ਮੁਲਜ਼ਮ ਅਤੇ ਮਾਤਾ-ਪਿਤਾ ਨੂੰ 14 ਦਿਨਾਂ ਲਈ ਨਿਆਂਇਕ ਹਿਰਾਸਤ ’ਚ ਭੇਜਿਆ
ਉਦੈਪੁਰ: ਰਾਜਸਥਾਨ 'ਚ 29 ਮਾਰਚ ਨੂੰ 8 ਸਾਲ ਦੀ ਬੱਚੀ ਨਾਲ ਬਲਾਤਕਾਰ ਅਤੇ ਹੱਤਿਆ ਦੇ ਮੁਲਜ਼ਮ ਕਮਲੇਸ਼ ਵਿਰੁਧ ਪੁਲਿਸ ਨੇ 306 ਪੰਨਿਆਂ ਦੀ ਚਾਰਜਸ਼ੀਟ ਪੇਸ਼ ਕੀਤੀ ਹੈ। ਇਸ ਮੁਤਾਬਕ ਕਮਲੇਸ਼ ਨੇ ਲੜਕੀ ਨਾਲ ਬਲਾਤਕਾਰ ਕਰਨ ਤੋਂ ਪਹਿਲਾਂ 30 ਵਾਰ ਪੋਰਨ ਫਿਲਮ ਦੇਖੀ ਸੀ। ਇਸ ਤੋਂ ਬਾਅਦ ਲੜਕੀ ਨੂੰ ਘਰ ਬੁਲਾ ਕੇ ਕਮਲੇਸ਼ ਨੇ ਉਸ ਨਾਲ ਉਦੋਂ ਤੱਕ ਬਲਾਤਕਾਰ ਕੀਤਾ, ਜਦੋਂ ਤੱਕ ਉਸ ਦੀ ਮੌਤ ਨਹੀਂ ਹੋਈ। ਮੌਤ ਤੋਂ ਬਾਅਦ ਉਸ ਨੇ ਚਾਕੂ ਨਾਲ ਮਾਸੂਮ ਦੀ ਲਾਸ਼ ਦੇ 10 ਟੁਕੜੇ ਕਰ ਦਿੱਤੇ ਅਤੇ ਬੋਰੀਆਂ 'ਚ ਭਰ ਕੇ ਬਾਥਰੂਮ 'ਚ ਛੁਪਾ ਦਿੱਤਾ।
ਇਹ ਵੀ ਪੜ੍ਹੋ: ਆਬਕਾਰੀ ਨੀਤੀ ਕੇਸ: ਦਿੱਲੀ ਦੀ ਅਦਾਲਤ ਨੇ ED ਦੀ ਚਾਰਜਸ਼ੀਟ 'ਤੇ ਨੋਟਿਸ ਲੈਣ ਦੇ ਮੁੱਦੇ 'ਤੇ ਫ਼ੈਸਲਾ ਸੁਰੱਖਿਅਤ ਰੱਖਿਆ
ਘਟਨਾ ਬਾਰੇ ਜਦੋਂ ਮੁਲਜ਼ਮ ਦੇ ਮਾਪਿਆਂ ਨੂੰ ਪਤਾ ਲੱਗਿਆ ਤਾਂ ਉਨ੍ਹਾਂ ਨੇ ਆਪਣੇ ਪੁੱਤਰ ਦੀ ਲਾਸ਼ ਨੂੰ ਟਿਕਾਣੇ ਲਗਾਉਣ ਵਿਚ ਮਦਦ ਕੀਤੀ। ਸੋਮਵਾਰ ਨੂੰ ਅਦਾਲਤ 'ਚ ਪੇਸ਼ ਕੀਤੀ ਗਈ ਚਾਰਜਸ਼ੀਟ 'ਚ 48 ਗਵਾਹਾਂ ਦੇ ਨਾਂ ਹਨ। ਤਿੰਨੋਂ ਮੁਲਜ਼ਮਾਂ ਨੂੰ ਸੋਮਵਾਰ ਦੁਪਹਿਰ 1 ਵਜੇ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ। ਅਦਾਲਤ ਨੇ ਉਨ੍ਹਾਂ ਨੂੰ 14 ਦਿਨਾਂ ਲਈ ਨਿਆਂਇਕ ਹਿਰਾਸਤ ਵਿਚ ਭੇਜ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ 29 ਮਾਰਚ ਨੂੰ ਮਾਵਲੀ ਦੇ ਲੋਪਰਾ ਪਿੰਡ ਤੋਂ 8 ਸਾਲ ਦੀ ਬੱਚੀ ਲਾਪਤਾ ਹੋ ਗਈ ਸੀ। ਪਰਿਵਾਰ ਨੇ ਮਾਵਲੀ ਥਾਣੇ 'ਚ ਬੱਚੀ ਦੇ ਗੁੰਮ ਹੋਣ ਦੀ ਰਿਪੋਰਟ ਦਰਜ ਕਰਵਾਈ। 