ਮੁੰਬਈ ਦੇ ਲੋਅਰ ਪਰੇਲ ਵਿਚ ਇਕ ਸਾਂਝੀ ਉਬਰ ਕੈਬ ਵਿਚ ਸਵਾਰ ਇਕ ਮਹਿਲਾ ਪੱਤਰਕਾਰ ਨੇ ਅਪਣੇ ਇਕ ਮਹਿਲਾ ਸਹਿਯਾਤਰੀ 'ਤੇ...
ਮੁੰਬਈ : ਮੁੰਬਈ ਦੇ ਲੋਅਰ ਪਰੇਲ ਵਿਚ ਇਕ ਸਾਂਝੀ ਉਬਰ ਕੈਬ ਵਿਚ ਸਵਾਰ ਇਕ ਮਹਿਲਾ ਪੱਤਰਕਾਰ ਨੇ ਅਪਣੇ ਇਕ ਮਹਿਲਾ ਸਹਿਯਾਤਰੀ 'ਤੇ ਨਸਲੀ ਟਿੱਪਣੀ ਅਤੇ ਹਮਲਾ ਕਰਨ ਦਾ ਦੋਸ਼ ਲਗਾਇਆ। ਮਹਿਲਾ ਪੱਤਰਕਾਰ ਨੇ ਕਈ ਟਵੀਟ ਅਤੇ ਫੇਸਬੁਕ 'ਤੇ ਪੋਸਟ ਕੀਤਾ ਹੈ, ਜਿਸ ਵਿਚ ਉਸ ਨੇ ਕਿਹਾ ਕਿ ਹੈ ਕਿ ਇਕ ਹੋਰ ਮਹਿਲਾ ਨੇ ਉਬਰ ਦੀ ਸਵਾਰੀ ਲਈ ਸਭ ਤੋਂ ਜ਼ਿਆਦਾ ਭੁਗਤਾਨ ਕਰਨ ਦੇ ਬਾਵਜੂਦ ਉਸ ਨੂੰ ਆਖ਼ਰ ਵਿਚ ਛੱਡਣ ਦੀ ਸ਼ਿਕਾਇਤ ਕੀਤੀ।
twitter
ਪੁਲਿਸ ਨੇ ਮਹਿਲਾ ਪੱਤਰਕਾਰ ਦੀ ਸ਼ਿਕਾਇਤ 'ਤੇ ਕੇਸ ਦਰਜ ਕਰ ਲਿਆ ਹੈ। ਪੱਤਰਕਾਰ ਨੇ ਕਿਹਾ ਕਿ ਜਦੋਂ ਉਸ ਨੇ ਮਾਮਲੇ ਵਿਚ ਦਖ਼ਲ ਦੇਣ ਦਾ ਯਤਨ ਕੀਤਾ ਤਾਂ ਉਸ 'ਤੇੰ ਰੰਗਰੂਪ ਨੂੰ ਲੈ ਕੇ ਨਸਲੀ ਟਿੱਪਣੀ ਕੀਤੀ ਗਈ ਅਤੇ ਕਾਰ ਵਿਚ ਉਸ ਦੇ ਨਾਂਲ ਮਾਰਕੁੱਟ ਕੀਤੀ ਗਈ। ਪੱਤਰਕਾਰ ਨੇ ਕਿਹਾ ਕਿ ਮਹਿਲਾ ਨੇ ਉਸ ਦੇ ਵਾਲ ਖਿੱਚੇ ਅਤੇ ਉਸ ਦੇ ਚਿਹਰੇ ਨੂੰ ਨੋਚ ਲਿਆ। ਪੀੜਤ ਮਹਿਲਾ ਪੱਤਰਕਾਰ ਦੇ ਅਨੁਸਾਰ ਦੋਸ਼ੀ ਮਹਿਲਾ ਕੈਬ ਵਿਚ ਉਸ ਦੇ ਨਾਲ ਸਫ਼ਰ ਕਰ ਰਹੀ ਸੀ।
woman journalist
