ਘੱਟ ਸੀਟਾਂ ਜਿੱਤਣ ਲਈ ਭਾਈਵਾਲ ਭਾਜਪਾ ਨੂੰ ਬਣਾਇਆ ਨਿਸ਼ਾਨਾ
ਮੁੰਬਈ : ਮਹਾਰਾਸ਼ਟਰ ਵਿਚ ਵਿਧਾਨ ਸਭਾ ਚੋਣਾਂ ਦੇ ਨਤੀਜਿਆਂ ਦੇ ਇਕ ਦਿਨ ਬਾਅਦ ਸ਼ਿਵ ਸੈਨਾ ਨੇ ਚੋਣਾਂ ਵਿਚ ਉਮੀਦ ਤੋਂ ਘੱਟ ਪ੍ਰਦਰਸ਼ਨ ਕਰਨ ਵਾਲੀ ਭਾਜਪਾ ਨੂੰ ਨਿਸ਼ਾਨਾ ਬਣਾਉਂਦਿਆਂ ਕਿਹਾ ਕਿ ਰਾਜ ਵਿਚ ਕੋਈ ਵੱਡਾ ਫ਼ਤਵਾ ਨਹੀਂ ਅਤੇ ਇਹ ਨਤੀਜਾ ਅਸਲ ਵਿਚ ਉਨ੍ਹਾਂ ਲੋਕਾਂ ਲਈ ਸਬਕ ਹੈ ਜਿਹੜੇ ਸੱਤਾ ਦੇ ਘੁਮੰਡ ਵਿਚ ਚੂਰ ਹਨ।
Arrogance of power is not acceptable, ShivSena warns BJP in Saamana
ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਦਵਿੰਦਰ ਫੜਨਵੀਸ ਨੇ 21 ਅਕਤੂਬਰ ਨੂੰ 'ਮਹਾ ਜਨਾਦੇਸ਼ ਯਾਤਰਾ' ਦੌਰਾਨ 288 ਵਿਚੋਂ 200 ਤੋਂ ਵੱਧ ਚੋਣ ਹਲਕਿਆਂ ਦਾ ਦੌਰਾ ਕੀਤਾ ਸੀ। ਇਕ ਦਿਨ ਪਹਿਲਾਂ 23 ਅਕਤੂਬਰ ਨੂੰ ਭਗਵਾਂ ਗਠਜੋੜ ਦੁਆਰਾ 200 ਤੋਂ ਵੱਧ ਸੀਟਾਂ 'ਤੇ ਜਿੱਤ ਹਾਸਲ ਕਰਨ ਦਾ ਦਾਅਵਾ ਕੀਤਾ ਸੀ। ਸ਼ਿਵ ਸੈਨਾ ਨੇ ਅਪਣੇ ਅਖ਼ਬਾਰ 'ਮੁੱਖ ਪੱਤਰ' ਵਿਚ ਕਿਹਾ ਕਿ ਇਸ ਫ਼ਤਵੇ ਨੇ ਇਹ ਧਾਰਨਾ ਰੱਦ ਕਰ ਦਿਤੀ ਹੈ ਕਿ ਦਲ ਬਦਲ ਕੇ ਅਤੇ ਵਿਰੋਧੀ ਧਿਰਾਂ ਵਿਚ ਸੰਨ੍ਹ ਲਾ ਕੇ ਵੱਡੀ ਜਿੱਤ ਹਾਸਲ ਕੀਤੀ ਜਾ ਸਕਦੀ ਹੈ। ਚੋਣਾਂ ਵਿਚ ਰਾਕਾਂਪਾ ਅਤੇ ਕਾਂਗਰਸ ਨੇ ਪਹਿਲਾਂ ਨਾਲੋਂ ਬਿਹਤਰ ਪ੍ਰਦਰਸ਼ਨ ਕੀਤਾ ਹੈ।
Arrogance of power is not acceptable, ShivSena warns BJP in Saamana
ਸੰਪਾਦਕੀ ਵਿਚ ਨਤੀਜਿਆਂ ਦਾ ਵਿਸ਼ਲੇਸ਼ਣ ਕਰਦਿਆਂ ਕਿਹਾ ਗਿਆ ਕਿ ਨਤੀਜੇ ਦਰਸਾਉਂਦੇ ਹਨ ਕਿ ਵਿਰੋਧੀਆਂ ਨੂੰ ਰਾਜਨੀਤੀ ਵਿਚ ਖ਼ਤਮ ਨਹੀਂ ਕੀਤਾ ਜਾ ਸਕਦਾ। ਮਰਾਠੀ ਅਖ਼ਬਾਰ ਨੇ ਲਿਖਿਆ ਕਿ ਚੋਣਾਂ ਦੌਰਾਨ ਭਾਜਪਾ ਨੇ ਰਾਕਾਂਪਾ ਵਿਚ ਇਸ ਤਰ੍ਹਾਂ ਸੰਨ੍ਹ ਲਾਈ ਕਿ ਲੋਕਾਂ ਨੂੰ ਲੱਗਣ ਲੱਗਾ ਸੀ ਕਿ ਸ਼ਰਦ ਪਵਾਰ ਦੀ ਪਾਰਟੀ ਦਾ ਕੋਈ ਭਵਿੱਖ ਨਹੀਂ। ਸ਼ਿਵ ਸੈਨਾ ਨੇ ਕਿਹਾ, 'ਪਰ ਰਾਕਾਂਪਾ ਨੇ 50 ਸੀਟਾਂ ਦਾ ਅੰਕੜਾ ਪਾਰ ਕਰ ਕੇ ਵਾਪਸੀ ਕੀਤੀ ਅਤੇ ਆਗੂ-ਹੀਣ ਕਾਂਗਰਸ ਨੂੰ 44 ਸੀਟਾਂ 'ਤੇ ਜਿੱਤ ਮਿਲੀ। ਇਹ ਨਤੀਜੇ ਸੱਤਾ ਧਿਰ ਨੂੰ ਚੇਤਾਵਨੀ ਦਿੰਦੇ ਹਨ ਕਿ ਸੱਤਾ ਦਾ ਘੁਮੰਡ ਨਾ ਕਰੇ। ਨਤੀਜੇ ਉਸ ਲਈ ਸਬਕ ਹਨ।
