ਬਸਪਾ ਸੁਪਰੀਮੋ ਮਾਇਆਵਤੀ ਨੇ ਮੋਦੀ ਸਰਕਾਰ ਉੱਤੇ ਹਮਲਾ ਕਰਦੇ ਹੋਏ ਅੱਜ ਕਿਹਾ ਕਿ ਇਹ ਸਰਕਾਰ ਹਰ ਮੋਰਚੇ ਉੱਤੇ .........
ਲਖਨਊ, 26 ਮਈ (ਏਜੰਸੀ) : ਬਸਪਾ ਸੁਪਰੀਮੋ ਮਾਇਆਵਤੀ ਨੇ ਮੋਦੀ ਸਰਕਾਰ ਉੱਤੇ ਹਮਲਾ ਕਰਦੇ ਹੋਏ ਅੱਜ ਕਿਹਾ ਕਿ ਇਹ ਸਰਕਾਰ ਹਰ ਮੋਰਚੇ ਉੱਤੇ ਅਸਫਲ ਹੋ ਗਈ ਹੈ| ਮਾਇਆਵਤੀ ਨੇ ਇੱਥੇ ਪੱਤਰਕਾਰਾਂ ਨੂੰ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਆਪਣੇ ਹਰ ਕਦਮ ਨੂੰ ਇਤਿਹਾਸਿਕ ਦੱਸਦੇ ਹਨ| ਪੈਟਰੋਲ-ਡੀਜਲ ਦੀਆਂ ਕੀਮਤਾਂ ਵੀ ਆਪਣੀ ਉਚਾਈ ਉੱਤੇ ਹਨ| ਇਹਨਾਂ ਦੀ ਚੋਰੀ ਅਤੇ ਉਪਰੋ ਦੀ ਸੀਨਾਜੋਰੀ ਵੀ ਇਤਿਹਾਸਿਕ ਹੈ|
Mayawatiਉਨ੍ਹਾਂ ਨੇ ਆਰੋਪ ਲਗਾਇਆ ਕਿ ਭਾਜਪਾ ਅਤੇ ਮੋਦੀ ਨੇ ਸਰਕਾਰੀ ਮਸ਼ੀਨਰੀ ਦਾ ਦੁਰਉਪਯੋਗ ਕਰ ਕੇ ਵਿਰੋਧੀਆਂ ਨੂੰ ਕਮਜ਼ੋਰ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ| ਮਾਇਆਵਤੀ ਨੇ ਕਿਹਾ ਕਿ ਮੋਦੀ ਸਰਕਾਰ ਨੂੰ ਚਾਰ ਸਾਲ ਦਾ ਜਸ਼ਨ ਮਨਾਉਣ ਦਾ ਕੋਈ ਅਧਿਕਾਰ ਨਹੀਂ ਹੈ| ਇਹ ਸਰਕਾਰ ਸਫੇਦ ਝੂਠ ਬੋਲਦੀ ਹੈ| ਚਾਰ ਸਾਲ ਪੂਰੇ ਹੋ ਗਏ ਹਨ ਅਤੇ ਇਹ ਸਾਫ਼ ਹੈ ਕਿ ਗਰੀਬੀ, ਬੇਰੋਜ਼ਗਾਰੀ, ਕਿਸਾਨਾਂ ਦੇ ਮੁੱਦੇ, ਮਹਿੰਗਾਈ ਦੇ ਮੋਰਚੇ ਉੱਤੇ ਇਹ ਸਰਕਾਰ ਇਤਿਹਾਸਿਕ ਰੂਪ ਤੋਂ ਅਸਫਲ ਹੋਈ ਹੈ|
Mayawatiਉਨ੍ਹਾਂ ਨੇ ਕਿਹਾ ਕਿ ਜਨਤਾ ਹਿੰਸਾ ਅਤੇ ਤਨਾਵ ਦਾ ਸਾਹਮਣਾ ਕਰ ਰਹੀ ਹੈ| ਦਲਿਤ, ਪਛੜੇ ਅਤੇ ਮੁਸਲਮਾਨ ਰੋਜ ਹਿੰਸਾ ਦਾ ਸਾਹਮਣਾ ਕਰ ਰਹੇ ਹਨ| ਦੱਸਣਯੋਗ ਹੈ ਕਿ ਮੋਦੀ ਨੇ 2014 ਵਿਚ 26 ਮਈ ਨੂੰ ਪ੍ਰਧਾਨ ਮੰਤਰੀ ਅਹੁਦੇ ਦੀ ਸਹੁੰ ਲਈ ਸੀ| ਸਰਕਾਰ ਦੇ ਚਾਰ ਸਾਲ ਪੂਰੇ ਹੋਣ ਉੱਤੇ ਭਾਜਪਾ ਇਸਦਾ ਜਸ਼ਨ ਵੀ ਮਨਾ ਰਹੀ ਹੈ|
