ਭਾਜਪਾ ਸੰਸਦ ਮੈਂਬਰ ਅਤੇ ਉਘੀ ਅਭਿਨੇਤਰੀ ਹੇਮਾਮਾਲਿਨੀ ਦਾ ਕਹਿਣਾ ਹੈ ਕਿ ਉਹ ਜਦ ਚਾਹੁਣ, ਤਦ ਮੁੱਖ ਮੰਤਰੀ ਬਣ ਸਕਦੀ ਹੈ................
ਜੈਪੁਰ : ਭਾਜਪਾ ਸੰਸਦ ਮੈਂਬਰ ਅਤੇ ਉਘੀ ਅਭਿਨੇਤਰੀ ਹੇਮਾਮਾਲਿਨੀ ਦਾ ਕਹਿਣਾ ਹੈ ਕਿ ਉਹ ਜਦ ਚਾਹੁਣ, ਤਦ ਮੁੱਖ ਮੰਤਰੀ ਬਣ ਸਕਦੀ ਹੈ ਪਰ ਉਸ ਨੂੰ ਇਸ ਦੀ ਖ਼ਾਹਿਸ਼ ਨਹੀਂ ਕਿਉਂਕਿ ਉਹ ਖ਼ੁਦ ਨੂੰ ਬੰਨ੍ਹਣਾ ਨਹੀਂ ਚਾਹੁੰਦੀ। ਯੂਪੀ ਦੇ ਮਥੁਰਾ ਤੋਂ ਭਾਜਪਾ ਸੰਸਦ ਮੈਂਬਰ ਅਭਿਨੇਤਰੀ ਨੇ ਬਾਂਸਵਾੜਾ ਠਾਹਰ ਦੌਰਾਨ ਇਹ ਗੱਲ ਉਸ ਵਕਤ ਕਹੀ ਜਦ ਉਸ ਨੂੰ ਪੁਛਿਆ ਗਿਆ ਕਿ ਜੇ ਉਸ ਨੂੰ ਮੌਕਾ ਮਿਲੇ ਤਾਂ ਕੀ ਉਹ ਮੁੱਖ ਮੰਤਰੀ ਬਣੇਗੀ? ਕਲ ਸ਼ਾਮ ਬਾਂਸਵਾੜਾ ਵਿਚ ਪੱਤਰਕਾਰਾਂ ਨਾਲ ਗੱਲਬਾਤ ਵਿਚ ਹੇਮਾਮਾਲਿਨੀ ਨੇ ਕਿਹਾ, 'ਮੈਨੂੰ ਇਸ ਦਾ ਸ਼ੌਕ ਨਹੀਂ ਹੈ। ਜੇ ਮੈਂ ਬਣਨਾ ਚਾਹਾਂ ਤਾਂ ਇਕ ਮਿੰਟ ਵਿਚ ਬਣ ਸਕਦੀ ਹਾਂ
ਪਰ ਇੰਜ ਮੈਂ ਘਰੇ ਬੈਠ ਜਾਵਾਂਗੀ ਅਤੇ ਇਸ ਨਾਲ ਮੇਰਾ ਆਜ਼ਾਦ ਆਉਣ-ਜਾਣ ਰੁਕ ਜਾਵੇਗਾ।' ਅਭਿਨੇਤਰੀ ਨੇ ਕਿਹਾ ਕਿ ਉਸ ਨੇ ਅਪਣੇ ਚੋਣ ਖੇਤਰ ਵਿਚ ਬਹੁਤ ਕੰਮ ਕੀਤਾ ਹੈ। ਹੇਮਾਮਾਲਿਨੀ ਨੇ ਕਿਹਾ ਕਿ ਉਸ ਨੂੰ ਬਾਲੀਵੁਡ ਵਿਚ ਮਿਲੀ ਪ੍ਰਸਿੱਧੀ ਕਾਰਨ ਜਾਣਿਆ ਜਾਂਦਾ ਹੈ ਅਤੇ ਉਸ ਨੂੰ ਸੰਸਦ ਮੈਂਬਰ ਬਣਾਉਣ ਵਿਚ ਇਸ ਪ੍ਰਸਿੱਧੀ ਦੀ ਅਹਿਮ ਭੂਮਿਕਾ ਰਹੀ ਹੈ। ਉਨ੍ਹਾਂ ਕਿਹਾ, 'ਸੰਸਦ ਮੈਂਬਰ ਬਣਨ ਤੋਂ ਪਹਿਲਾਂ ਵੀ ਮੈਂ ਪਾਰਟੀ ਲਈ ਬਹੁਤ ਕੰਮ ਕੀਤਾ ਹੈ। ਹੁਣ ਸੰਸਦ ਮੈਂਬਰ ਬਣਨ ਮਗਰੋਂ ਮੈਨੂੰ ਲੋਕਾਂ ਲਈ ਕੰਮ ਕਰਨ ਦਾ ਮੌਕਾ ਮਿਲਿਆ ਹੈ। ਮੈਂ ਪਿਛਲੇ ਚਾਰ ਸਾਲਾਂ ਵਿਚ ਅਪਣੇ ਚੋਣ ਖੇਤਰ ਵਿਚ ਸੜਕ ਨਿਰਮਾਣ ਸਮੇਤ ਵਿਕਾਸ ਦੇ ਕਈ ਕੰਮ ਕੀਤੇ ਹਨ।' (ਏਜੰਸੀ)
