ਭਾਰਤੀ ਕਿਸਾਨ ਯੂਨੀਅਨ ਦੀ ਝਾਬੂਆ ਜ਼ਿਲ੍ਹਾ ਇਕਾਈ...
ਨਵੀਂ ਦਿੱਲੀ: ਮੱਧ ਪ੍ਰਦੇਸ਼ ਦੇ ਝਾਬੂਆ ਜ਼ਿਲ੍ਹੇ ਦੇ ਕਿਸਾਨਾਂ ਨੇ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਨੂੰ ਚਿੱਠੀ ਲਿੱਖੀ ਹੈ। ਕਿਸਾਨਾਂ ਨੇ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਨੂੰ POK ਭਾਰਤ ਨੂੰ ਵਾਪਸ ਕਰਨ ਅਤੇ ਭਾਰਤ ਤੋਂ ਫ੍ਰੀ ਵਿਚ ਟਮਾਟਰ ਲੈ ਜਾਣ ਦੀ ਗੱਲ ਕਹੀ ਹੈ। ਕਿਸਾਨਾਂ ਨੇ ਪਾਕਿਸਤਾਨ ਦੀ ਜਨਤਾ ਨੂੰ ਮਹਿੰਗਾਈ ਨਾਲ ਰਾਹਤ ਦੇਣ ਦੀ ਗੱਲ ਵੀ ਕਹੀ ਹੈ। ਇਸ ਸਬੰਧ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਵੀ ਕਿਸਾਨਾਂ ਨੇ ਟਵੀਟ ਕੀਤਾ ਹੈ।
ਭਾਰਤੀ ਕਿਸਾਨ ਯੂਨੀਅਨ ਦੀ ਝਾਬੂਆ ਜ਼ਿਲ੍ਹਾ ਇਕਾਈ ਨੇ ਟਵਿੱਟਰ ਤੇ ਇਮਰਾਨ ਖ਼ਾਨ ਨੂੰ ਇਹ ਵੀ ਕਿਹਾ ਹੈ ਕਿ ਬੀਤੇ 2 ਦਿਨਾਂ ਵਿਚ ਮੀਡੀਆ ਰਿਪੋਰਟਾਂ ਅਨੁਸਾਰ ਪਾਕਿਸਤਾਨ ਵਿਚ ਇੰਨੀ ਜ਼ਿਆਦਾ ਮਹਿੰਗਾਈ ਹੈ ਕਿ ਲੋਕ ਟਮਾਟਰ ਵੀ ਨਹੀਂ ਖਰੀਦ ਪਾ ਰਹੇ ਹਨ। ਜਨਤਾ ਨੂੰ ਮਹਿੰਗਾਈ ਤੋਂ ਰਾਹਤ ਦੇਣ ਲਈ ਉਹ ਪੀਓਕੇ ਭਾਰਤ ਨੂੰ ਵਾਪਸ ਦੇਣ। ਇਸ ਦੇ ਬਦਲੇ ਵਿਚ ਜਿੰਨਾ ਵੀ ਟਮਾਟਰ ਚਾਹੀਦਾ ਹੈ ਉਹ ਭਾਰਤ ਤੋਂ ਲੈ ਲੈਣ।
ਦਸ ਦਈਏ ਕਿ ਝਾਬੂਆ ਦੇ ਪੇਟਲਾਵਾਦ ਖੇਤਰ ਦੇ ਟਮਾਟਰ ਕਾਫੀ ਵਧੀਆ ਅਤੇ ਬਹੁਤ ਫੇਮਸ ਹਨ ਅਤੇ ਇੱਥੇ ਦਾ ਟਮਾਟਰ ਦਿੱਲੀ ਦੇ ਵਾਘਾ ਬਾਰਡਰ ਹੁੰਦੇ ਹੋਏ ਪਾਕਿਸਤਾਨ ਵੀ ਜਾਂਦਾ ਹੈ। ਉਸ ਨਾਲ ਇੱਥੋਂ ਦੇ ਕਿਸਾਨਾਂ ਨੂੰ ਉਹਨਾਂ ਦੇ ਮੁੱਲ ਦਾ ਉਚਿਤ ਭਾਅ ਵੀ ਮਿਲ ਜਾਂਦਾ ਹੈ ਅਤੇ ਪਾਕਿਸਤਾਨ ਵਿਚ ਟਮਾਟਰਾਂ ਦੀ ਕਿੱਲਤ ਵੀ ਨਹੀਂ ਹੁੰਦੀ।
ਪਰ ਪੁਲਵਾਮਾ ਅਤੇ ਉਰੀ ਅਤਿਵਾਦੀ ਹਮਲਿਆਂ ਤੋਂ ਬਾਅਦ ਇੱਥੇ ਦੇ ਕਿਸਾਨਾਂ ਨੇ ਨਾਰਾਜ਼ਗੀ ਜ਼ਾਹਿਰ ਕਰਦੇ ਹੋਏ 18 ਦਸੰਬਰ 2016 ਤੋਂ ਪਾਕਿਸਤਾਨ ਨੂੰ ਟਮਾਟਰ ਭੇਜਣਾ ਬੰਦ ਕਰ ਦਿੱਤਾ ਸੀ। ਇਸ ਤੋਂ ਪਹਿਲਾਂ ਕਰੀਬ ਡੇਢ ਦਹਾਕਿਆਂ ਤੋਂ ਝਾਬੂਆ ਦੇ ਪੇਟਲਾਵਾਦ ਦੇ ਕਿਸਾਨ ਟਮਾਟਰ ਪਾਕਿਸਤਾਨ ਨੂੰ ਭੇਜ ਰਹੇ ਸਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।