਅਸਾਮੀਆਂ
SC - 198 ਅਸਾਮੀਆਂ
ST - 121 ਅਸਾਮੀਆਂ
ਖਾਲੀ ਅਸਾਮੀਆਂ ਦੀ ਕੁੱਲ ਗਿਣਤੀ - 1438
ਯੋਗਤਾ
ਸੇਵਾਮੁਕਤ ਅਧਿਕਾਰੀ ਜਾਂ ਸਟਾਫ ਅਸਾਮੀਆਂ ਲਈ ਅਪਲਾਈ ਕਰਨ ਲਈ ਯੋਗ ਉਮੀਦਵਾਰਾਂ ਦੀ ਉਮਰ 22 ਦਸੰਬਰ 2022 ਨੂੰ 63 ਸਾਲ ਤੋਂ ਵੱਧ ਨਹੀਂ ਹੋਣੀ ਚਾਹੀਦੀ। ਸੇਵਾ ਦੌਰਾਨ ਇਕ ਚੰਗਾ ਟਰੈਕ ਰਿਕਾਰਡ ਹੋਣਾ ਚਾਹੀਦਾ ਹੈ। ਸੇਵਾਮੁਕਤ ਕਰਮਚਾਰੀਆਂ ਕੋਲ ਸਬੰਧਤ ਖੇਤਰ ਵਿਚ ਕੰਮ ਦਾ ਢੁਕਵਾਂ ਤਜਰਬਾ ਅਤੇ ਸਮੁੱਚੀ ਪੇਸ਼ੇਵਰ ਯੋਗਤਾ ਹੋਣੀ ਚਾਹੀਦੀ ਹੈ। ਹ
ਚੋਣ ਪ੍ਰਕਿਰਿਆ
ਬਿਨੈਕਾਰਾਂ ਨੂੰ ਕੋਈ ਲਿਖਤੀ ਪ੍ਰੀਖਿਆ ਨਹੀਂ ਦੇਣੀ ਪਵੇਗੀ। ਸ਼ਾਰਟਲਿਸਟ ਕੀਤੇ ਬਿਨੈਕਾਰਾਂ ਨੂੰ ਇੰਟਰਵਿਊ ਦੌਰ ਲਈ ਬੁਲਾਇਆ ਜਾਵੇਗਾ ਜਿਸ ਤੋਂ ਬਾਅਦ ਮੈਰਿਟ ਸੂਚੀ ਤਿਆਰ ਕੀਤੀ ਜਾਵੇਗੀ।
ਤਨਖਾਹ
ਕਲੈਰੀਕਲ - 25,000 ਰੁਪਏ ਪ੍ਰਤੀ ਮਹੀਨਾ
JMGS-I - 35,000 ਰੁਪਏ ਪ੍ਰਤੀ ਮਹੀਨਾ
MMGS-II ਅਤੇ MMGS-III - 40,000 ਰੁਪਏ ਪ੍ਰਤੀ ਮਹੀਨਾ
ਕਿਵੇਂ ਕਰੀਏ ਅਪਲਾਈ?
1: ਸਭ ਤੋਂ ਪਹਿਲਾਂ SBI ਕਰੀਅਰਜ਼ ਦੀ ਅਧਿਕਾਰਤ ਵੈੱਬਸਾਈਟ sbi.co.in/web/careers 'ਤੇ ਜਾਓ।
2: ਹੋਮ ਪੇਜ 'ਤੇ 'ENGAGEMENT OF RETIRED BANK OFFICERS/STAFF OF SBI & e-ABs ON CONTRACT BASIS' 'ਤੇ ਕਲਿੱਕ ਕਰੋ।
3: ਅਪਲਾਈ ਆਨਲਾਈਨ ਲਿੰਕ 'ਤੇ ਕਲਿੱਕ ਕਰੋ।
4: ਰਜਿਸਟਰ ਕਰੋ ਅਤੇ ਅਰਜ਼ੀ ਫਾਰਮ ਲਈ ਅੱਗੇ ਵਧੋ।
5: ਫਾਰਮ ਭਰੋ, ਲੋੜੀਂਦੇ ਦਸਤਾਵੇਜ਼ ਅਪਲੋਡ ਕਰੋ ਅਤੇ ਸਬਮਿਟ 'ਤੇ ਕਲਿੱਕ ਕਰੋ।
6: ਫਾਰਮ ਸਬਮਿਟ ਕਰੋ ਅਤੇ ਪ੍ਰਿੰਟਆਊਟ ਲਓ।
