ਗ਼ੈਰ ਤਜਰਬੇਕਾਰ ਪਰਵਾਰਕ ਮੁਖੀ ਦੀਆਂ ਗ਼ੈਰ ਜ਼ਿੰਮੇਵਾਰੀਆਂ ਦਾ ਖ਼ਮਿਆਜ਼ਾ ਤਾਂ ਸਮੁੱਚੇ ਪ੍ਰਵਾਰ (ਦੇਸ਼) ਨੂੰ ਭੁਗਤਣਾ ਹੀ ਪਵੇਗਾ ?
ਸੰਗਰੂਰ: ਭਾਰਤ ਵਰਗੇ ਵਿਸ਼ਾਲ ਦੇਸ਼ ਦੀ ਮਾੜੀ ਕਿਸਮਤ ਹੈ ਕਿ ਅਸੀਂ ਦੇਸ਼ ਨੂੰ ਚਲਾਉਣ ਦੀਆਂ ਜ਼ਿੰਮੇਵਾਰੀਆਂ ਉਨ੍ਹਾਂ ਲੋਕਾਂ ਨੂੰ ਸੌਂਪ ਦਿਤੀਆਂ ਹਨ ਜਿਨ੍ਹਾਂ ਕੋਲ ਅਪਣੇ ਪ੍ਰਵਾਰ ਨੂੰ ਚਲਾਉਣ ਦਾ ਵੀ ਤਜ਼ਰਬਾ ਨਹੀਂ। ਸਾਡੇ ਦੇਸ਼ ਦੇ ਪ੍ਰਧਾਨ ਸੇਵਕ ਨੂੰ ਅਪਣੀ ਪਤਨੀ ਦੀਆਂ ਮੰਗਾਂ ਜਾਂ ਲੋੜਾਂ ਦਾ ਕੋਈ ਅਨੁਭਵ ਨਹੀਂ। ਇਸੇ ਤਰ੍ਹਾਂ ਉਨ੍ਹਾਂ ਨੂੰ ਬੱਚਿਆਂ ਜਾਂ ਉਨ੍ਹਾਂ ਦੀਆਂ ਬੁਨਿਆਦੀ ਜ਼ਰੂਰਤਾਂ ਬਾਰੇ ਕੋਈ ਗਿਆਨ ਨਹੀਂ।
pm kisan
ਚੰਗਾ ਪ੍ਰਸ਼ਾਸਕ ਉਹ ਹੀ ਹੋ ਸਕਦਾ ਹੈ ਜਿਹੜਾ ਚੰਗਾ ਪਤੀ ਅਤੇ ਚੰਗਾ ਪਿਤਾ ਹੋਵੇ ਤੇ ਅਪਣੇ ਘਰ, ਪ੍ਰਵਾਰ, ਬੱਚਿਆਂ ਤੇ ਪਤਨੀ ਦੇ ਦੁੱਖਾਂ ਦਰਦਾਂ ਨੂੰ ਮਹਿਸੂਸ ਕਰ ਕੇ, ਉਨ੍ਹਾਂ ਦੀਆਂ ਲੋੜਾਂ ਪੂਰੀਆਂ ਕਰਨ ਦਾ ਹਰ ਸੰਭਵ ਯਤਨ ਵੀ ਕਰੇ। ਇਸੇ ਤਰ੍ਹਾਂ ਹਰ ਪ੍ਰਵਾਰ ਦੇ ਜ਼ਿੰਮੇਵਾਰ ਮੁਖੀ ਨੂੰ ਅਪਣੇ ਭਰਾਵਾਂ, ਭੈਣਾਂ, ਮਾਂ, ਬਾਪ, ਦੋਸਤਾਂ, ਮਿੱਤਰਾਂ, ਰਿਸ਼ਤੇਦਾਰਾਂ ਅਤੇ ਗਲੀ ਗਵਾਂਢ ਵਿਚ ਵਸਦੇ ਲੋਕਾਂ ਦੇ ਜਜ਼ਬਾਤਾਂ ਦੀ ਵੀ ਪੂਰੀ ਕਦਰ ਹੁੰਦੀ ਹੈ ਅਤੇ ਉਹ ਹਰ ਇਕੱਲੇ-ਇਕੱਲੇ ਪ੍ਰਵਾਰਕ ਮੈਂਬਰਾਂ ਦੀਆਂ ਲੋੜਾਂ ਨੂੰ ਵੀ ਬਾਖੂਬੀ ਸਮਝਣ ਦੀ ਸਮਰੱਥਾ ਰਖਦਾ ਹੈ।
