ਅਕਤੂਬਰ ਤੱਕ ਹੋ ਸਕਦੀ ਹੈ ਲਾਂਚਿੰਗ
ਨਵੀਂ ਦਿੱਲੀ: ਵੈਕਸੀਨ ਬਣਾਉਣ ਵਾਲੀ ਵੱਡੀ ਕੰਪਨੀ ਸੀਰਮ ਇੰਸਟੀਚਿਊਟ ਆਫ ਇੰਡੀਆ ਨੇ ਐਤਵਾਰ ਨੂੰ ਕਿਹਾ ਕਿ ਉਸ ਦੀ ਅਗਲੇ ਦੋ ਤੋਂ ਤਿੰਨ ਹਫ਼ਤਿਆਂ ਵਿਚ ਆਕਸਫੋਰਡ ਯੂਨੀਵਰਸਿਟੀ ਦੀ ਬਣਾਈ ਕੋਵਿਡ-19 ਵੈਕਸੀਨ ਦਾ ਉਤਪਾਦਨ ਸ਼ੁਰੂ ਕਰਨ ਦੀ ਯੋਜਨਾ ਹੈ ਅਤੇ ਉਹਨਾਂ ਨੂੰ ਉਮੀਦ ਹੈ ਕਿ ਜੇਕਰ ਇਨਸਾਨਾਂ 'ਤੇ ਇਸ ਦੀ ਟੈਸਟਿੰਗ ਸਫਲ ਰਹਿੰਦੀ ਹੈ ਤਾਂ ਇਹ ਅਕਤੂਬਰ ਤੱਕ ਬਜ਼ਾਰ ਵਿਚ ਉਪਲਬਧ ਹੋਵੇਗੀ।
ਪੁਣੇ ਵਿਚ ਸਥਿਤ ਕੰਪਨੀ ਨੇ ਆਕਸਫੋਰਡ ਯੂਨੀਵਰਸਿਟੀ ਦੇ ਨਾਲ ਇਸ ਦਾ ਉਤਪਾਦਨ ਕਰਨ ਵਾਲੇ ਦੁਨੀਆ ਦੇ ਸੱਤ ਵਿਚੋਂ ਇਕ ਇੰਸਟੀਚਿਊਟ ਦੇ ਤੌਰ 'ਤੇ ਸਾਂਝੇਦਾਰੀ ਕੀਤੀ ਹੈ।
ਸੀਰਮ ਇੰਸਟੀਚਿਊਟ ਇੰਡੀਆ ਦੇ ਸੀਈਓ ਅਦਰ ਪੁਨਾਵਾਲਾ ਨੇ ਕਿਹਾ, ' ਸਾਡੀ ਟੀਮ ਆਕਸਫੋਰਡ ਯੂਨੀਵਰਸਿਟੀ ਦੇ ਡਾਕਟਰ ਹਿੱਲ ਦੇ ਨਾਲ ਬਰੀਕੀ ਨਾਲ ਕੰਮ ਕਰ ਰਹੀ ਹੈ ਅਤੇ ਸਾਨੂੰ ਉਮੀਦ ਹੈ ਕਿ ਅਸੀਂ ਦੋ ਤੋਂ ਤਿੰਨ ਹਫ਼ਤਿਆਂ ਵਿਚ ਵੈਕਸੀਨ ਦਾ ਪ੍ਰੋਡਕਸ਼ਨ ਸ਼ੁਰੂ ਕਰ ਦੇਵਾਂਗੇ।
ਅਗਲੇ 6 ਮਹੀਨਿਆਂ ਤੱਕ ਹਰ ਮਹੀਨੇ 50 ਲੱਖ ਡੋਜ਼ ਦਾ ਉਤਪਾਦ ਕਰ ਸਕਾਂਗੇ। ਜਿਸ ਤੋਂ ਬਾਅਦ ਇਸ ਦੇ ਉਤਪਾਦਨ ਨੂੰ 1 ਕਰੋੜ ਡੋਜ਼ ਪ੍ਰਤੀ ਮਹੀਨੇ ਵਧਾਉਣ ਦੀ ਉਮੀਦ ਕਰ ਰਹੇ ਹਾਂ'।
ਉਹਨਾਂ ਨੇ ਇਹ ਵੀ ਕਿਹਾ ਕਿ ਇਸ ਤੋਂ ਪਹਿਲਾਂ ਐਸਆਈਆਈ ਨੇ ਆਕਸਫੋਰਡ ਯੂਨੀਵਰਸਿਟੀ ਦੇ ਵਿਗਿਆਨਕਾਂ ਦੇ ਨਾਲ ਇਕ ਮਰੇਲੀਆ ਵੈਕਸੀਨ ਪ੍ਰਾਜੈਕਟ 'ਤੇ ਵੀ ਸਾਂਝੇਦਾਰੀ ਕੀਤੀ ਸੀ ਅਤੇ ਅਸੀਂ ਕਹਿ ਸਕਦੇ ਹਾਂ ਕਿ ਉਹਨਾਂ ਦੇ ਨਾਲ ਦੁਨੀਆ ਦੇ ਕੁਝ ਸਭ ਤੋਂ ਬੇਹਤਰੀਨ ਵਿਗਿਆਨਕ ਹਨ।
ਸੀਰਮ ਦੇ ਸੀਈਓ ਨੇ ਕਿਹਾ ਕਿ ਐਸਆਈਆਈ ਸਤੰਬਰ-ਅਕਤੂਬਰ ਵਿਚ ਕਲੀਨੀਕਲ ਟਰਾਇਲ ਦੀ ਸਫਲਤਾ ਦੀ ਉਮੀਦ ਨਾਲ ਵੈਕਸੀਨ ਦਾ ਨਿਰਮਾਣ ਕਰੇਗਾ। ਉਹਨਾਂ ਦੱਸਿਆ ਕਿ ਕੰਪਨੀ ਦੀ ਪੁਣੇ ਯੂਨਿਟ ਵਿਚ ਹੀ ਵੈਕਸੀਨ ਦਾ ਨਿਰਮਾਣ ਕੀਤਾ ਜਾਵੇਗਾ ਕਿਉਂਕਿ ਸਿਰਫ ਕੋਵਿਡ-19 ਵੈਕਸੀਨ ਲਈ ਇਕ ਵੱਖਰਾ ਕੇਂਦਰ ਬਣਾਉਣ ਵਿਚ 2 ਤੋਂ 3 ਸਾਲ ਦਾ ਸਮਾਂ ਲੱਗ ਸਕਦਾ ਸੀ।