World's largest adrenal tumor removed: 36 ਸਾਲਾ ਔਰਤ ਦੇ ਸਰੀਰ ’ਚ ਸੀ 18.2x13.5 ਸੈਂਟੀਮੀਟਰ ਦਾ ਟਿਊਮਰ
World's largest adrenal tumor removed: ਸਫ਼ਦਰਜੰਗ ਹਸਪਤਾਲ ਨੇ ਆਪਣੇ ਰੋਬੋਟਿਕ ਸਰਜਰੀ ਪ੍ਰੋਗਰਾਮ ’ਚ ਇੱਕ ਨਵਾਂ ਮੀਲ ਪੱਥਰ ਪ੍ਰਾਪਤ ਕੀਤਾ ਹੈ ਜਦੋਂ 36 ਸਾਲਾ ਔਰਤ ’ਤੇ ਇੱਕ ਗੁੰਝਲਦਾਰ ਰੋਬੋਟਿਕ ਸਰਜਰੀ ਸਫ਼ਲਤਾਪੂਰਵਕ ਕੀਤੀ ਗਈ, ਜਿਸ ਵਿਚ ਉਸ ਨੂੰ ਇਕ ਵਿਸ਼ਾਲ ਐਡਰੀਨਲ ਟਿਊਮਰ ਦਾ ਪਤਾ ਲੱਗਿਆ ਸੀ। ਹਸਪਤਾਲ ਦੇ ਮੈਡੀਕਲ ਸੁਪਰਡੈਂਟ ਡਾ: ਸੰਦੀਪ ਬਾਂਸਲ ਨੇ ਕਿਹਾ ਕਿ 18.2x13.5 ਸੈਂਟੀਮੀਟਰ ਦਾ ਇਹ ਐਡਰੀਨਲ ਟਿਊਮਰ ਦੁਨੀਆ ਦਾ ਹੁਣ ਤਕ ਸਭ ਤੋਂ ਵੱਡਾ ਐਡਰੀਨਲ ਟਿਊਮਰ ਹੈ ਜਿਸ ਨੂੰ ਰੋਬੋਟਿਕ ਸਰਜਰੀ ਦੁਆਰਾ ਕੱਢਿਆ ਗਿਆ ਹੈ। ਰੋਬੋਟਿਕ ਸਰਜਰੀ ਪ੍ਰੋਫ਼ੈਸਰ ਅਤੇ ਯੂਰੋਲੋਜੀ ਅਤੇ ਰੀਨਲ ਟਰਾਂਸਪਲਾਂਟ ਵਿਭਾਗ ਦੇ ਮੁਖੀ ਡਾ: ਪਵਨ ਵਾਸੂਦੇਵਾ, ਡਾ: ਨੀਰਜ ਕੁਮਾਰ ਅਤੇ ਡਾ: ਅਵਿਸ਼ੇਕ ਮੰਡਲ ਦੁਆਰਾ ਕੀਤੀ ਗਈ ਸੀ। ਅਨੱਸਥੀਸੀਆ ਟੀਮ ਵਿਚ ਡਾ: ਸੁਸ਼ੀਲ, ਡਾ: ਭਵਯ ਅਤੇ ਡਾ: ਮੇਘਾ ਸ਼ਾਮਲ ਸਨ।
ਇਹ ਪ੍ਰਕਿਰਿਆ ਜੋਖ਼ਮਾਂ ਨਾਲ ਭਰੀ ਹੋਈ ਸੀ ਕਿਉਂਕਿ ਟਿਊਮਰ ਨਾ ਸਿਰਫ਼ ਬਹੁਤ ਵੱਡਾ ਹੋ ਗਿਆ ਸੀ ਬਲਕਿ ਸਰੀਰ ਦੇ ਤਿੰਨ ਮਹੱਤਵਪੂਰਨ ਢਾਂਚੇ - ਇਫ਼ੀਰੀਅਰ ਵੇਨਾ ਕਾਵਾ, ਲਿਵਰ ਅਤੇ ਸੱਜੀ ਕਿਡਨੀ ਉੱਤੇ ਵੀ ਹਮਲਾ ਕਰ ਚੁੱਕਾ ਸੀ ਅਤੇ ਖ਼ਤਰਨਾਕ ਤੌਰ ’ਤੇ ਇਨ੍ਹਾਂ ਨਾਲ ਚਿਪਕ ਗਿਆ ਸੀ। ਆਲੇ ਦੁਆਲੇ ਦੀਆਂ ਮਹੱਤਵਪੂਰਨ ਬਣਤਰਾਂ ਨੂੰ ਨੁਕਸਾਨ ਪਹੁੰਚਾਏ ਬਿਨਾਂ ਟਿਊਮਰ ਨੂੰ ਪੂਰੀ ਤਰ੍ਹਾਂ ਹਟਾਉਣ ਦੀ ਲੋੜ ਸੀ।
