ਨੋਇਡਾ ਦੇ ਥਾਣੇ ਫੇਸ-3 ਖੇਤਰ ਦੇ ਪਿੰਡ ਬਹਲੋਲਪੁਰ ਵਿਚ ਐਤਵਾਰ ਰਾਤ ਇਕ ਮਕਾਨ.....
ਨਵੀਂ ਦਿੱਲੀ (ਭਾਸ਼ਾ): ਨੋਇਡਾ ਦੇ ਥਾਣੇ ਫੇਸ-3 ਖੇਤਰ ਦੇ ਪਿੰਡ ਬਹਲੋਲਪੁਰ ਵਿਚ ਐਤਵਾਰ ਰਾਤ ਇਕ ਮਕਾਨ ਵਿਚ ਅੱਗ ਲੱਗਣ ਨਾਲ 12 ਲੋਕ ਝੁਲਸ ਗਏ। ਮੁੱਖ ਫਾਇਰ ਅਧਿਕਾਰੀ ਅਰੁਣ ਕੁਮਾਰ ਸਿੰਘ ਨੇ ਦੱਸਿਆ ਕਿ ਪਿੰਡ ਬਹਲੋਲਪੁਰ ਵਿਚ ਰਹਿਣ ਵਾਲੇ ਇੰਦਰਪਾਲ ਪੁੱਤ ਸ਼ੰਕਰ ਦੇ ਮਕਾਨ ਵਿਚ 24 ਤੋਂ ਜ਼ਿਆਦਾ ਪਰਵਾਰ ਕਿਰਾਏ ਉਤੇ ਰਹਿੰਦੇ ਹਨ। ਐਤਵਾਰ ਰਾਤ ਸਾਢੇ ਦਸ ਵਜੇ ਦੇ ਕਰੀਬ ਸ਼ਾਰਟ ਸਰਕਟ ਦੀ ਵਜ੍ਹਾ ਨਾਲ ਧਰਤੀ ਉਤੇ ਖੜੀਆਂ ਮੋਟਰਸਾਇਕਲਾਂ ਵਿਚ ਅੱਗ ਲੱਗ ਗਈ। ਦੇਖਦੇ ਹੀ ਦੇਖਦੇ ਅੱਗ ਨੇ ਪੂਰੇ ਮਕਾਨ ਨੂੰ ਅਪਣੀ ਚਪੇਟ ਵਿਚ ਲੈ ਲਿਆ।
ਉਨ੍ਹਾਂ ਨੇ ਦੱਸਿਆ ਕਿ ਅੱਗ ਦੀ ਵਜ੍ਹਾ ਨਾਲ ਮਕਾਨ ਵਿਚ ਰਹਿਣ ਵਾਲੇ ਲੋਕਾਂ ਵਿਚ ਭਾਜੜ ਮੱਚ ਗਈ। ਲੋਕ ਪੋੜੀਆਂ ਤੋਂ ਹੇਠਾਂ ਉਤਰਨ ਲੱਗੇ ਅਤੇ ਅੱਗ ਦੀ ਚਪੇਟ ਵਿਚ ਆਉਂਦੇ ਗਏ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਘਟਨਾ ਵਿਚ ਦਰਜਨ ਭਰ ਲੋਕ ਝੁਲਸ ਗਏ ਹਨ, ਜਿਨ੍ਹਾਂ ਨੂੰ ਨੋਇਡਾ ਦੇ ਵੱਖਰੇ ਨਿਜੀ ਅਸਪਤਾਲਾਂ ਵਿਚ ਭਰਤੀ ਕਰਵਾਇਆ ਗਿਆ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਪੰਜ ਲੋਕਾਂ ਨੂੰ ਗੰਭੀਰ ਹਾਲਤ ਵਿਚ ਦਿੱਲੀ ਦੇ ਸਦਰ ਹਸਪਤਾਲ ਰੈਫ਼ਰ ਕੀਤਾ ਗਿਆ ਹੈ।
ਫਾਇਰ ਅਧਿਕਾਰੀ ਨੇ ਦੱਸਿਆ ਕਿ ਜਿਥੇ ਅੱਗ ਲੱਗੀ ਸੀ, ਉਥੇ ਫਾਇਰ ਵਿਭਾਗ ਦੀਆਂ ਗੱਡੀਆਂ ਨੂੰ ਪਹੁੰਚਣ ਵਿਚ ਬਹੁਤ ਪਰੇਸ਼ਾਨੀ ਹੋਈ। ਰਸਤਾ ਛੋਟਾ ਹੋਣ ਕਾਰਨ ਬਚਾਵ ਕਾਰਜ ਵਿਚ ਕਾਫ਼ੀ ਪਰੇਸ਼ਾਨੀ ਆਈ। ਪੁਲਿਸ ਅਤੇ ਨੇੜੇ ਦੇ ਲੋਕਾਂ ਨੇ ਅੱਗ ਬੁਝਾਉਣ ਵਿਚ ਮਦਦ ਕੀਤੀ। ਇਸ ਘਟਨਾ ਦੇ ਚਲਦੇ ਬਹਲੋਲਪੁਰ ਵਿਚ ਕਾਫ਼ੀ ਦੇਰ ਤੱਕ ਹਫ਼ੜਾ-ਦਫ਼ੜੀ ਦਾ ਮਾਹੌਲ ਬਣਿਆ ਰਿਹਾ। ਜਖ਼ਮੀਆਂ ਦੇ ਪਰਵਾਰ ਉਨ੍ਹਾਂ ਦੀਆਂ ਜਾਨਾਂ ਬਚਾਉਣ ਦੀਆਂ ਪੁਰੀਆਂ ਕੋਸ਼ਿਸਾਂ ਕਰਦੇ ਰਹੇ।