ਭੋਪਾਲ / ਨਵੀਂ ਦਿੱਲੀ, ਮੱਧ ਪ੍ਰਦੇਸ਼ ਅਤੇ ਮਹਾਰਾਸ਼ਟਰ ਸਮੇਤ ਉੱਤਰ ਭਾਰਤ ਦੇ ਜ਼ਿਆਦਾਤਰ ਹਿੱਸਿਆਂ ਵਿਚ ਤੇਜ਼ ਧੁੱਪ ਵਾਲੀ ਗਰਮੀ ਪੈ ਰਹੀ ਹੈ.........
ਚੰਡੀਗੜ੍ਹ : ਭੋਪਾਲ / ਨਵੀਂ ਦਿੱਲੀ, ਮੱਧ ਪ੍ਰਦੇਸ਼ ਅਤੇ ਮਹਾਰਾਸ਼ਟਰ ਸਮੇਤ ਉੱਤਰ ਭਾਰਤ ਦੇ ਜ਼ਿਆਦਾਤਰ ਹਿੱਸਿਆਂ ਵਿਚ ਤੇਜ਼ ਧੁੱਪ ਵਾਲੀ ਗਰਮੀ ਪੈ ਰਹੀ ਹੈ| ਪੂਰੇ ਉੱਤਰ ਪ੍ਰਦੇਸ਼, ਦਿੱਲੀ, ਰਾਜਸਥਾਨ, ਪੰਜਾਬ, ਹਰਿਆਣਾ, ਮੱਧ ਪ੍ਰਦੇਸ਼, ਮਹਾਰਾਸ਼ਟਰ, ਉਤਰਾਖੰਡ ਅਤੇ ਜੰਮੂ-ਕਸ਼ਮੀਰ ਦੇ ਕੁੱਝ ਹਿੱਸੇ ਲੂ ਦੀ ਚਪੇਟ ਵਿਚ ਹਨ| ਮੌਸਮ ਵਿਭਾਗ ਦੇ ਮੁਤਾਬਕ ਕੁੱਝ ਹਿਸਿਆਂ ਵਿਚ ਅਗਲੇ ਦੋ-ਤਿੰਨ ਦਿਨ ਤੱਕ ਲੂ ਦਾ ਕਹਰ ਜਾਰੀ ਰਹੇਗਾ| ਮੌਸਮ ਵਿਭਾਗ ਨੇ ਲੂ ਦਾ ਅਲਰਟ ਜਾਰੀ ਕੀਤਾ ਹੈ|
hot dayਭੋਪਾਲ ਵਿਚ ਤਾਪਮਾਨ ਵਿਚ 0.3 ਡਿਗਰੀ ਸੇਲਸੀਅਸ ਦਾ ਵਾਧਾ ਹੋਇਆ| ਇੱਥੇ ਪਾਰਾ 45.3 ਡਿਗਰੀ ਉੱਤੇ ਪਹੁੰਚ ਗਿਆ| ਪੂਰੇ ਪ੍ਰਦੇਸ਼ ਵਿਚ ਖਜੁਰਾਹੋ ਸਭ ਤੋਂ ਜ਼ਿਆਦਾ ਗਰਮ ਰਿਹਾ| ਉੱਥੇ ਦਿਨ ਦਾ ਤਾਪਮਾਨ 47.2 ਡਿਗਰੀ ਦਰਜ ਕੀਤਾ ਗਿਆ| ਦੱਸਿਆ ਗਿਆ ਕਿ ਇਹ ਦੇਸ਼ ਵਿਚ ਸਭ ਤੋਂ ਗਰਮ ਸਥਾਨ ਸੀ| ਰਾਜਸਥਾਨ ਦੇ ਬੂੰਦੀ ਵਿਚ ਤਹਿਸੀਲ ਦਫ਼ਤਰ ਦੇ ਅਨੁਸਾਰ ਐਤਵਾਰ ਨੂੰ ਸਭ ਤੋਂ ਜ਼ਿਆਦਾ ਤਾਪਮਾਨ 48 ਡਿਗਰੀ ਸੇਲਸੀਅਸ ਦਰਜ ਹੋਇਆ| ਝਾਲਾਵਾੜ ਅਤੇ ਬਾਰਾਂ ਵਿਚ ਵੀ ਤਾਪਮਾਨ 48 ਡਿਗਰੀ ਦੱਸਿਆ ਗਿਆ|
Summer seasonਭਿਆਨਕ ਗਰਮੀ ਦੇ ਕਾਰਨ 16 ਸ਼ਹਿਰਾਂ ਵਿਚ ਪਾਰਾ 45-46 ਡਿਗਰੀ ਜਾਂ ਉਸ ਤੋਂ ਵੀ ਜ਼ਿਆਦਾ ਰਿਹਾ| ਮੌਸਮ ਵਿਭਾਗ ਦੇ ਮੁਤਾਬਿਕ ਐਤਵਾਰ ਨੂੰ ਰਾਜਗੜ ਵਿਚ ਪਾਰਾ 46 ਅਤੇ ਰਾਇਸੇਨ ਵਿਚ 45 ਡਿਗਰੀ ਦੇ ਕਰੀਬ ਪਹੁੰਚ ਗਿਆ| ਮੌਸਮ ਵਿਗਿਆਨੀ ਐਸਕੇ ਨਾਇਕ ਨੇ ਦੱਸਿਆ ਕਿ ਹਵਾ ਦਾ ਰੁਖ਼ ਪੂਰਵੀ ਹੋਣ ਦਾ ਅਨੁਮਾਨ ਹੈ| ਇਸ ਨਾਲ ਮੌਸਮ ਦਾ ਮਿਜ਼ਾਜ ਬਦਲ ਸਕਦਾ ਹੈ ਅਤੇ ਲੋਕਾਂ ਨੂੰ ਗਰਮੀ ਤੋਂ ਕੁੱਝ ਰਾਹਤ ਮਿਲ ਸਕਦੀ ਹੈ| (ਏਜੰਸੀ)
