ਮੈਂ ਕਹਿਣਾ ਚਾਹੁੰਦਾ ਸੀ ਮੌਲਾਨਾ ਅਜ਼ਾਦ ਪਰ ਮੇਰੇ ਮੂੰਹ ਚੋਂ ਮੁਹੰਮਦ ਅਲੀ ਜਿਨਹਾ ਨਿਕਲ ਗਿਆ
ਨਵੀਂ ਦਿੱਲੀ: ਕਾਂਗਰਸ ਨੂੰ ਮੁਹੰਮਦ ਅਲੀ ਜਿਨਹਾ ਦੀ ਪਾਰਟੀ ਦੱਸਣ ਤੋਂ ਬਾਅਦ ਹੁਣ ਸ਼ਤਰੂਘਨ ਸਿਨਹਾ ਨੇ ਇਸ ਤੇ ਸਫ਼ਾਈ ਦਿੱਤੀ ਹੈ। ਬਿਆਨ ’ਤੇ ਹੋ ਰਹੇ ਸਿਆਸੀ ਹੰਗਾਮੇ ਤੋਂ ਬਾਅਦ ਸਿਨਹਾ ਨੇ ਕਿਹਾ ਕਿ ਮੈਂ ਕੱਲ੍ਹ ਜੋ ਵੀ ਕਿਹਾ ਉਹ ਸਭ ਗਲਤੀ ਨਾਲ ਬੋਲ ਹੋ ਗਿਆ। ਮੈਂ ਕਹਿਣਾ ਚਾਹੁੰਦਾ ਸੀ ਮੌਲਾਨਾ ਅਜ਼ਾਦ ਪਰ ਮੇਰੇ ਮੂੰਹ ਚੋਂ ਮੁਹੰਮਦ ਅਲੀ ਜਿਨਹਾ ਨਿਕਲ ਗਿਆ।
Shatrughan Sinha
ਕਾਂਗਰਸ ਟਿਕਟ ਤੇ ਬਿਹਾਰ ਦੇ ਪਟਨਾ ਸਾਹਿਬ ਤੋਂ ਚੋਣ ਲੜ ਰਹੇ ਸ਼ਤਰੂਘਨ ਸਿਨਹਾ ਨੇ ਮੱਧ ਪ੍ਰਦੇਸ਼ ਦੇ ਛਿੰਦਵਾੜਾ ਦੇ ਸੌਸਰ ਵਿਚ ਇਕ ਚੋਣ ਸਭਾ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਸੀ ਕਿ ਭਾਰਤ ਦੀ ਅਜ਼ਾਦੀ ਅਤੇ ਵਿਕਾਸ ਵਿਚ ਜਿਨਹਾ ਦਾ ਵੀ ਯੋਗਦਾਨ ਹੈ। ਕਾਂਗਰਸ ਪਰਵਾਰ ਮਹਾਤਮਾ ਗਾਂਧੀ ਤੇ ਸਰਦਾਰ ਵਲਭ ਭਾਈ ਪਟੇਲ ਤਕ, ਮੁਹੰਮਦ ਅਲੀ ਜਿਨਹਾ ਤੋਂ ਲੈ ਕੇ ਜਵਾਹਰ ਲਾਲ ਨਹਿਰੂ ਤਕ, ਇੰਦਰਾ ਗਾਂਧੀ ਤੋਂ ਲੈ ਕੇ ਰਾਜੀਵ ਗਾਂਧੀ ਅਤੇ ਰਾਹੁਲ ਗਾਂਧੀ ਤਕ ਦੀ ਪਾਰਟੀ ਹੈ।
Shatrughan Sinha
ਭਾਰਤ ਦੀ ਆਜ਼ਾਦੀ ਅਤੇ ਵਿਕਾਸ ਵਿਚ ਇਹਨਾਂ ਸਾਰਿਆਂ ਦਾ ਯੋਗਦਾਨ ਹੈ। ਇਸ ਲਈ ਮੈਂ ਕਾਂਗਰਸ ਪਾਰਟੀ ਵਿਚ ਆਇਆਂ ਹਾਂ। ਮੈਂ ਇਸ ਪਾਰਟੀ ਵਿਚ ਇਕ ਵਾਰ ਆ ਗਿਆ ਹਾਂ ਹੁਣ ਜਾਣ ਦਾ ਸਵਾਲ ਹੀ ਨਹੀਂ ਹੈ। ਉਹਨਾਂ ਦੇ ਇਸ ਬਿਆਨ ’ਤੇ ਸਿਆਸੀ ਜੰਗ ਛਿੜ ਪਈ ਸੀ ਅਤੇ ਭਾਜਪਾ ਨੂੰ ਕਾਂਗਰਸ ਤੇ ਹਮਲੇ ਕਰਨ ਦਾ ਮੌਕਾ ਮਿਲ ਗਿਆ ਸੀ। ਇਸ ’ਤੇ ਕਾਂਗਰਸ ਨੂੰ ਅਪਣੇ ਵੱਲੋਂ ਸਫ਼ਾਈ ਵੀ ਦੇਣੀ ਪਈ।
#WATCH Shatrughan Sinha, Congress candidate from Bihar's Patna Sahib on his statement,"from Mahatma Gandhi to Muhammad Ali Jinnah, all part of Congress Parivar": Whatever I said yesterday was slip of tongue. I wanted to say Maulana Azad but uttered Muhammad Ali Jinnah. pic.twitter.com/N2s63aOufj
— ANI (@ANI) April 27, 2019
ਹਾਲਾਂਕਿ ਕਾਂਗਰਸ ਨੇ ਇਸ ਬਿਆਨ ਤੋਂ ਪੂਰੀ ਤਰਾ ਪੱਲਾ ਝਾੜਦੇ ਹੋਏ ਭਾਜਪਾ ਨੂੰ ਹੀ ਸਫ਼ਾਈ ਦੇਣ ਨੂੰ ਕਿਹਾ। ਅੱਜ ਪ. ਚਿਦੰਬਰਮ ਨੇ ਕਿਹਾ ਉਹਨਾਂ ਦੇ ਜੋ ਵੀ ਵਿਚਾਰ ਹਨ, ਉਹਨਾਂ ਦਾ ਸਪੱਸ਼ਟੀਕਰਨ ਦਿੱਤਾ ਜਾਣਾ ਚਾਹੀਦਾ ਹੈ। ਕੁਝ ਦਿਨ ਪਹਿਲਾਂ ਉਹ ਭਾਜਪਾ ਦਾ ਹਿੱਸਾ ਸਨ। ਭਾਜਪਾ ਨੂੰ ਦਸਣਾ ਚਾਹੀਦਾ ਹੈ ਕਿ ਉਹ ਇੰਨੇ ਸਾਲ ਤਕ ਪਾਰਟੀ ਦਾ ਹਿੱਸਾ ਕਿਉਂ ਸਨ। ਮੈਂ ਪਾਰਟੀ ਦੇ ਹਰ ਮੈਂਬਰ ਦੇ ਬਿਆਨ ’ਤੇ ਸਪੱਸ਼ਟੀਕਰਨ ਨਹੀਂ ਦੇ ਸਕਦਾ, ਸਿਰਫ ਪਾਰਟੀ ਦੇ ਅਧਿਕਾਰਿਕ ਸਟੈਂਡ ’ਤੇ ਹੀ ਕੁਝ ਬੋਲ ਸਕਦਾ ਹਾਂ।