ਇਸੇ ਦੌਰਾਨ ਦੂਜੀ ਮਹਿਲਾ ਨੇ ਕੈਬ ਚਾਲਕ ਨਾਲ ਇਸ ਗੱਲ 'ਤੇ ਲੜਾਈ ਸ਼ੁਰੂ ਕਰ ਦਿਤੀ ਕਿ ਉਹ ਜ਼ਿਆਦਾ ਕਿਰਾਇਆ ਦੇ ਰਹੀ ਹੈ, ਇਸ ਤੋਂ ਬਾਅਦ ਉਸ ਨੂੰ ਬਾਅਦ ਵਿਚ ਕਿਉਂ ਛੱਡਿਆ ਜਾ ਰਿਹਾ ਹੈ। ਇਸ 'ਤੇ ਜਦੋਂ ਮਹਿਲਾ ਪੱਤਰਕਾਰ ਨੇ ਕੈਬ ਡਰਾਈਵਰ ਦੇ ਬਚਾਅ ਵਿਚ ਬੋਲਣ ਦੀ ਕੋਸ਼ਿਸ਼ ਕੀਤੀ ਤਾਂ ਦੋਸ਼ੀ ਮਹਿਲਾ ਨੇ ਉਸ ਦੇ ਨਾਲ ਬਦਸਲੂਕੀ ਕੀਤੀ ਅਤੇ ਉਸ ਦੇ ਨਾਲ ਮਾਰਕੁੱਟ ਵੀ ਕੀਤੀ।
uber
ਪੀੜਤ ਮਹਿਲਾ ਨੇ ਦੋਸ਼ ਲਗਾਇਆ ਕਿ ਉਬਰ ਕੰਪਨੀ ਨੇ ਦੋਸ਼ੀ ਮਹਿਲਾ ਨਾਲ ਜੁੜੀ ਜਾਣਕਾਰੀ ਵੀ ਉਸ ਨਾਲ ਸਾਂਝੀ ਕਰਨ ਤੋਂ ਮਨ੍ਹਾਂ ਕਰ ਦਿਤਾ। ਨਾਲ ਹੀ ਉਨ੍ਹਾਂ ਕਿਹਾ ਕਿ ਉਬਰ ਉਨ੍ਹਾਂ ਦੀ ਸੁਰੱਖਿਆ ਨੂੰ ਲੈ ਕੇ ਕੁੱਝ ਨਹੀਂ ਕਰਦਾ। ਜੇਕਰ ਉਬਰ ਮੁੰਬਈ ਪੁਲਿਸ ਦੀ ਗੱਲ ਨਹੀਂ ਸਮਝ ਪਾ ਰਿਹਾ ਹੈ ਤਾਂ ਸਾਫ਼ ਹੈ ਕਿ ਇਕ ਆਮ ਨਾਗਰਿਕ ਹੋਣ ਦੇ ਨਾਤੇ ਉਹ ਬਿਲਕੁਲ ਵੀ ਸੁਰੱਖਿਅਤ ਨਹੀਂ ਹਨ। ਉਬਰ ਕੈਬ ਵਿਚ ਸਾਹਮਣੇ ਆਇਆ ਵੈਸੇ ਇਹ ਕੋਈ ਪਹਿਲਾ ਮਾਮਲਾ ਨਹੀਂ ਹੈ,
woman journalist
ਇਸ ਤੋਂ ਪਹਿਲਾਂ ਅਨੇਕਾਂ ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਇਸ ਤੋਂ ਇਲਾਵਾ ਉਬਰ ਕੈਬ ਦੇ ਡਰਾਈਵਰਾਂ ਵਲੋਂ ਕਈ ਔਰਤਾਂ ਅਤੇ ਲੜਕੀਆਂ ਨਾਲ ਬਦਸਲੂਕੀ ਅਤੇ ਬਲਾਤਕਾਰ ਵਰਗੀਆਂ ਘਟਨਾਵਾਂ ਦੇ ਮਾਮਲੇ ਵਿਚ ਸਾਹਮਣੇ ਆ ਚੁੱਕੇ ਹਨ। ਮਹਿਲਾ ਪੱਤਰਕਾਰ ਨੇ ਕਿਹਾ ਕਿ ਸਰਕਾਰ ਨੂੰ ਉਬਰ ਕੈਬ ਵਿਰੁਧ ਸਖ਼ਤੀ ਵਰਤਣੀ ਚਾਹੀਦੀ ਹੈ ਤਾਂ ਜੋ ਆਮ ਲੋਕਾਂ ਨੂੰ ਸੁਰੱਖਿਆ ਮਿਲ ਸਕੇ।
