ਜਾਣਕਾਰੀ ਮੁਤਾਬਕ ਅਰਜਨਟੀਨਾ ਦੀ ਇਹ ਬਿੱਲੀ ਜਿਸ ਦਾ ਨਾਮ 'ਕੀਮੇਰਾ' ਹੈ ਅਤੇ ਉਹ ਬਹੁਤ ਹੀ ਵਿਲੱਖਣ ਚਿਹਰੇ ਦੇ ਨਾਲ ਪੈਦਾ ਹੋਈ ਹੈ।
ਨਵੀਂ ਦਿੱਲੀ- ਦੁਨੀਆ ਵਿਚ ਕਾਲੇ ਅਤੇ ਗੋਰੇ ਰੰਗ ਦੇ ਚਿਹਰਿਆਂ ਵਾਲੇ ਇਨਸਾਨ ਹਨ। ਪਰ ਜਦੋਂ ਤੁਸੀਂ ਜਾਨਵਰਾਂ ਦੇ ਕਾਲੇ ਅਤੇ ਗੋਰੇ ਰੰਗ ਬਾਰੇ ਸੁਣੋਗੇ ਤਾਂ ਤੁਸੀਂ ਵੀ ਹੈਰਾਨ ਹੋ ਜਾਵੋਗੇ। ਇਨੀਂ ਦਿਨੀਂ ਇੰਟਰਨੈੱਟ 'ਤੇ ਦੋ ਚਿਹਰੇ ਵਾਲੀ ਬਿੱਲੀ ਦੀਆਂ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਬਿੱਲੀ ਦੇ ਦੋਵੇਂ ਚਿਹਰੇ ਨਜ਼ਰ ਆਉਂਦੇ ਹਨ।
File Photo
ਇਹਨਾਂ ਦੋ ਚਿਹਰਿਆਂ ਦੇ ਨਾਲ ਬਿੱਲੀ ਜਿੱਥੇ ਖੂਬਸੂਰਤ ਨਜ਼ਰ ਆਉਂਦੀ ਹੈ ਉੱਥੇ ਉਨੀ ਹੀ ਡਰਾਉਣੀ ਵੀ ਲੱਗ ਰਹੀ ਹੈ। ਸੋਸ਼ਲ ਮੀਡੀਆ 'ਤੇ ਤਸਵੀਰਾਂ ਵਾਇਰਲ ਹੋਣ ਤੋਂ ਬਾਅਦ ਲੋਕ ਕਈ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਜਾਣਕਾਰੀ ਮੁਤਾਬਕ ਅਰਜਨਟੀਨਾ ਦੀ ਇਹ ਬਿੱਲੀ ਜਿਸ ਦਾ ਨਾਮ 'ਕੀਮੇਰਾ' ਹੈ ਅਤੇ ਉਹ ਬਹੁਤ ਹੀ ਵਿਲੱਖਣ ਚਿਹਰੇ ਦੇ ਨਾਲ ਪੈਦਾ ਹੋਈ ਹੈ।
File Photo
ਬਿੱਲੀ ਦਾ ਇਹ ਨਾਮ ਉਸ ਦੀ ਜੈਨੇਟਿਕ ਹਾਲਤ ਜਿਸ ਨੂੰ 'ਚਿਮੇਰਾ' ਕਿਹਾ ਜਾਂਦਾ ਹੈ ਉਸ 'ਤੇ ਰੱਖਿਆ ਗਿਆ ਹੈ। ਇਹ ਹਾਲਤ ਉਦੋਂ ਬਣਦੀ ਹੈ ਜਦੋਂ ਦੋ ਵੱਖ-ਵੱਖ ਭਰੂਣਾਂ ਦੇ ਫਿਊਜ਼ਨ ਨਾਲ ਇਕ ਭਰੂਣ ਬਣਦਾ ਹੈ। ਭਾਵੇਂ ਕਿ ਫੇਲਿਨ ਜੇਨੇਟਿਕ ਚਿਮੇਰਾ ਕਹੀ ਜਾਣ ਵਾਲੀ ਚੀਜ਼ ਕਾਫੀ ਸਧਾਰਨ ਮੰਨੀ ਜਾਂਦੀ ਹੈ ਪਰ ਕੀਮੇਰਾ ਦੇ ਮਾਮਲੇ ਵਿਚ ਇਹ ਇਸ ਲਈ ਖਾਸ ਹੈ ਕਿਉਂਕਿ ਇਸ ਹਾਲਤ ਕਾਰਨ ਕੀਮੇਰਾ ਨੂੰ ਦੋ ਵੱਖ-ਵੱਖ ਚਿਹਰੇ ਮਿਲੇ ਹਨ।
File Photo
ਇੰਨਾ ਹੀ ਨਹੀਂ ਕੀਮੇਰਾ ਇਸ ਲਈ ਜ਼ਿਆਦਾ ਖਾਸ ਹੈ ਕਿਉਂਕਿ ਇਸ ਕਾਰਨ ਉਸ ਦੇ ਚਿਹਰੇ ਦੇ ਵਿਚ ਇਕ ਲਾਈਨ ਹੈ। ਜਿਸ ਕਾਰਨ ਉਸ ਦੇ ਚਿਹਰੇ ਦਾ ਇਕ ਹਿੱਸਾ ਭੂਰੇ ਰੰਗ ਦਾ ਅਤੇ ਅੱਖ ਪੀਲੀ ਨਜ਼ਰ ਆਉਂਦੀ ਹੈ ਉੱਥੇ ਦੂਜਾ ਹਿੱਸਾ ਕਾਲੇ ਰੰਗ ਦਾ ਅਤੇ ਅੱਖ ਨੀਲੀ ਨਜ਼ਰ ਆਉਂਦੀ ਹੈ। ਇਸ ਕਾਰਨ ਇਹ ਬਿੱਲੀ ਹੋਰ ਵੀ ਜ਼ਿਆਦਾ ਖੂਬਸਰੂਤ ਅਤੇ ਡਰਾਉਣੀ ਦਿਖਾਈ ਦਿੰਦੀ ਹੈ। ਇਹ ਰੰਗ ਉਸ ਦੇ ਪੂਰੇ ਸਰੀਰ 'ਤੇ ਨਜ਼ਰ ਆਉਂਦਾ ਹੈ।
