ਹਮਲੇ ਵਿਚ 10 ਜਵਾਨਾਂ ਸਮੇਤ 11 ਲੋਕ ਮਾਰੇ ਗਏ ਸਨ
ਰਾਏਪੁਰ: ਛੱਤੀਸਗੜ੍ਹ ਦੇ ਦੰਤੇਵਾੜਾ ਜ਼ਿਲ੍ਹੇ ਵਿਚ ਬੁੱਧਵਾਰ ਨੂੰ ਬਾਰੂਦੀ ਸੁਰੰਗ ਧਮਾਕੇ ਵਿਚ 10 ਪੁਲਿਸ ਮੁਲਾਜ਼ਮ ਸ਼ਹੀਦ ਹੋ ਗਏ। ਖ਼ਾਸ ਗੱਲ ਇਹ ਹੈ ਕਿ ਸ਼ਹੀਦ ਹੋਏ 10 ਜਵਾਨਾਂ ਵਿਚੋਂ ਪੰਜ ਪਹਿਲਾਂ ਨਕਸਲੀ ਸਨ। ਉਹ ਨਕਸਲਵਾਦ ਛੱਡ ਕੇ ਪੁਲਿਸ ਫੋਰਸ ਵਿਚ ਭਰਤੀ ਹੋਏ ਸਨ। ਹੈੱਡ ਕਾਂਸਟੇਬਲ ਜੋਗਾ ਸੋਢੀ, ਮੁੰਨਾ ਕਡਤੀ, ਕਾਂਸਟੇਬਲ ਹਰੀਰਾਮ ਮੰਡਾਵੀ ਜੋਗਾ ਕਾਵਾਸੀ ਅਤੇ ਕਾਂਸਟੇਬਲ ਰਾਜੂਰਾਮ ਕਰਤਮ ਪਹਿਲਾਂ ਨਕਸਲੀ ਵਜੋਂ ਸਰਗਰਮ ਸਨ, ਆਤਮ ਸਮਰਪਣ ਕਰਨ ਤੋਂ ਬਾਅਦ ਉਹ ਪੁਲਿਸ ਵਿਚ ਸ਼ਾਮਲ ਹੋ ਗਏ।
ਇਹ ਵੀ ਪੜ੍ਹੋ: ਨਸ਼ੇ ਨੇ ਉਜਾੜਿਆ ਇੱਕ ਹੋਰ ਘਰ, ਨਸ਼ੇ ਦੀ ਵੱਧ ਮਾਤਰਾ ਲੈਣ ਕਾਰਨ ਨੌਜਵਾਨ ਦੀ ਮੌਤ
ਦੱਸ ਦੇਈਏ ਕਿ ਹਮਲੇ ਵਿਚ 10 ਜਵਾਨਾਂ ਸਮੇਤ 11 ਲੋਕ ਮਾਰੇ ਗਏ ਸਨ। ਇਹ ਹਮਲਾ ਉਸ ਸਮੇਂ ਹੋਇਆ ਜਦੋਂ ਜਵਾਨ ਤਲਾਸ਼ੀ ਲੈ ਕੇ ਵਾਪਸ ਪਰਤ ਰਹੇ ਸਨ।ਬਸਤਰ ਰੇਂਜ ਦੇ ਇੰਸਪੈਕਟਰ ਜਨਰਲ ਸੁੰਦਰਰਾਜ ਪੀ ਨੇ ਦੱਸਿਆ ਕਿ ਸੁਕਮਾ ਜ਼ਿਲ੍ਹੇ ਦੇ ਅਰਾਲਮਪੱਲੀ ਪਿੰਡ ਦੇ ਵਸਨੀਕ ਸੋਢੀ ਅਤੇ ਦੰਤੇਵਾੜਾ ਦੇ ਮੁਡੇਰ ਪਿੰਡ ਦੇ ਵਸਨੀਕ ਕਡਤੀ 2017 ਵਿਚ ਪੁਲਿਸ ਵਿਚ ਭਰਤੀ ਹੋਏ ਸਨ। ਇਸੇ ਤਰ੍ਹਾਂ ਦੰਤੇਵਾੜਾ ਜ਼ਿਲ੍ਹੇ ਦੇ ਵਸਨੀਕ ਮੰਡਾਵੀ ਅਤੇ ਕਰਤਮ ਨੂੰ 2020 ਅਤੇ 2022 ਵਿਚ ਪੁਲਿਸ ਵਿਚ ਸ਼ਾਮਲ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ: ਗੈਂਗਸਟਰ ਅਰਸ਼ਦੀਪ ਡੱਲਾ ਤੇ ਹਰਦੀਪ ਨਿੱਝਰ ਖ਼ਿਲਾਫ਼ Proclamation ਨੋਟਿਸ ਜਾਰੀ
