2 ਬੱਚਿਆਂ ਸਮੇਤ ਇੱਕੋ ਪਰਿਵਾਰ ਦੇ 5 ਜੀਆਂ ਦੀ ਮੌਤ
ਕੰਟੇਨਰ ਨਾਲ ਕਾਰ ਦੀ ਹੋਈ ਜ਼ਬਰਦਸਤ ਟੱਕਰ
ਦੀਵਾਲੀ ਮਨਾਉਣ ਲਈ ਲਖਨਊ ਤੋਂ ਜਾ ਰਹੇ ਸਨ ਘਰ
ਲਖਨਊ : ਬਸਤੀ 'ਚ ਵਾਪਰੇ ਭਿਆਨਕ ਸੜਕ ਹਾਦਸੇ 'ਚ ਕਾਰ 'ਚ ਸਵਾਰ ਇੱਕੋ ਪਰਿਵਾਰ ਦੇ 5 ਲੋਕਾਂ ਦੀ ਮੌਤ ਹੋ ਗਈ। ਤੇਜ਼ ਰਫਤਾਰ ਕਾਰ ਪਿੱਛੇ ਤੋਂ ਹਾਈਵੇਅ 'ਤੇ ਖੜ੍ਹੇ ਕੰਟੇਨਰ ਨਾਲ ਜਾ ਟਕਰਾਈ। ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਪੂਰੀ ਕਾਰ ਕੰਟੇਨਰ ਵਿੱਚ ਧਸ ਗਈ। ਹਾਦਸੇ 'ਚ ਪਤੀ-ਪਤਨੀ, ਮਾਂ ਅਤੇ ਬੇਟੀ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਜਦੋਂ ਕਿ ਗੰਭੀਰ ਜ਼ਖਮੀ ਪੁੱਤਰ ਹਸਪਤਾਲ ਲਿਜਾਂਦੇ ਸਮੇਂ ਰਸਤੇ ਵਿੱਚ ਹੀ ਦਮ ਤੋੜ ਗਿਆ ਗਿਆ। ਇਹ ਹਾਦਸਾ ਮੁੰਡੇਰਵਾ ਥਾਣਾ ਖੇਤਰ 'ਚ ਖਜੌਲਾ ਪੁਲਿਸ ਚੌਕੀ ਨੇੜੇ ਵਾਪਰਿਆ। ਜਾਣਕਾਰੀ ਅਨੁਸਾਰ ਪਰਿਵਾਰ ਦੀਵਾਲੀ ਮਨਾਉਣ ਲਈ ਕਾਰ ਰਾਹੀਂ ਘਰ ਜਾ ਰਿਹਾ ਸੀ, ਵਿਨੋਦ ਕੁਮਾਰ ਪ੍ਰਯਾਗਰਾਜ ਵਿੱਚ ਜਲ ਨਿਗਮ ਵਿੱਚ ਏਈ ਵਜੋਂ ਤਾਇਨਾਤ ਸੀ।
ਉਸ ਦਾ ਪੂਰਾ ਪਰਿਵਾਰ ਲਖਨਊ ਵਿੱਚ ਰਹਿੰਦਾ ਸੀ। ਐਤਵਾਰ ਨੂੰ ਵਿਨੋਦ ਕੁਮਾਰ (42) ਆਪਣੀ ਮਾਂ ਸਰਸਵਤੀ, ਪਤਨੀ ਨੀਲਮ (34), ਬੇਟੀ ਸ਼੍ਰੇਆ ਅਤੇ ਬੇਟੇ ਯਤੀਰਥ ਨਾਲ ਕਾਰ 'ਚ ਦੀਵਾਲੀ ਮਨਾਉਣ ਲਈ ਸੰਤ ਕਬੀਰਨਗਰ ਜਾ ਰਹੇ ਸਨ। ਉਹ ਮੂਲ ਰੂਪ ਵਿੱਚ ਖਲੀਲਾਬਾਦ ਇਲਾਕੇ ਦੇ ਹਰਪੁਰ ਢੋਡਹੀ ਦਾ ਰਹਿਣ ਵਾਲਾ ਸੀ। ਬਰੀਜ਼ਾ ਕਾਰ ਵਿੱਚ ਸਾਰਾ ਪਰਿਵਾਰ ਲਖਨਊ ਤੋਂ ਰਵਾਨਾ ਹੋਇਆ ਸੀ ਕਿ ਰਾਤ ਵੇਲੇ ਇਹ ਹਾਈਵੇਅ ਕਿਨਾਰੇ ਖਾਧੇ ਕੰਟੇਨਰ ਨਾਲ ਟਕਰਾਅ ਗਿਆ।
ਕਾਰ ਦੀ ਰਫ਼ਤਾਰ ਤੇਜ਼ ਸੀ ਅਤੇ ਰਾਤ 8 ਵਜੇ ਹਨੇਰਾ ਹੋਣ ਕਾਰਨ ਅੰਦਾਜ਼ਾ ਨਹੀਂ ਲੱਗ ਸਕਿਆ ਅਤੇ ਕਾਰ ਪਿਛਿਉਂ ਕੰਟੇਨਰ ਵਿੱਚ ਜਾ ਵੜੀ। ਹਾਦਸੇ ਦੀ ਤੀਬਰਤਾ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਕਾਰ ਵਿਚ ਸਾਰੇ ਲੋਕ ਬੁਰੀ ਤਰ੍ਹਾਂ ਫਸੇ ਹੋਏ ਸਨ। ਹਾਦਸੇ ਤੋਂ ਬਾਅਦ ਆਸ-ਪਾਸ ਦੇ ਲੋਕ ਮੌਕੇ 'ਤੇ ਪਹੁੰਚੇ ਅਤੇ ਪੁਲਿਸ ਨੂੰ ਸੂਚਨਾ ਦਿੱਤੀ। ਕਾਰ ਨੂੰ ਗੈਸ ਕਟਰ ਨਾਲ ਕੱਟ ਕੇ ਸਭ ਨੂੰ ਬਾਹਰ ਕੱਢਿਆ ਗਿਆ।
ਐਸਪੀ ਆਸ਼ੀਸ਼ ਸ੍ਰੀਵਾਸਤਵ ਨੇ ਦੱਸਿਆ ਕਿ ਪੰਜਾਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ। ਮ੍ਰਿਤਕ ਦੇ ਕਰੀਬੀ ਅਤੇ ਰਿਸ਼ਤੇਦਾਰਾਂ ਨੂੰ ਸੂਚਿਤ ਕਰ ਦਿੱਤਾ ਗਿਆ। ਦੱਸ ਦੇਈਏ ਕਿ ਹਾਦਸੇ ਵਾਲੀ ਜਗ੍ਹਾ ਤੋਂ ਮ੍ਰਿਤਕਾਂ ਦੇ ਘਰ ਦੀ ਦੂਰੀ ਮਹਿਜ਼ 17 ਕਿਲੋਮੀਟਰ ਸੀ। ਹਾਦਸੇ 'ਚ ਪੂਰੇ ਪਰਿਵਾਰ ਦੀ ਮੌਤ ਹੋ ਗਈ। ਪਰਿਵਾਰ ਵਿੱਚ ਹੁਣ ਕੋਈ ਨਹੀਂ ਬਚਿਆ। ਵਿਨੋਦ ਦੇ ਪਿਤਾ ਦੀ ਪਹਿਲਾਂ ਮੌਤ ਹੋ ਗਈ ਸੀ।