1 ਅਪ੍ਰੈਲ ਨੂੰ ਪੁਲਿਸ ਨੂੰ ਲੜਕੀ ਦੀ ਲਾਸ਼ ਮਿਲੀ ਅਤੇ ਉਸੇ ਦਿਨ ਕਮਲੇਸ਼ ਨੂੰ ਵੀ ਗ੍ਰਿਫਤਾਰ ਕਰ ਲਿਆ ਗਿਆ।
ਇਹ ਵੀ ਪੜ੍ਹੋ: ਅਮਰੀਕਾ: ਭਾਰਤੀ ਮੂਲ ਦੇ ਉਦੈ ਤਾਂਬਰ ਬਣੇ ਨਸਲੀ ਸਲਾਹਕਾਰ ਬੋਰਡ ਦੇ ਮੈਂਬਰ
ਦੱਸਿਆ ਜਾ ਰਿਹਾ ਹੈ ਕਿ ਲੜਕੀ ਆਪਣੇ ਘਰ ਤੋਂ ਖੇਤ ਜਾ ਰਹੀ ਸੀ। ਮੁਲਜ਼ਮ ਕਮਲੇਸ਼ ਘਰ ਵਿਚ ਇਕੱਲਾ ਸੀ, ਉਸ ਦੇ ਮਾਤਾ-ਪਿਤਾ ਉੱਥੇ ਨਹੀਂ ਸਨ। ਕਮਲੇਸ਼ ਖਿੜਕੀ 'ਤੇ ਬੈਠਾ ਮੋਬਾਈਲ 'ਤੇ ਪੋਰਨ ਫਿਲਮ ਦੇਖ ਰਿਹਾ ਸੀ। ਬੱਚੀ ਨੂੰ ਜਾਂਦਾ ਦੇਖ ਉਸ ਨੇ ਆਵਾਜ਼ ਦੇ ਕੇ ਅੰਦਰ ਬੁਲਾਇਆ ਸੀ। ਚਾਰਜਸ਼ੀਟ ਮੁਤਾਬਕ ਕਮਲੇਸ਼ ਨੇ ਬਾਥਰੂਮ 'ਚ ਹੀ ਪੱਥਰ-ਚਾਕੂ ਨਾਲ ਲੜਕੀ ਦੇ 10 ਟੁਕੜੇ ਕਰ ਦਿੱਤੇ।
ਇਹ ਵੀ ਪੜ੍ਹੋ: ਲਿੰਗ ਨਿਰਧਾਰਨ ਟੈਸਟ ਕਰਨ ਵਾਲੇ ਗਿਰੋਹ ਦਾ ਪਰਦਾਫ਼ਾਸ਼, ਸਟਿੰਗ ਆਪ੍ਰੇਸ਼ਨ ਦੌਰਾਨ 2 ਔਰਤਾਂ ਸਮੇਤ 3 ਮੁਲਜ਼ਮ ਰੰਗੇ ਹੱਥੀਂ ਕਾਬੂ
ਫਿਰ ਉਨ੍ਹਾਂ ਟੁਕੜਿਆਂ ਨੂੰ ਵੱਖ-ਵੱਖ ਬੈਗਾਂ 'ਚ ਭਰ ਕੇ ਇਨ੍ਹਾਂ ਬੈਗਾਂ ਨੂੰ ਟਾਇਲਟ 'ਚ ਲੁਕਾ ਦਿੱਤਾ। ਕਮਲੇਸ਼ ਦੇ ਮਾਤਾ-ਪਿਤਾ ਨੂੰ ਘਟਨਾ ਬਾਰੇ ਦੂਜੇ ਦਿਨ 30 ਮਾਰਚ ਨੂੰ ਪਤਾ ਲੱਗਿਆ। ਤਿੰਨਾਂ ਨੇ ਮਿਲ ਕੇ ਲਾਸ਼ ਨੂੰ ਟਿਕਾਣੇ ਲਗਾਉਣ ਦੀ ਯੋਜਨਾ ਬਣਾਈ। ਰਾਤ ਕਰੀਬ 11 ਵਜੇ ਕਮਲੇਸ਼ ਲਾਸ਼ ਦੇ ਟੁਕੜਿਆਂ ਨਾਲ ਭਰੀ ਬੋਰੀ ਘਰ ਤੋਂ ਕਰੀਬ 200 ਮੀਟਰ ਦੂਰ ਖੰਡਰ ਵਿਚ ਸੁੱਟਣ ਗਿਆ। ਇਸ ਦੌਰਾਨ ਕਮਲੇਸ਼ ਦੇ ਪਿਤਾ ਰਾਮ ਸਿੰਘ ਅਤੇ ਮਾਤਾ ਕਿਸ਼ਨ ਕੰਵਰ ਵੀ ਉਸ ਦੀ ਮਦਦ ਕਰ ਰਹੇ ਸਨ।
