ਦਿੱਲੀ ਦੇ ਵਸੰਤ ਵਿਹਾਰ ਵਿਚ ਟ੍ਰਿਪਲ ਮਰਡਰ ਕੇਸ ਗੁੱਥੀ ਸੁਲਝ ਗਈ ਹੈ। ਕਰਾਇਮ ਬ੍ਰਾਂਚ ਦੀ ਟੀਮ ਨੇ ਇਸ ਮਾਮਲੇ ਵਿਚ ਗੁਰੂਗ੍ਰਾਮ
ਨਵੀਂ ਦਿੱਲੀ : ਦਿੱਲੀ ਦੇ ਵਸੰਤ ਵਿਹਾਰ ਵਿਚ ਟ੍ਰਿਪਲ ਮਰਡਰ ਕੇਸ ਗੁੱਥੀ ਸੁਲਝ ਗਈ ਹੈ। ਕਰਾਇਮ ਬ੍ਰਾਂਚ ਦੀ ਟੀਮ ਨੇ ਇਸ ਮਾਮਲੇ ਵਿਚ ਗੁਰੂਗ੍ਰਾਮ ਤੋਂ ਇਕ ਮੁੰਡੇ ਤੇ ਇਕ ਕੁੜੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਬੀਤੇ ਸ਼ਨੀਵਾਰ ਨੂੰ ਵਸੰਤ ਵਿਹਾਰ ਦੇ ਇਕ ਫ਼ਲੈਟ ਵਿਚ ਬਜ਼ੁਰਗ ਜੋੜੇ ਦੇ ਨਾਲ ਨਾਲ ਉਨ੍ਹਾਂ ਦੇ ਕੇਅਰਟੇਕਰ ਦੀ ਲਾਸ਼ ਮਿਲੀ ਸੀ। ਪੁਲਿਸ ਦੇ ਮੁਤਾਬਕ ਤਿੰਨਾਂ ਦੀ ਹੱਤਿਆ ਲੁੱਟ ਦੇ ਮਕਸਦ ਨਾਲ ਹੋਈ। ਗ੍ਰਿਫ਼ਤਾਰ ਕੁੜੀ ਬਜ਼ੁਰਗ ਜੋੜੇ ਨੂੰ ਪਹਿਲਾ ਹੀ ਜਾਣਦੀ ਸੀ ਤੇ ਉਸਨੇ ਆਪਣੇ ਬੁਆਏਫ੍ਰੈਂਡ ਦੇ ਨਾਲ ਮਿਲਕੇ ਹੱਤਿਆ ਦੀ ਸਾਜ਼ਿਸ ਰਚੀ ਸੀ।
ਪੁਲਿਸ ਨੂੰ ਮਿਲੀ ਸੀਸੀਟੀਵੀ ਫੁਟੇਜ ਵਿਚ ਦੋਵੇਂ ਦੋਸ਼ੀਆਂ ਨੇ ਹੈਲਮੈਟ ਪਾਇਆ ਅਤੇ ਮੂੰਹ ਢੱਕਿਆ ਹੋਇਆ ਦਿਖਾਈ ਦੇ ਰਿਹਾ ਹੈ। ਕੇਅਰਟੇਕਰ ਖੁਸ਼ਬੂ ਨੌਟਿਆਲ 'ਤੇ ਚਾਕੂ ਨਾਲ 35 ਵਾਰ ਹਮਲਾ ਕੀਤਾ ਗਿਆ ਸੀ। ਉਸਨੇ ਆਖਰੀ ਸਾਹਾਂ ਤੱਕ ਬਜ਼ੁਰਗ ਜੋੜੇ ਨੂੰ ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਸੀ। ਦੱਸਿਆ ਜਾ ਰਿਹਾ ਹੈ ਦੋਸ਼ੀ ਮੁੰਡਾ ਇਸ ਤੋਂ ਪਹਿਲਾਂ ਵੀ ਹੱਤਿਆ ਦੇ ਇਕ ਮਾਮਲੇ ਵਿਚ ਦੋਸ਼ੀ ਹੈ।
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਸੋਮਵਾਰ ਨੂੰ ਪੁਲਿਸ ਦੇ ਹੱਥ ਕੁਝ ਅਹਿਮ ਸੁਰਾਗ ਲੱਗੇ ਸਨ। ਪੁਲਿਸ ਨੂੰ ਬਜ਼ੁਰਗ ਦੇ ਘਰ ਤੋਂ ਜਾਂਚ ਵਿਚ ਦੋ ਗਿਲਾਸਾਂ ਵਿਚ ਸ਼ਰਾਬ, ਸਿਗਰਟ ਦਾ ਪੈਕੇਟ ਅਤੇ ਸੜੀ ਹੋਈ ਬੀੜੀ ਮਿਲੀ ਸੀ। ਇੰਨਾ ਹੀ ਨਹੀਂ ਬਜ਼ੁਰਗ ਜੋੜੇ ਅਤੇ ਕੇਅਰ ਟੇਕਰ ਖੁਸ਼ਬੂ ਤਿੰਨਾਂ ਦੇ ਹੀ ਫ਼ੋਨ ਗਾਇਬ ਸੀ।ਇਸ ਦੇ ਨਾਲ ਪੁਲਿਸ ਨੂੰ ਅੰਦਾਜ਼ਾ ਹੋ ਗਿਆ ਸੀ ਕਿ ਘਟਨਾ ਨੂੰ ਕਿਸੇ ਸਾਜਿਸ਼ ਦੇ ਤਹਿਤ ਅੰਜਾਮ ਦਿੱਤਾ ਗਿਆ ਸੀ। ਇਸਦੇ ਬਾਅਦ ਪੁਲਿਸ ਨੇ ਸੀਸੀਟੀਵੀ ਫੁਟੇਜ ਦੇ ਅਧਾਰ 'ਤੇ ਜਾਂਚ ਸ਼ੁਰੂ ਕਰ ਦਿੱਤੀ ਸੀ।