ਡਾ. ਵਾਸੂਦੇਵ ਨੇ ਕਿਹਾ ਕਿ ਸਰਜਰੀ ਤਿੰਨ ਘੰਟਿਆਂ ਤੋਂ ਵੱਧ ਸਮੇਂ ਤਕ ਚੱਲੀ ਅਤੇ ਟਿਊਮਰ ਨੂੰ ਬਿਨਾਂ ਕਿਸੇ ਪੇਚੀਦਗੀਆਂ ਦੇ ਪੂਰੀ ਤਰ੍ਹਾਂ ਹਟਾਇਆ ਜਾ ਸਕਿਆ। ਆਪਰੇਸ਼ਨ ਦੇ ਬਾਅਦ ਰਿਕਵਰੀ ’ਚ ਕੋਈ ਸਮੱਸਿਆ ਨਹੀਂ ਆਈ ਅਤੇ ਮਰੀਜ਼ ਨੂੰ ਤਿੰਨ ਦਿਨਾਂ ਵਿੱਚ ਛੁੱਟੀ ਦੇ ਦਿੱਤੀ ਗਈ। ਰੋਬੋਟਿਕ ਸਰਜਰੀ ਕਈ ਫਾਇਦੇ ਪ੍ਰਦਾਨ ਕਰਦੀ ਹੈ, ਜਿਸ ਵਿੱਚ ਛੋਟੇ ਕੀਹੋਲ ਚੀਰੇ, ਸਟੀਕ ਕੰਮ, ਘੱਟ ਪੋਸਟ-ਆਪਰੇਟਿਵ ਦਰਦ, ਤੇਜ਼ੀ ਨਾਲ ਪੋਸਟ-ਆਪਰੇਟਿਵ ਰਿਕਵਰੀ ਅਤੇ ਕੰਮ ’ਤੇ ਤੇਜ਼ੀ ਨਾਲ ਵਾਪਸੀ ਦੇ ਨਾਲ ਛੁੱਟੀ ਸ਼ਾਮਲ ਹੈ।
ਡਾ. ਵਾਸੂਦੇਵ ਨੇ ਕਿਹਾ ਕਿ ਜੇਕਰ ਸਰਜਰੀ ਖੁੱਲ੍ਹੇ ਰਸਤੇ ਰਾਹੀਂ ਕੀਤੀ ਜਾਂਦੀ, ਤਾਂ ਇਸ ਨੂੰ 20 ਸੈਂਟੀਮੀਟਰ ਤੋਂ ਵੱਧ ਦੀ ਚਮੜੀ ’ਤੇ ਚੀਰੇ ਦੀ ਲੋੜ ਹੁੰਦੀ ਅਤੇ ਪੂਰੀ ਤਰ੍ਹਾਂ ਠੀਕ ਹੋਣ ਲਈ ਕੁਝ ਹਫ਼ਤੇ ਲੱਗ ਜਾਂਦੇ। ਡਾ: ਸੰਦੀਪ ਬਾਂਸਲ ਨੇ ਕਿਹਾ ਕਿ ਇਹ ਪ੍ਰਾਪਤੀ ਸਫਦਰਜੰਗ ਹਸਪਤਾਲ ਦੀ ਰੋਬੋਟਿਕ ਸਰਜਰੀ ਵਿੱਚ ਮੁਹਾਰਤ ਅਤੇ ਸਾਰੇ ਮਰੀਜ਼ਾਂ ਨੂੰ ਅਤਿ-ਆਧੁਨਿਕ ਗੁਣਵੱਤਾ ਵਾਲੀ ਸਿਹਤ ਸੰਭਾਲ ਮੁਫਤ ਪ੍ਰਦਾਨ ਕਰਨ ਦੇ ਸਮਰਪਣ ਨੂੰ ਦਰਸ਼ਾਉਂਦੀ ਹੈ। ਅਜਿਹੀ ਗੁੰਝਲਦਾਰ ਰੋਬੋਟਿਕ ਸਰਜਰੀ, ਜੋ ਕਿ ਸਫਦਰਜੰਗ ਹਸਪਤਾਲ ਵਿੱਚ ਮੁਫ਼ਤ ਕੀਤੀ ਗਈ ਸੀ, ਨਿੱਜੀ ਖੇਤਰ ਵਿੱਚ ਲੱਖਾਂ ਤੋਂ ਵੱਧ ਖ਼ਰਚ ਹੋਣੇ ਸੀ।
(For more news apart from Safdarjung Hospital Latest News, stay tuned to Rozana Spokesman)
