ਦਿੱਲੀ ਦੇ ਸ਼ਾਹੀਨ ਬਾਗ ਵਿਚ ਲਗਾਤਾਰ ਸੀਏਏ ਅਤੇ ਸੰਭਾਵਤ ਐਨਆਰਸੀ ਵਿਰੁੱਧ ਪ੍ਰਦਰਸ਼ਨ ਹੋ ਰਿਹਾ ਹੈ ਪਰ ਇਸ ਪ੍ਰਦਰਸ਼ਨ ਦੀ ਗੂੰਜ ਭਾਰਤ ਦੇ ਨਾਲ-ਨਾਲ...
ਨਵੀਂ ਦਿੱਲੀ : ਦਿੱਲੀ ਦੇ ਸ਼ਾਹੀਨ ਬਾਗ ਵਿਚ ਲਗਾਤਾਰ ਸੀਏਏ ਅਤੇ ਸੰਭਾਵਤ ਐਨਆਰਸੀ ਵਿਰੁੱਧ ਪ੍ਰਦਰਸ਼ਨ ਹੋ ਰਿਹਾ ਹੈ ਪਰ ਇਸ ਪ੍ਰਦਰਸ਼ਨ ਦੀ ਗੂੰਜ ਭਾਰਤ ਦੇ ਨਾਲ-ਨਾਲ ਦੁਬਈ ਵਿਚ ਵੀ ਸੁਣਾਈ ਦੇ ਰਹੀ ਹੈ। ਦਰਅਸਲ ਇੱਥੇ ਇਕ ਵਿਅਕਤੀ ਨੇ ਜਦੋਂ ਨੋਕਰੀ ਮੰਗੀ ਤਾਂ ਉਨ੍ਹਾਂ ਨੂੰ ਕਿਹਾ ਗਿਆ ਕਿ ਉਹ ਇੱਥੇ ਨੋਕਰੀ ਕਰਨ ਦੀ ਥਾਂ ਦਿੱਲੀ ਦੇ ਸ਼ਾਹੀਨ ਬਾਗ ਵਿਚ ਜਾ ਕੇ ਪ੍ਰਦਰਸ਼ਨ ਕਰਨ।
Photo
ਮੀਡੀਆ ਰਿਪੋਰਟਾ ਦੀ ਮੰਨੀਏ ਤਾਂ 23 ਸਾਲਾਂ ਦੇ ਅਬਦੁੱਲਾ ਐਮਐਸ ਨੇ ਮਕੈਨੀਕਲ ਇੰਜੀਨਿਅਰ ਦੀ ਅਸਾਮੀ ਲਈ ਅਪਲਾਈ ਕੀਤਾ ਸੀ ਪਰ ਉੱਥੋਂ ਦੇ ਇਕ ਕੰਸਲਟੈਸੀ ਫਰਮ ਦੇ ਸੀਨੀਅਰ ਅਧਿਕਾਰੀ ਜੇਯੰਤ ਖੋਖਲੇ ਨੇ ਈਮੇਲ ਵਿਚ ਜਵਾਬ ਦਿੰਦਿਆ ਕਿਹਾ ਕਿ ''ਮੈਨੂੰ ਲੱਗਦਾ ਹੈ ਕਿ ਤੁਹਾਨੂੰ ਨੌਕਰੀ ਦੀ ਕੀ ਜ਼ਰੂਰਤ ਹੈ? ਤੁਸੀ ਦਿੱਲੀ ਜਾਓ ਅਤੇ ਉੱਥੇ ਸ਼ਾਹੀਨ ਬਾਗ ਦੇ ਵਿਚ ਹੋ ਰਹੇ ਪ੍ਰਦਰਸ਼ਨ ਵਿਚ ਸ਼ਾਮਲ ਹੋ ਜਾਓ, ਰੋਜ਼ਾਨਾ ਤੁਹਾਨੂੰ ਇਕ ਹਜ਼ਾਰ ਰੁਪਏ ਮਿਲਣੇਗ ਅਤੇ ਨਾਲ ਹੀ ਖਾਣਾ, ਬਰਿਆਨੀ, ਮਠਿਆਈ ਅਤੇ ਚਾਹ ਵੀ ਮਿਲੇਗੀ''।
