ਠੰਢ ਦੀ ਦਸਤਕ ਦੇ ਨਾਲ ਹੀ ਉੱਤਰ ਪ੍ਰਦੇਸ਼ ਵਿਚ ਯੋਗੀ ਸਰਕਾਰ ਗਾਵਾਂ ਦੀ ਸੁਰੱਖਿਆ ਦਾ ਖ਼ਾਸ ਧਿਆਨ ਰੱਖ ਰਹੀ ਹੈ।
ਅਯੁਧਿਆ : ਠੰਢ ਦੀ ਦਸਤਕ ਦੇ ਨਾਲ ਹੀ ਉੱਤਰ ਪ੍ਰਦੇਸ਼ ਵਿਚ ਯੋਗੀ ਸਰਕਾਰ ਗਾਵਾਂ ਦੀ ਸੁਰੱਖਿਆ ਦਾ ਖ਼ਾਸ ਧਿਆਨ ਰੱਖ ਰਹੀ ਹੈ। ਸੂਬੇ ਦਾ ਅਯੁਧਿਆ ਨਗਰ ਨਿਗਮ ਗਾਵਾਂ ਨੂੰ ਸਰਦੀਆਂ ਤੋਂ ਬਚਾਉਣ ਲਈ 1200 ਜੂਟ ਦੇ ਕੋਟ ਬਣਾਉਣ ਦੀ ਤਿਆਰੀ ਕਰ ਰਿਹਾ ਹੈ। ਭਾਜਪਾ ਆਗੂ ਅਤੇ ਮੇਅਰ ਰਿਸ਼ੀਕੇਸ਼ ਨੇ ਇਸ ਦੀ ਜਾਣਕਾਰੀ ਦਿੱਤੀ ਹੈ।
Cows
ਉਹਨਾਂ ਨੇ ਕਿਹਾ ਕਿ ਆਮ ਤੌਰ ‘ਤੇ ਗਾਵਾਂ ਨੂੰ ਸਰਦੀ ਤੋਂ ਬਚਾਉਣ ਲਈ ਬੈਗ ਦਿੱਤੇ ਜਾਂਦੇ ਹਨ ਪਰ ਇਹ ਉਹਨਾਂ ਦੇ ਸਰੀਰ ਤੋਂ ਡਿੱਗ ਜਾਂਦੇ ਹਨ। ਇਸ ਲਈ ਉਹ ਇਹਨਾਂ ਲਈ ਕੋਟ ਬਣਵਾਉਣ ‘ਤੇ ਵਿਚਾਰ ਕਰ ਰਹੇ ਹਨ। ਉਹਨਾਂ ਕਿਹਾ ਕਿ ਉਹ ਪਹਿਲਾਂ ਇਸ ਤਰ੍ਹਾਂ ਤਿਆਰ ਕੀਤੇ ਗਏ ਕੋਟਾਂ ਦੇ ਸੈਂਪਲ ਦੇਖਣਗੇ। ਜੇਕਰ ਇਹ ਠੀਕ ਹੋਏ ਤਾਂ ਉਹ ਕੋਟ ਤਿਆਰ ਕਰਨ ਲਈ ਆਡਰ ਦੇਣਗੇ।
Yogi Adityanath
ਗਾਵਾਂ ਲਈ ਕੋਟ ਬਣਾਉਣ ਦਾ ਆਡਰ ਇਕ ਕਿਸਾਨ ਰਾਜੂ ਪੰਡਤ ਨੂੰ ਦਿੱਤਾ ਗਿਆ ਹੈ। ਮੇਅਰ ਰਿਸ਼ੀਕੇਸ਼ ਨੇ ਕਿਹਾ ਕਿ ਜੇਕਰ ਇਹ ਪਹਿਲ ਸਹੀ ਰਹੀ ਤਾਂ ਉਹ ਇਸ ਲਈ ਸੂਬਾ ਸਰਕਾਰ ਨੂੰ ਸੁਝਾਅ ਦੇਣਗੇ। ਜੇਕਰ ਸਰਕਾਰ ਨੂੰ ਇਹ ਪਸੰਦ ਆਉਂਦਾ ਹੈ ਤਾਂ ਉਹ ਇਸ ਨੂੰ ਸੂਬੇ ਦੀਆਂ ਹੋਰ ਗਊਸ਼ਾਲਾਵਾਂ ਦੀਆਂ ਗਾਵਾਂ ਲਈ ਲਾਗੂ ਕਰ ਸਕਦੇ ਹਨ। ਉਹਨਾਂ ਨੇ ਦੱਸਿਆ ਕਿ ਕੁਝ ਸੈਂਪਲ ਆਡਰ ਲਈ ਦੇ ਦਿੱਤੇ ਗਏ ਹਨ। ਇਹਨਾਂ ਦੇ ਤਿਆਰ ਹੋਣ ਤੋਂ ਬਾਅਦ ਹੀ ਇਹ ਸਪੱਸ਼ਟ ਹੋ ਸਕੇਗਾ ਕਿ ਇਹਨਾਂ ਦੀ ਕਿੰਨੀ ਲਾਗਤ ਪੈ ਰਹੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