ਉਨ੍ਹਾਂ ਦੱਸਿਆ ਕਿ ਦੰਤੇਵਾੜਾ ਜ਼ਿਲੇ ਦੇ ਬਡੇਗਦਮ ਪਿੰਡ ਦਾ ਰਹਿਣ ਵਾਲਾ ਇਕ ਹੋਰ ਜਵਾਨ ਜੋਗਾ ਕਾਵਾਸੀ ਪਿਛਲੇ ਮਹੀਨੇ ਪੁਲਿਸ ਫੋਰਸ 'ਚ ਭਰਤੀ ਹੋਇਆ ਸੀ।ਬਸਤਰ ਡਿਵੀਜ਼ਨ ਦੇ ਸਥਾਨਕ ਨੌਜਵਾਨਾਂ ਅਤੇ ਆਤਮ ਸਮਰਪਣ ਕਰਨ ਵਾਲੇ ਨਕਸਲੀਆਂ ਨੂੰ ਸੁਰੱਖਿਆ ਬਲ ਦੀ ਸਭ ਤੋਂ ਵੱਧ ਫਾਇਰਪਾਵਰ ਜ਼ਿਲ੍ਹਾ ਰਿਜ਼ਰਵ ਗਾਰਡ ਵਿਚ ਭਰਤੀ ਕੀਤਾ ਜਾਂਦਾ ਹੈ। ਲਗਭਗ 40 ਹਜ਼ਾਰ ਵਰਗ ਕਿਲੋਮੀਟਰ ਦੇ ਖੇਤਰ ਵਿਚ ਫੈਲੇ ਬਸਤਰ ਦੇ ਸੱਤ ਜ਼ਿਲ੍ਹਿਆਂ ਵਿਚ ਪਿਛਲੇ ਤਿੰਨ ਦਹਾਕਿਆਂ ਤੋਂ ਚੱਲ ਰਹੇ ਖੱਬੇ ਪੱਖੀ ਕੱਟੜਵਾਦ ਦੇ ਖਤਰੇ ਨਾਲ ਲੜਨ ਲਈ ਵੱਖ-ਵੱਖ ਸਮੇਂ 'ਤੇ ਡੀਆਰਜੀ ਦਾ ਗਠਨ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ: ਕੁੜੀਆਂ ਦੇ ਹੋਸਟਲ 'ਚ ਦਾਖਲ ਹੋਇਆ ਸ਼ੱਕੀ ਨੌਜਵਾਨ, ਘਟਨਾ CCTV 'ਚ ਕੈਦ
ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਡੀਆਰਜੀ ਦਾ ਗਠਨ ਪਹਿਲੀ ਵਾਰ 2008 ਵਿਚ ਕਾਂਕੇਰ (ਉੱਤਰੀ ਬਸਤਰ) ਅਤੇ ਨਰਾਇਣਪੁਰ (ਅਬੂਝਾਮਦ ਸਮੇਤ) ਜ਼ਿਲ੍ਹਿਆਂ ਵਿਚ ਕੀਤਾ ਗਿਆ ਸੀ। ਪੰਜ ਸਾਲ ਬਾਅਦ 2013 ਵਿਚ ਬੀਜਾਪੁਰ ਅਤੇ ਬਸਤਰ ਜ਼ਿਲ੍ਹਿਆਂ ਵਿਚ ਫੋਰਸ ਬਣਾਈ ਗਈ। ਇਸ ਤੋਂ ਬਾਅਦ 2014 ਵਿਚ ਸੁਕਮਾ ਅਤੇ ਕੋਂਡਗਾਓਂ ਜ਼ਿਲ੍ਹਿਆਂ ਵਿਚ ਡੀਆਰਜੀ ਦਾ ਗਠਨ ਕਰਦਿਆਂ ਇਸ ਦਾ ਵਿਸਤਾਰ ਕੀਤਾ ਗਿਆ। ਜਦਕਿ 2015 ਵਿਚ ਦੰਤੇਵਾੜਾ ਵਿਚ ਡੀਆਰਜੀ ਦਾ ਗਠਨ ਕੀਤਾ ਗਿਆ ਸੀ।