File Photo
ਜਦੋਂ ਗੋਖਲੇ ਦੁਆਰਾ ਭੇਜਿਆ ਇਹ ਮੇਲ ਅਬਦੁੱਲਾ ਨੇ ਪੜਿਆ ਤਾਂ ਉਹ ਵੀ ਹੈਰਾਨ ਰਹਿ ਗਿਆ। ਅਬਦੁੱਲਾ ਨੇ ਕਿਹਾ ਕਿ ਉਨ੍ਹਾਂ ਨੂੰ ਅਜਿਹੇ ਜਵਾਬ ਦੀ ਕਦੇ ਵੀ ਉਮੀਦ ਨਹੀਂ ਸੀ ਅਤੇ ਇਸ ਤਰ੍ਹਾਂ ਦੀਆਂ ਗੱਲਾਂ ਆਖਰ ਕੋਣ ਕਿਵੇਂ ਲਿਖ ਸਕਦਾ ਹੈ। ਉਨ੍ਹਾਂ ਦੱਸਿਆ ਕਿ ਜਦੋਂ ਇਹ ਮੇਲ ਉਨ੍ਹਾਂ ਨੇ ਆਪਣੇ ਦੋਸਤਾਂ ਨਾਲ ਸਾਂਝਾ ਕੀਤਾ ਤਾਂ ਇਹ ਵਾਇਰਲ ਹੋ ਗਿਆ।
Photo
ਅਬਦੁੱਲਾ ਮੁਤਾਬਕ ਉਹ ਇਸ ਪੂਰੇ ਮਾਮਲੇ 'ਤੇ ਕੋਈ ਵੀ ਵਿਵਾਦ ਨਹੀਂ ਚਾਹੁੰਦੇ ਪਰ ਮੇਲ ਦੇ ਵਾਇਰਲ ਹੁੰਦਿਆ ਸ਼ੋਸਲ ਮੀਡੀਆ 'ਤੇ ਲੋਕਾਂ ਨੇ ਗੋਖਲੇ ਵਿਰੁੱਧ ਕਾਰਵਾਈ ਕਰਨ ਦੀ ਮੰਗ ਕਰਨੀ ਸ਼ੁਰੂ ਕਰ ਦਿੱਤੀ। ਲੋਕਾਂ ਦਾ ਕਹਿਣਾ ਸੀ ਕਿ ਗੋਖਲੇ ਨੇ ਨੌਕਰੀ ਦੇਣ 'ਤੇ ਧਾਰਮਿਕ ਭੇਦ-ਭਾਵ ਕੀਤਾ ਹੈ।
File Photo
ਪੂਰਾ ਮਾਮਲਾ ਵੱਧਦਾ ਵੇਖ ਗੋਖਲੇ ਨੇ ਵੀ ਇਸ 'ਤੇ ਸਫ਼ਾਈ ਦਿੱਤੀ ਹੈ ਗਲਫ ਨਿਊਜ਼ ਨਾਲ ਗੱਲਬਾਤ ਕਰਦੇ ਹੋਏ ਗੋਖਲੇ ਨੇ ਕਿਹਾ ਹੈ ਕਿ ਉਸ ਦੇ ਮੇਲ ਦਾ ਲੋਕ ਜ਼ਬਰਦਸਤੀ ਮੁੱਦਾ ਬਣਾ ਰਹੇ ਹਨ ਅਤੇ ਉਨ੍ਹਾਂ ਦਾ ਮਕਸਦ ਕਿਸੇ ਨੂੰ ਠੇਸ ਪਹੁੰਚਾਉਣ ਨਹੀਂ ਸੀ। ਗੋਖਲੇ ਨੇ ਇਹ ਵੀ ਦਾਅਵਾ ਕੀਤਾ ਕਿ ਉਨ੍ਹਾਂ ਨੇ ਅਬਦੁੱਲਾ ਤੋਂ ਪਹਿਲਾਂ ਹੀ ਮਾਫ਼ੀ ਮੰਗ ਲਈ ਹੈ।