Punjab Farmer
ਪਰ ਜਿਹੜਾ ਮਨੁੱਖ ਨਾ ਚੰਗਾ ਪਤੀ, ਨਾ ਚੰਗਾ ਪਿਤਾ, ਨਾ ਚੰਗਾ ਪੁੱਤਰ, ਨਾ ਚੰਗਾ ਦੋਸਤ ਅਤੇ ਨਾ ਚੰਗਾ ਗਵਾਂਢੀ ਹੋਵੇ ਉਸ ਪਾਸੋਂ ਕਿਸੇ ਦੇ ਭਲੇ ਦੀ ਆਸ ਰੱਖਣੀ ਵਿਅਰਥ ਅਤੇ ਮੂਰਖਤਾ ਹੈ ਕਿਉਂਕਿ ਉਹ ਅਪਣੇ ਜੀਵਨ ਦੌਰਾਨ ਕਦੇ ਵੀ ਚੰਗਾ ਨਾਗਰਿਕ ਜਾਂ ਚੰਗਾ ਸਮਾਜਿਕ ਜੀਵ ਨਹੀਂ ਬਣ ਸਕਦਾ। ਕਮਾਲ ਦੀ ਗੱਲ ਹੈ ਕਿ ਅਜਿਹਾ ਮਨੁੱਖ ਅਪਣੇ ਖੱਬੇ ਸੱਜੇ ਵਸਦੇ ਗਵਾਂਢੀਆਂ ਨਾਲ ਵੀ ਰਿਸ਼ਤੇ ਸੁਖਾਵੇਂ ਨਹੀਂ ਰੱਖ ਸਕਦਾ ਅਤੇ ਰੋਜ਼ਾਨਾ ਇੱਟ ਖੜਿਕਾ ਰਖਦਾ ਹੈ ਪਰ ਇਸ ਬੇਵਕੂਫ਼ੀ ਦਾ ਖਮਿਆਜਾ ਵੀ ਸਮੁੱਚੇ ਪ੍ਰਵਾਰ ਨੂੰ ਹੀ ਭੁਗਤਣਾ ਪੈਂਦਾ ਹੈ।
Mustard Farming
ਇਸੇ ਤਰ੍ਹਾਂ ਭਾਰਤ ਖੇਤੀ ਪ੍ਰਧਾਨ ਦੇਸ਼ ਹੈ ਜਿਸ ਦੀ 85 ਫ਼ੀ ਸਦੀ ਅਬਾਦੀ ਕਿਸੇ ਨਾ ਕਿਸੇ ਢੰਗ ਨਾਲ ਖੇਤੀਬਾੜੀ ਜਾਂ ਉਸ ਨਾਲ ਸਬੰਧਤ ਕਿੱਤਿਆਂ ਤੋਂ ਕਮਾਈ ਕਰ ਕੇ ਅਪਣਾ ਟੱਬਰ ਪਾਲਦੀ ਆ ਰਹੀ ਹੈ ਪਰ ਬਹੁਤ ਅਫ਼ਸੋਸ ਨਾਲ ਕਹਿਣਾ ਪੈ ਰਿਹਾ ਹੈ ਕਿ ਸਾਡੇ ਦੇਸ਼ ਦੇ ਖੇਤੀ ਮੰਤਰੀ ਨਰਿੰਦਰ ਸਿੰਘ ਤੋਮਰ ਖੇਤੀਬਾੜੀ ਬਾਰੇ ਊੜਾ ਜਾਂ ਐੜਾ ਵੀ ਨਹੀਂ ਜਾਣਦੇ ਕਿਉਂਕਿ ਉਹ ਬੇਜ਼ਮੀਨੇ ਹਨ ਅਤੇ ਜ਼ਮੀਨ ਦਾ ਇਕ ਛੋਟਾ ਟੁਕੜਾ ਵੀ ਉਨ੍ਹਾਂ ਕੋਲ ਨਹੀਂ।
PM Narinder Modi
ਇਸ ਤੋਂ ਪਹਿਲਾਂ ਦੀਆਂ ਸਰਕਾਰਾਂ ਵਿਚ ਕੇਂਦਰੀ ਖੇਤੀਬਾੜੀ ਮੰਤਰੀ ਦੇ ਤੌਰ 'ਤੇ ਸ਼ਰਦ ਪਵਾਰ, ਸੁਰਜੀਤ ਸਿੰਘ ਬਰਨਾਲਾ, ਬਲਰਾਮ ਜਾਖੜ, ਗੁਰਦਿਆਲ ਸਿੰਘ ਢਿੱਲੋਂ, ਚੌਧਰੀ ਦੇਵੀ ਲਾਲ, ਸਵਰਨ ਸਿੰਘ, ਰਾਜਨਾਥ ਸਿੰਘ, ਐਚ ਡੀ ਦੇਵਗੌੜਾ ਅਤੇ ਪ੍ਰਕਾਸ਼ ਸਿੰਘ ਬਾਦਲ ਵਰਗੇ ਵੱਡੇ ਕਿਸਾਨਾਂ ਨੂੰ ਹੀ ਇਹ ਜਿੰਮੇਵਾਰੀਆਂ ਦਿਤੀਆਂ ਜਾਂਦੀਆਂ ਰਹੀਆਂ ਹਨ ਕਿਉਂਕਿ ਇਨ੍ਹਾਂ ਨੂੰ ਖੇਤੀਬਾੜੀ ਦੇ ਕਿੱਤੇ ਬਾਰੇ ਲੋੜੀਂਦਾ ਬੁਨਿਆਦੀ ਗਿਆਨ ਸੀ
Parkash Singh Badal
ਅਤੇ ਉਹ ਇਸ ਸੈਕਟਰ ਨੂੰ ਦਰਪੇਸ਼ ਚੁਣੌਤੀਆਂ ਨੂੰ ਬਹੁਤ ਚੰਗੀ ਤਰ੍ਹਾਂ ਜਾਣਦੇ ਸਨ ਪਰ ਹੁਣ ਸਾਡੀ ਖੇਤੀਬਾੜੀ ਵਾਲੀ ਗੱਡੀ ਦਾ ਡਰਾਈਵਰ ਉਹ ਹੈ ਜਿਸ ਨੂੰ ਸਟੇਅਰਿੰਗ ਬਾਰੇ ਤਾਂ ਜਾਣਕਾਰੀ ਹੈ, ਪਰ ਇਹ ਪਤਾ ਨਹੀਂ ਕਿ ਇਸ ਦਾ ਗੇਅਰ ਕਿਥੇ ਹੈ, ਬਰੇਕ ਕਿਥੇ ਹੈ ਜਾਂ ਕਲੱਚ ਅਤੇ ਐਕਸੀਲੇਟਰ ਕਿਥੇ ਹੈ। ਜੇਕਰ ਤੁਹਾਡੇ ਦੇਸ਼ ਦੇ ਭਵਿੱਖ ਦੀ ਗੱਡੀ ਅਜਿਹੇ ਲੋਕਾਂ ਦੇ ਹੱਥਾਂ ਵਿਚ ਹੈ ਜਿਹੜੇ ਤੁਹਾਨੂੰ ਸੁਰੱਖਿਅਤ ਢੰਗ ਨਾਲ ਤੁਹਾਡੀ ਮੰਜ਼ਲ 'ਤੇ ਪਹੁੰਚਾ ਨਹੀਂ ਸਕਦੇ ।
